ਬਠਿੰਡਾ ਦੇ ਸੋਮੀ ਨੇ ਕੀਤੀ ਇਮਾਨਦਾਰੀ ਦੀ ਮਿਸਾਲ ਪੇਸ਼ 

ਬਠਿੰਡਾ 21 ਅਗਸਤ(ਪੱਤਰ ਪ੍ਰੇਰਕ):= ਭਾਵੇਂ ਕਿ ਅਕਸਰ ਕਿਹਾ ਜਾਂਦਾ ਹੈ ਕਿ ਇਸ ਦੁਨੀਆਂ ਵਿੱਚ ਕੋਈ ਵੀ ਇਮਾਨਦਾਰ ਨਹੀਂ ਪਰ ਬਠਿੰਡਾ ਸ਼ਹਿਰ ਦੇ ਘਨੵਈਆ ਨਗਰ ਗਲੀ ਨੰਬਰ 2 ਦੇ  ਸੋਮੂ ਨੇ ਇਮਾਨਦਾਰੀ ਦੀ ਮਿਸਾਲ ਪੇਸ਼ ਕਰਕੇ ਆਪਣੇ ਹੋਣਹਾਰ ਪੁੱਤ ਹੋਣ ਦਾ ਸਬੂਤ ਦਿੱਤਾ ਹੈ । ਹੋਇਆ ਇੰਜ ਕੇ ਕੋਟ ਸ਼ਮੀਰ ਦੇ ਨੰਬਰਦਾਰ ਬਲਵਿੰਦਰ ਸਿੰਘ ਦਾ ਮੋਬਾਈਲ ਜਿਸ ਦੀ ਕੀਮਤ ਲਗਭਗ 85000 ਰੁਪੈ ਸੀ, ਨਵੀਂ ਬਸਤੀ ਦੀ ਗਲੀ ਨੰਬਰ 2 ਵਿੱਚ ਡਿੱਗ ਪਿਆ ਜਿਸਦਾ ਉਸ ਨੂੰ ਪਤਾ ਹੀ ਨਾ ਲੱਗਾ। ਉਧਰ ਸੋਮੂ ਦੀ ਧਰਮ ਪਤਨੀ ਅਤੇ ਸੋਮੂ ਇਸ ਗਲੀ ਵਿੱਚ ਜਾ ਰਹੇ ਸਨ ਅਤੇ ਇਹ ਫੋਨ ਉਹਨਾਂ ਨੂੰ ਮਿਲ ਗਿਆ । ਜਿੱਥੇ ਆਮ ਤੌਰ ਤੇ ਲੋਕ ਮੋਬਾਇਲ ਮਿਲਨ ਤੇ ਉਸਨੂੰ ਸਵਿਚ ਆਫ ਕਰ ਦਿੰਦੇ ਹਨ ਪਰ ਇਸ ਜੋੜੀ ਨੇ ਇਸ ਤਰ੍ਹਾਂ ਨਹੀਂ ਕੀਤਾ ਅਤੇ ਮੋਬਾਈਲ ਵਿੱਚੋਂ ਨੰਬਰ ਕੱਢ ਕੇ ਨੰਬਰਦਾਰ ਦੇ ਘਰ ਫੋਨ ਕਰ ਦਿੱਤਾ। ਜਦੋਂ ਨੰਬਰਦਾਰ ਨੂੰ ਪਤਾ ਲੱਗਾ ਕਿ ਉਸ ਦਾ ਫੋਨ ਮਿਲ ਗਿਆ ਹੈ ਤਾਂ ਉਸਨੇ ਮੀਆਂ ਬੀਬੀ ਨੂੰ ਘਰ ਬੁਲਾ ਕੇ ਨਗਦ ਇਨਾਮ , ਟੀ ਸ਼ਰਟ ਤੇ ਹੋਰ ਸਮਾਨ ਦੇ ਕੇ ਉਹਨਾਂ ਦਾ ਮਾਨ ਸਨਮਾਨ ਕੀਤਾ ਤਾਂ ਕਿ ਸਮਾਜ ਨੂੰ ਸੇਧ ਮਿਲ ਸਕੇ ਕਿ ਅਸੀਂ ਵੀ ਬਠਿੰਡੇ ਦੀ ਇਸ ਮੀਆਂ ਬੀਬੀ ਦੀ ਜੋੜੀ ਦੀ ਤਰ੍ਹਾਂ ਇਮਾਨਦਾਰ ਬਣ ਸਕੀਏ। ਨੰਬਰਦਾਰ ਨੇ ਦੱਸਿਆ ਕਿ ਆਉਣ ਵਾਲੇ ਸਮੇਂ ਵਿੱਚ ਕਿਸੇ ਪ੍ਰੋਗਰਾਮ ਵਿੱਚ ਇਸ ਜੋੜੀ ਨੂੰ ਸਨਮਾਨਿਤ ਕਰਵਾਇਆ ਜਾਵੇਗਾ।