ਬਲਾਕ ਨੂਰਪੁਰ ਬੇਦੀ ਦੇ ਪਿੰਡ ਜੱਟਪੁਰ ਦੇ ਸਕੂਲਾਂ ਵਿੱਚ ਪੇਟ ਦੇ ਕੀੜੇ ਮਾਰਨ ਵਾਲੀ (ਅਲਵੈਡਾ ਜੋਲ) ਦੀ ਦਵਾਈ ਪਿਲਾਈ ਗਈ 

 ਨੂਰਪੁਰ ਬੇਦੀ 10 ਅਗਸਤ (ਦਲਜੀਤ ਚਨੌਲੀ ) :- ਡਾਕਟਰ ਰਮਨ ਕੁਮਾਰ ਸਿਵਲ ਸਰਜਨ ਰੂਪਨਗਰ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਅਤੇ ਡਾ.ਹਰਪ੍ਰੀਤ ਕੌਰ   ਸੀਨੀਅਰ ਮੈਡੀਕਲ ਅਫਸਰ ਸੀ.ਐਚ.ਸੀ ਨੂਰਪੁਰਬੇਦੀ ਦੀ ਅਗਵਾਈ ਹੇਠ ਬਲਾਕ ਨੂਰਪੁਰ ਬੇਦੀ ਦੇ ਪਿੰਡ ਜੱਟਪੁਰ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਅਤੇ ਮਿਡਲ ਸਕੂਲ ਦੇ ਨਾਲ-ਨਾਲ ਪਿੰਡ ਗੁਰਸੇਮਾਜਰਾ ਦੀ ਆਂਗਨਵਾੜੀ ਅਤੇ ਜੱਟਪੁਰ ਦੀ ਆਂਗਨਵਾੜੀ ‘ਚ ਆਸ਼ਾ ਵਰਕਰ ਕੁਲਵੀਰ ਕੌਰ ਵਲੋਂ ਬੱਚਿਆ ਨੂੰ ਪੇਟ ਦੇ ਕੀੜੀਆਂ ਤੋ ਬਚਾਓ ਲਈ  ਦਵਾਈ ਖਲਾਈ ਗਈ । ਇਸ ਦੋਰਾਨ ਆਸ਼ਾ ਵਰਕਰ ਕੁਲਬੀਰ ਕੌਰ ਨੇ ਆਪਣੇ ਸਬੋਧਨ ਦੋਰਾਨ ਬੱਚਿਆਂ ਨੂੰ ਦੱਸਿਆ ਕਿ ਕੀੜੇ ਹੋਣ ਨਾਲ ਖੂਨ ਦੀ ਕਮੀ ਅਤੇ ਬੱਚਿਆਂ ‘ਚ ਕੁਪੋਸ਼ਣ ਹੋ ਜਾਂਦਾ ਹੈ । ਜਿਸ ਨਾਲ ਹਮੇਸ਼ਾ ਹੀ ਬੱਚੇ ਨੂੰ ਥਕਾਵਟ ਰਹਿੰਦੀ ਹੈ ,ਪੇਟ ਦੇ ਕੀੜਿਆ ਨਾਲ ਸੰਪੂਰਨ ਸਰੀਰਕ ਅਤੇ ਮਾਨਸਿਕ ਵਿਕਾਸ ਵਿੱਚ ਰੁਕਾਵਟ ਆ ਜਾਦੀ ਹੈ,ਪੇਟ ਦੇ ਕੀੜਿਆਂ ਨੂੰ ਸਹਿਜੇ ਹੀ ਕਾਬੂ ਕੀਤਾ ਜਾ ਸਕਦਾ ਹੈ । ਉਨਾਂ ਦੱਸਿਆ ਕਿ 1 ਤੋਂ 19 ਸਾਲ ਤੱਕ ਦੇ ਸਾਰੇ ਬੱਚਿਆਂ ਨੂੰ ਸਰਕਾਰੀ ਸਕੂਲਾਂ ਅਤੇ ਆਂਗਣਵਾੜੀ ਵਿੱਚ ਪੇਟ ਦੇ ਕੀੜੇ ਮਾਰਨ ਵਾਲੀਆਂ ਗੋਲੀਆਂ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਵਲੋਂ ਮੁਫਤ ਖੁਆਈ ਜਾਦੀ ਹੈ । ਸਾਰੇ ਅਣਰਜਿਸਟਰਡ ਅਤੇ ਸਕੂਲ ਨਾ ਜਾਂਦੇ ਬੱਚਿਆਂ ਨੂੰ ਵੀ ਪੇਟ ਦੇ ਕੀੜੇ ਮਾਰਨ ਵਾਲੀ ਦਵਾਈ ਲਾਜ਼ਮੀ ਖੁਆਣੀ ਚਾਹੀਦੀ ਹੈ । ਉਨਾਂ ਨੇ ਦੱਸਿਆ ਕਿ ਜਿਹਨਾਂ ਬੱਚਿਆਂ ਨੂੰ ਪੇਟ ਦੇ ਕੀੜਿਆਂ ਦੀ ਦਵਾਈ ਰਾਸ਼ਟਰੀ ਮੁਕਤੀ ਦਿਵਸ ਉਤੇ ਨਹੀਂ ਦਿੱਤੀ ਜਾ ਸਕੀ ਹੋਵੇ ਉਨਾਂ ਨੂੰ 17 ਅਗਸਤ (ਮੌਪ ਅੱਪ) ਦਿਵਸ ਨੂੰ ਦਵਾਈ ਲਾਜ਼ਮੀ ਖੁਆਣੀ ਚਾਹੀਦੀ ਹੈ । ਉਨਾਂ ਨੇ ਬੱਚਿਆ ਨੂੰ ਆਪਣੇ ਸਬੋਧਨ ਦੋਰਾਨ ਦੱਸਿਆ ਕਿ ਹਮੇਸ਼ਾ ਪਖਾਨੇ ਦੀ ਵਰਤੋਂ ਕਰੋ,ਆਪਣੇ ਹੱਥ ਸਾਬਣ ਨਾਲ ਧੋਵੋ,ਜੁੱਤੀਆਂ ਜਾ ਚਪਲਾਂ ਪਾ ਕੇ ਰੱਖੋ,ਨਹੁੰ ਸਾਫ ਰੱਖੋ,ਹਮੇਸ਼ਾਂ ਸਾਫ ਪਾਣੀ ਪਿਓ,ਖਾਣੇ ਨੂੰ ਢੱਕ ਕੇ ਰਖੋ,ਫਲਾਂ ਤੇ ਸਬਜ਼ੀਆਂ ਨੂੰ ਸਾਫ਼ ਪਾਣੀ ਵਿੱਚ ਧੋਵੋ ਅਤੇ ਘਰ ਦੇ ਆਸ ਪਾਸ ਸਫਾਈ ਰੱਖੋ ਬਾਰੇ ਵਿਸ਼ੇਸ਼ ਜਾਣਕਾਰੀ ਦਿੱਤੀ  ।  ਇਸ ਮੌਕੇ ਸਕੂਲ ਦੀ ਅਧਿਆਪਕ ਕਵੀਤਾ,ਜੋਗਿੰਦਰ ਸਿੰਘ,ਨਵਨੀਤ ਕੌਰ ਆਂਗਨਵਾੜੀ ਵਰਕਰ ਨਰਿੰਦਰ ਜੀਤ ਕੌਰ,ਹਰਜਿੰਦਰ ਕੌਰ ਅਤੇ ਸਕੂਲ ਦੇ ਵਿਦਿਆਰਥੀ ਹਾਜਰ ਸੀ। ਫੋਟੋ ਕੈਪਸ਼ਨ : – ਪੇਟ ਦੇ ਕੀੜਿਆ ਦੀ ਦਵਾਈ ਖੁਆਉਣ ਤੋ ਬਾਅਦ ਆਸ਼ਾ ਵਰਕਰ ਸਕੂਲੀ ਵਿਦਿਆਰਥੀ ਅਤੇ ਅਧਿਆਪਕ ਦੇ ਨਾਲ