Manpreet Singh
ਸਾਡਾ ਰੋਸ਼ ਸਰਕਾਰ ਨਾਲ ,ਸਹਿਰ ਦੇ ਲੋਕਾਂ ਨਾਲ ਨਹੀਂ – ਰਾਜ ਕੁਮਾਰ
ਭਾਦਸੋਂ 24 ਜੁਲਾਈ ( ਜਗਜੀਤ ਸਿੰਘ ਕੈਂਥ )- ਸਫਾਈ ਸੇਵਕਾਂ ਦੀ ਸੂਬਾ ਪੱਧਰੀ ਹੜਤਾਲ ਦੇ ਚਲਦਿਆਂ ਭਾਦਸੋਂ ਨਗਰ ਪੰਚਾਇਤ ਦੇ ਸਫਾਈ ਸੇਵਕਾਂ ਨੇ ਬਰਨਾਲਾ ਵਿੱਚ ਪ੍ਰਸ਼ਾਸਨ ਅਤੇ ਪੜਤਾਲੀ ਸਫਾਈ ਸੇਵਕਾਂ ਵਿੱਚ ਹੋਈ ਝੜਪ ਦੇ ਰੋਸ ਵਜੋਂ ਪੁਤਲਾ ਫੂਕ ਕੇ ਪ੍ਰਦਰਸ਼ਨ ਕੀਤਾ । ਸਥਾਨਕ ਯੂਨੀਅਨ ਦੇ ਪ੍ਰਧਾਨ ਰਾਜ ਕੁਮਾਰ ਦੀ ਅਗਵਾਈ ਹੇਠ ਸਫਾਈ ਸੇਵਕਾਂ ਨੇ ਦਸ਼ਿਹਰਾ ਚੌਂਕ ਵਿੱਚ ਪੁਤਲਾ ਫੂਕਿਆ । ਇਸ ਮੌਕੇ ਪ੍ਰਧਾਨ ਰਾਜ ਕੁਮਾਰ ਨੇ ਕਿਹਾ ਕਿ ਸਾਡਾ ਰੋਸ਼ ਸਰਕਾਰ ਨਾਲ ਹੈ ਪਰ ਸਹਿਰ ਦੀ ਜਨਤਾ ਨਾਲ ਨਹੀਂ ਹੈ , ਸਹਿਰ ਸਾਡਾ ਹੈ ਤੇ ਇੱਥੋਂ ਲੋਕਾਂ ਲਈ ਐਮਰਜੈਂਸੀ ਸਮੇਂ ਅਸੀਂ ਢਿੱਲ ਵੀ ਦੇ ਰੱਖੀ ਹੈ । ਜਿਸ ਤੋਂ ਇਲਾਵਾ ਸਥਾਨਕ ਧਾਰਮਿਕ ਅਸਥਾਨ ਤੇ ਸਰਕਾਰੀ ਹਸਪਤਾਲ ਸਾਡੀ ਹੜਤਾਲ ਦੇ ਘੇਰੇ ਵਿੱਚ ਨਹੀਂ ਆਉਂਦੇ । ਇਨ੍ਹਾਂ ਸਥਾਨਾਂ ਉੱਤੇ ਅਸੀਂ ਗੰਦਗੀ ਜਮਾਂ ਹੋਣ ਨਹੀਂ ਦੇਵਾਂਗੇ । ਸਫਾਈ ਸੇਵਕਾਂ ਨੇ ਇਕ ਆਵਾਜ ਵਿੱਚ ਕਿਹਾ ਕਿ ਬਰਨਾਲਾ ਸਹਿਰ ਵਿੱਚ ਹੋਇਆ ਟਕਰਾਅ ਮੰਦਭਾਗਾ ਸੀ , ਅਜਿਹਾ ਨਹੀਂ ਹੋਣਾ ਚਾਹੀਦਾ । ਸਾਡਾ ਅੰਦੋਲਨ ਸ਼ਾਂਤਮਈ ਹੈ ਅਸੀਂ ਸ਼ਾਂਤਮਈ ਢੰਗ ਨਾਲ ਹੀ ਇਸਨੂੰ ਨੇਪਰੇ ਚਾੜ੍ਹਾਂਗੇ । ਇਸ ਮੌਕੇ ਰਿਸ਼ੀ ਉੱਪ ਪ੍ਰਧਾਨ, ਨਿਰਮਲ ਸਿੰਘ, ਹਰਬੰਸ ਲਾਲ, ਜਗਜੀਤ ਸਿੰਘ, ਲੱਖੀ ਰਾਮ, ਗੁਰਬਿੰਦਰ ਸਿੰਘ, ਰਣਜੀਤ ਸਿੰਘ, ਪ੍ਰਵੀਨਾ ਰਾਣੀ, ਆਸ਼ਾ ਰਾਣੀ, ਅਨੂੰ ਰਾਣੀ, ਬੇਅੰਤ ਕੌਰ, ਪਰਵਿੰਦਰ ਕੌਰ, ਬਿੰਦਰ ਕੌਰ, ਜਗਤ ਸਿੰਘ, ਦੀਪਕ ਸ਼ਰਮਾ, ਦੀਪਕ ਕੁਮਾਰ, ਸੁਖਵੰਤ ਸਿੰਘ, ਲਾਡੀ ਤੇ ਲਖਵੀਰ ਸਿੰਘ ਹਾਜਰ ਸੀ ।
