ਮਿੰਨੀ ਕਹਾਣੀ                      ਕੰਮ ਤਾਂ ਕਰਨਾ ਹੀ ਪਊ

ਸਿਵਲ ਹਸਪਤਾਲ ਵਿੱਚ ਤੈਨਾਤ ਡਾਕਟਰ ਸੰਜੀਵ ਗੋਇਲ ਦੀ ਡਿਊਟੀ ਝੋਨੇ ਦੀ ਪਰਾਲੀ ਪ੍ਰਬੰਧਨ ਵਿੱਚ ਲਗਾ ਦਿੱਤੀ ਗਈ।ਇਸ ਸਬੰਧ ਵਿੱਚ ਜਦੋਂ ਸੰਜੀਵ ਗੋਇਲ ਸਿਹਤ ਮੰਤਰੀ ਜੀ ਨੂੰ ਮਿਲਿਆ ਅਤੇ ਆਪਣੀ ਡਿਊਟੀ ਕਟਵਾਉਣ ਲਈ ਬੇਨਤੀ ਕੀਤੀ ਤਾਂ ਅੱਗੋਂ ਮੰਤਰੀ ਸਾਹਿਬ ਕਹਿਣ ਲੱਗੇ,ਡਾਕਟਰ ਸਾਹਿਬ ਕੰਮ ਤਾਂ ਕਰਨਾ ਹੀ ਪੈਣਾ,ਇਹ ਸੁਣ ਕੇ ਸੰਜੀਵ ਗੋਇਲ ਮੰਤਰੀ ਸਾਹਿਬ ਨੂੰ ਕਹਿਣ ਲੱਗੇ,ਸਰ ਮੈਂ ਸਰਜਨ ਹਾਂ, ਮੈਂ ਆਪ੍ਰੇਸ਼ਨ ਕਰਦਾ ਹਾਂ, ਦੋਵਾਂ ਪਾਸੇ ਮੈਂ ਡਿਊਟੀ ਕਿਵੇਂ ਕਰਾਂਗਾ? ਡਾਕਟਰ ਸਾਹਿਬ ਦੀ ਗੱਲ ਸੁਣ ਕੇ ਮੰਤਰੀ ਸਾਹਿਬ ਕਹਿਣ ਲੱਗੇ, ਡਾਕਟਰ ਸਾਹਿਬ ਕਿਸਾਨ ਗਿਆਰਾਂ ਵਜੇ ਤੋਂ ਬਾਅਦ ਪਰਾਲੀ ਨੂੰ ਅੱਗ ਲਗਾਉਂਦੇ ਨੇ, ਤੁਸੀਂ ਗਿਆਰਾਂ ਵਜੇ ਤੱਕ ਆਪਣੇ ਆਪ੍ਰੇਸ਼ਨ ਕਰ ਲਵੋ ਅਤੇ ਬਾਅਦ ਵਿੱਚ ਝੋਨੇ ਦੀ ਪਰਾਲੀ ਦੇ ਸਾਂਭ ਸੰਭਾਲ ਸਬੰਧੀ ਡਿਊਟੀ ਕਰੋਂ।ਇਹ ਸਭ ਸੁਣ ਕੇ ਸੰਜੀਵ ਗੋਇਲ ਜਦੋਂ ਮੰਤਰੀ ਦੇ ਦਫ਼ਤਰ ਚੋਂ ਬਾਹਰ ਆਇਆ ਅਤੇ ਸੋਚਣ ਲੱਗਿਆ ਕਿ ਉਹ ਆਪ੍ਰੇਸ਼ਨਾਂ ਦਾ ਚਾਹੇ ਕਿੰਨਾ ਵੀ ਸਫ਼ਲ ਡਾਕਟਰ ਕਿਉਂ ਨਾ ਹੋਵੇ ਪਰੰਤੂ ਅੱਜ ਉਹ ਇੱਕ ਅਨਪੜ੍ਹ ਮੰਤਰੀ ਸਾਹਮਣੇ  ਅਸਫ਼ਲ ਰਿਹਾ।

     ਰਜਵਿੰਦਰ ਪਾਲ ਸ਼ਰਮਾ

     ਪਿੰਡ ਕਾਲਝਰਾਣੀ

     ਡਾਕਖਾਨਾ ਚੱਕ ਅਤਰ ਸਿੰਘ ਵਾਲਾ

      ਤਹਿ ਅਤੇ ਜਿਲ੍ਹਾ ਬਠਿੰਡਾ

       7087367969