Manpreet Singh
ਸ੍ਰੀ ਮੁਕਤਸਰ ਸਾਹਿਬ, 24 ਜੁਲਾਈ (ਮਨਜੀਤ ਸਿੱਧੂ):- ਮੁਕਤਸਰ ਦੇ ਵਕੀਲਾਂ ਵੱਲੋਂ ਐਲ ਏ ਡੀ ਸੀ ਪ੍ਰਣਾਲੀ ਦੇ ਖ਼ਿਲਾਫ਼ ਸ਼ੁਰੂ ਕੀਤੀ ਕੰਮ ਛੋੜ ਹੜਤਾਲ 18ਵੇਂ ਦਿਨ ਵਿੱਚ ਦਾਖਲ ਹੋ ਗਈ ਹੈ। ਪੰਜ ਦਿਨਾਂ ਤੋਂ ਲੜੀਵਾਲ ਭੁੱਖ ਹੜਤਾਲ ਵੀ ਜਾਰੀ ਹੈ। ਵਕੀਲਾਂ ਨੇ ਦੋਸ਼ ਲਾਇਆ ਕਿ ਐਲ ਏ ਡੀ ਸੀ ਪ੍ਰਣਾਲੀ ਕਰਕੇ ਵਕੀਲਾਂ ਦੇ ਰੁਜ਼ਗਾਰ ’ਤੇ ਮਾੜਾ ਅਸਰ ਪੈ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਪ੍ਰਣਾਲੀ ਰੱਦ ਨਾ ਕੀਤੇ ਜਾਣ ਤੱਕ ਉਹ ਹੜਤਾਲ ਜਾਰੀ ਰੱਖਣਗੇ। ਦੂਜੇ ਪਾਸੇ ਵਕੀਲਾਂ ਦੇ ਅਦਾਲਤਾਂ ’ਚ ਚਾਰਾਜੋਈ ਨਾ ਕਰਕੇ ਜਿਹੜੇ ਲੋਕਾਂ ਦੇ ਕੇਸ ਲਟਕ ਰਹੇ ਹਨ ਉਨ੍ਹਾਂ ਡਾਢੇ ਪ੍ਰੇਸ਼ਾਨ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਝਗੜਾ ਵਕੀਲਾਂ ਤੇ ਸਰਕਾਰਾਂ ਦਾ ਹੈ ਪਰ ਨੁਕਸਾਨ ਉਨ੍ਹਾਂ ਦਾ ਹੋ ਰਿਹਾ ਹੈ। ਕੋਈ ਜ਼ਮਾਨਤ ਨਾ ਹੋਣ ਕਰਕੇ ਜੇਲ੍ਹ ਬੈਠਾ ਹੈ ਅਤੇ ਕਿਸੇ ਦਾ ਮਾਲੀ ਨੁਕਸਾਨ ਹੋ ਰਿਹਾ ਹੈ। ਲੋਕਾਂ ਦੀ ਮੰਗ ਹੈ ਕਿ ਵਕੀਲ ਉਨ੍ਹਾਂ ਦੀ ਸਾਰ ਵੀ ਲੈਣ।
