ਵਿਸਾਖੀ ਤੋਂ ਬਾਅਦ ਅਨੰਦਪੁਰ ਸਾਹਿਬ ਗੜ ਸ਼ੰਕਰ ਮਾਰਗ ਤੇ ਤੀਜੇ ਗੇੜ ਵਿਚ ਪ੍ਰੀਮਿਕਸ ਪਾਉਣ ਦਾ ਕੰਮ ਸ਼ੁਰੂ ਹੋਵੇਗਾ।

ਨੂਰਪੁਰ ਬੇਦੀ 6 ਅਪ੍ਰੈਲ ਦਲਜੀਤ ਚਨੌਲੀ ਅਨੰਦਪੁਰ ਸਾਹਿਬ ਤੋਂ ਗੜ ਸ਼ੰਕਰ ਤਕ ਛੇ ਮਾਰਗੀ ਰੋਡ ਦਾ ਪਹਿਲੀ ਵਾਰ ਸਰਕਾਰ ਦੀ ਬਜਾਏ ਕਾਰ ਸੇਵਾ ਤਹਿਤ ਵੱਡਾ ਉਦਮ ਕਰਨ ਵਾਲੇ ਕਿਲਾ ਅਨੰਦਗੜ੍ਹ ਸਾਹਿਬ ਵੱਲੋਂ ਸੰਤ ਬਾਬਾ ਸਤਨਾਮ ਸਿੰਘ ਸੰਤ ਬਾਬਾ ਸੁੱਚਾ ਸਿੰਘ ਦੀ ਅਗਵਾਈ ਵਿੱਚ ਵਿਸਾਖੀ ਤੋਂ ਅਗਲੇ ਦਿਨ ਤੀਜੇ ਗੇੜ ਦੀ ਲੁੱਕ ਪਾਉਣ ਦਾ ਕੰਮ ਸ਼ੁਰੂ ਕੀਤਾ ਜਾਵੇਗਾ।ਅੱਜ ਕਾਹਨਪੁਰ ਖੂਹੀ ਵਿਖੇ ਪੰਜਾਬ ਮੋਰਚਾ ਦੇ ਕਨਵੀਨਰ ਗੌਰਵ ਰਾਣਾ ਤੇ ਪਿੰਡ ਮੋਠਾਪੁਰ ਦੀਆਂ ਸੰਗਤਾਂ ਕਾਰ ਸੇਵਾ ਦੇ ਵਿੱਚ ਹਿੱਸਾ ਪਾਉਣ ਲਈ ਪਹੁੰਚੀਆਂ। ਜਿੱਥੇ ਸੰਤ ਬਾਬਾ ਸਤਨਾਮ ਸਿੰਘ ਜੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਅਨੰਦਪੁਰ ਸਾਹਿਬ ਤੋਂ ਗੜ ਸ਼ੰਕਰ ਮਾਰਗ ਨੂੰ ਵੱਡੇ ਪੱਧਰ ਤੇ ਵਿਕਸਿਤ ਕੀਤਾ ਜਾ ਰਿਹਾ ਹੈ। ਪਹਿਲੇ ਗੇੜ ਵਿੱਚ ਪੋਜੋਵਾਲ ਤੋਂ ਦੋ ਕਿਲੋਮੀਟਰ ਅੱਗੇ ਤੱਕ ਹਾਈਵੇ ਪੱਧਰ ਦੀ ਰੋਡ ਤਿਆਰ ਹੋ ਚੁੱਕੀ ਹੈ। ਦੂਜੇ ਗੇੜ ਤੋਂ ਭਜਨ ਢਾਬੇ ਤੋਂ ਗੜ ਸ਼ੰਕਰ ਵੱਲ ਨੂੰ ਡੇਢ ਕਿਲੋਮੀਟਰ ਦੇ ਕਰੀਬ ਰੋਡ ਤਿਆਰ ਹੋ ਚੁੱਕੀ।ਤੇ ਇਸੇ ਪ੍ਰਕਾਰ ਹੁਣ ਵਿਸਾਖੀ ਤੋਂ ਬਾਅਦ ਤੀਜੇ ਗੇੜ ਦੀ ਕਾਰ ਸੇਵਾ ਪੋਜੋਵਾਲ ਲਾਗੇ ਪੈਟਰੋਲ ਪੰਪ ਤੋਂ ਹਰੋ ਦੇ ਪੋਅ ਵੱਲ ਨੂੰ ਸ਼ੁਰੂ ਹੋ ਜਾਵੇਗੀ। ਇੱਥੇ ਪੰਜਾਬ ਮੋਰਚੇ ਦੇ ਕਨਵੀਨਰ ਗੌਰਵ ਰਾਣਾ ਤੇ ਵੱਖ ਵੱਖ ਪਿੰਡਾਂ ਦੇ ਆਏ ਸੇਵਾਦਾਰਾਂ ਨੇ ਕਿਹਾ ਕਿ ਇਸ ਮਹਾਨ ਸੜਕ ਵਿੱਚ ਹਿੱਸਾ ਪਾਉਣ ਦੇ ਲਈ ਵਾਢੀ ਤੋਂ ਬਾਅਦ ਪਿੰਡਾਂ ਵਿੱਚ ਲੜੀਵਾਰ ਧਾਰਮਿਕ ਸਮਾਗਮ ਆਯੋਜਿਤ ਕੀਤੇ ਜਾਣਗੇ। ਜਿੱਥੋਂ ਸੰਗਤਾਂ ਕਾਰ ਸੇਵਾ ਦੇ ਇਸ ਕਾਰਜ ਵਿੱਚ ਹਿੱਸਾ ਪਾਉਣ ਲਈ ਰਾਹਤ ਰਾਸ਼ੀ ਭੇਂਟ ਕਰੇਗੀ। ਸੰਤ ਬਾਬਾ ਸਤਨਾਮ ਸਿੰਘ ਜੀ ਨੇ ਕਿਹਾ ਕਿ ਸਾਨੂੰ ਸੰਗਤਾਂ ਦਾ ਪਿਆਰ ਚਾਹੀਦਾ ਹੈ। ਤੇ ਇਹ ਕਾਰਜ ਸੰਗਤਾਂ ਦੇ ਸਹਿਯੋਗ ਦੇ ਨਾਲ ਨਿਰੰਤਰ ਜਾਰੀ ਰਹਿਣਗੇ। ਉਹਨਾਂ ਨੇ ਇੱਥੇ ਪਹੁੰਚੇ ਸੇਵਾਦਾਰਾਂ ਨੂੰ ਕਿਹਾ ਕਿ ਧਾਰਮਿਕ ਅਸਥਾਨਾਂ ਤੇ ਸਮਾਜਿਕ ਕਾਰਜਾਂ ਤੇ ਲੋਕ ਭਲੇ ਦੇ ਲਈ ਕਿਸੇ ਵੀ ਪ੍ਰਕਾਰ ਦੀ ਸੇਵਾ ਲਈ ਆਪ ਜੀ ਕਦੇ ਵੀ ਪਹੁੰਚ ਕੇ ਸਮੱਗਰੀ ਪ੍ਰਾਪਤ ਕਰ ਸਕਦੇ ਹੋ।