Manpreet Singh
ਘਨੌਰ 16 ਅਪ੍ਰੈਲ (ਅਭਿਸ਼ੇਕ ਸੂਦ/ਭਾਗ ਸਿੰਘ ਅੰਟਾਲ) ਵਿਸ਼ਵ ਸਿਹਤ ਦਿਵਸ ਮੌਕੇ ਜੈਸਪਰ ਸਕੂਲ ਘਨੌਰ ਤੇ ਨਗਰ ਪੰਚਾਇਤ ਪ੍ਰਧਾਨ ਮਨਦੀਪ ਕੌਰ ਹੰਜਰਾਂ ਤੇ ਥਾਣਾ ਘਨੌਰ ਦੀ ਸਮੁੱਚੀ ਟੀਮ ਵਲੋਂ ਜੈਸਪਰ ਸਕੂਲ ਦੇ ਵਿਦਿਆਰਥੀਆਂ ਦੇ ਸਹਿਯੋਗ ਨਾਲ ਕੱਢੀ ਜਾ ਰਹੀ ਸਿਹਤ ਜਾਗਰੂਕਤਾ ਰੈਲੀ ਨੂੰ ਘਨੌਰ ਇਲਾਕਾ ਵਾਸੀਆਂ ਦੇ ਸਹਿਯੋਗ ਨਾਲ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ।ਇਹ ਰੈਲੀ ਸਿਵਲ ਹਸਪਤਾਲ ਤੋਂ ਹੁੰਦੀ ਹੋਈ ਬੱਸ ਸਟੈਂਡ ਘਨੌਰ, ਨਗਰ ਪੰਚਾਇਤ ਦਫਤਰ ਘਨੌਰ, ਯੂਨੀਵਰਸਿਟੀ ਕਾਲਜ ਘਨੌਰ ਹੁੰਦੀ ਹੋਈ ਜੈਸਪਰ ਸਕੂਲ ਵਿਖੇ ਸਮਾਪਤ ਹੋਈ। ਵਿਦਿਆਰਥੀਆਂ ਵੱਲੋਂ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਅਤੇ ਦੁਰਵਰਤੋਂ ਦੇ ਖਤਰਿਆਂ ਬਾਰੇ ਸਲੋਗਨ ਤੇ ਬੇਨਰਾਂ ਰਾਹੀਂ ਸ਼ਹਿਰਵਾਸੀਆਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ ਲਈ ਪ੍ਰੇਰਿਤ ਕਰਨ ਦਾ ਸੁਨੇਹਾ ਦਿੱਤਾ ਗਿਆ, ਤਾਂ ਜੋ ਸਿਹਤਮੰਦ ਤੇ ਤੰਦਰੁਸਤ ਸਮਾਜ ਦੀ ਸਿਰਜਣਾ ਕੀਤੀ ਜਾ ਸਕੇ। ਇਸ ਮੌਕੇ ਬਲਾਕ ਪ੍ਰਧਾਨ ਪਰਮਿੰਦਰ ਸਿੰਘ ਪੰਮਾਂ, ਥਾਣਾ ਮੁੱਖੀ ਸਾਹਿਬ ਸਿੰਘ, ਜੈਸਪਰ ਸਕੂਲ ਪ੍ਰਿੰਸੀਪਲ ਗੁਰਪ੍ਰੀਤ ਕੌਰ ਗਰੇਵਾਲ,ਅੰਜੂ ਬਾਲਾ,ਰਵਿੰਦਰ ਕੌਰ,ਅਨਮੋਲ ਸਿੰਘ,ਅਧਿਆਪਕ ਪੁਨੀਤ ਸੋਹਲ, ਅਧਿਆਪਕ ਨਰੇਸ਼ ਮੈਡਮ, ਨੰਦ ਲਾਲ ਪੀ ਟੀ, ਪ੍ਰਿਤਪਾਲ ਸ਼ਰਮਾ, ਰਾਜੀਵ ਭਾਰਗਵ,ਦਮਨ,ਸ਼ਿਵਮ, ਮਿਨੂ ਕੋਸ਼ਿਕ ਆਦਿ ਮੌਜੂਦ ਸਨ।
