ਸ਼ਿਵਾਲਿਕ ਸਕੂਲ ਜੈਤੋ ਵਿਖੇ ਪੁਲਿਸ ਪ੍ਰਸ਼ਾਸਨ ਵੱਲੋਂ ਦਿੱਤੀ ਗਈ “ਸੰਪਰਕ” ਦੀ ਜਾਣਕਾਰੀ

 ਜੈਤੋ,13 ਦਸੰਬਰ (ਮਨਜੀਤ ਸਿੰਘ ਢੱਲਾ)- ਫਰੀਦਕੋਟ ਪੁਲਿਸ ਵੱਲੋਂ ਆਰੰਭੀ ਗਈ ” *ਸੰਪਰਕ “ਯੋਜਨਾ* ਤਹਿਤ ਜੈਤੋ ਸ਼ਹਿਰ ਦੀ ਪ੍ਰਮੁੱਖ ਵਿਦਿਅਕ ਸੰਸਥਾ ਸ਼ਿਵਾਲਿਕ ਪਬਲਿਕ ਸਕੂਲ ਵਿਖੇ *ਸੰਪਰਕ ਯੋਜਨਾ* ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਗਈ। ਸਕੂਲ ਦੇ ਵਿਦਿਆਰਥੀਆਂ ਨੂੰ ਇਹ ਜਾਣਕਾਰੀ ਉਚੇਚੇ ਤੌਰ ਤੇ ਦੇਣ ਲਈ ਜੈਤੋ ਦੇ ਡੀ.ਐਸ.ਪੀ.ਸਰਦਾਰ ਸੁਖਦੀਪ ਸਿੰਘ ਅਤੇ ਐਸ.ਐਚ. ਓ ਇੰਸਪੈਕਟਰ ਰਾਜੇਸ਼ ਕੁਮਾਰ ਵੱਲੋਂ ਸਕੂਲ ਦੇ ਆਡੀਟੋਰੀਅਮ ਦੇ ਵਿਚ ਦਿੱਤੀ ਗਈ। ਡੀ.ਐਸ.ਪੀ. ਸਾਹਿਬ ਨੇ ਵਿਦਿਆਰਥੀਆਂ ਨਾਲ ਪੁਲਿਸ ਪ੍ਰਸ਼ਾਸਨ ਦੇ ਐਮਰਜੈਂਸੀ ਮੋਬਾਇਲ ਨੰਬਰ ਸਾਂਝੇ ਕਰਦੇ ਹੋਏ ਕਿਹਾ ਕਿ ਸਭ ਨੂੰ ਆਪਣੇ ਆਸ ਪਾਸ ਗੈਰ ਸਮਾਜਿਕ ਅਨਸਰਾਂ ਤੇ ਨਿਗ੍ਹਾ ਰੱਖਣੀ ਚਾਹੀਦੀ ਹੈ ਅਤੇ ਸਾਨੂੰ ਜੇਕਰ ਕਿਸੇ ਵੀ ਤਰ੍ਹਾਂ ਦੀ ਸ਼ੱਕੀ ਗਤੀਵਿਧੀ ਦੀ ਜਾਣਕਾਰੀ ਹੋਵੇ ਤਾਂ ਤੁਰੰਤ ਇਹਨਾ ਨੰਬਰਾਂ ਤੇ ਪੁਲਿਸ ਨਾਲ ” *ਸੰਪਰਕ”* ਕੀਤਾ ਜਾਵੇ। ਐਸ.ਐਚ.ਓ ਸਾਹਿਬ ਨੇ ਕਿਹਾ ਕਿ ਸਾਨੂੰ ਪ੍ਰਸ਼ਾਸਨ ਨਾਲ ਬਿਨਾਂ ਝਿਜਕ ਸੰਪਰਕ ਕਰਨਾ ਚਾਹੀਦਾ ਹੈ ਅਤੇ ਪੁਲਿਸ ਵਿੱਚ ਵਿਸ਼ਵਾਸ ਬਣਾਈ ਰੱਖਣਾ ਚਾਹੀਦਾ ਹੈ।  ਇਸ ਮੌਕੇ ਸਕੂਲ ਦੇ *ਪ੍ਰਿੰਸੀਪਲ ਸ਼੍ਰੀ ਸਰਬਜੀਤ ਸਿੰਘ* ਨੇ ਆਏ ਹੋਏ ਪੁਲਿਸ ਅਧਿਕਾਰੀਆਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਪੁਲਿਸ ਦੁਆਰਾ ਆਰੰਭ *”ਸੰਪਰਕ”* ਉਪਰਾਲੇ ਨਾਲ ਵਿਦਿਆਰਥੀਆਂ ਵਿੱਚ ਪੁਲਿਸ ਪ੍ਰਤੀ ਯਕੀਨਨ ਵਿਸ਼ਵਾਸ ਵਧੇਗਾ ਅਤੇ ਉਹਨਾਂ ਵਿੱਚ ਅਨੁਸ਼ਾਸਨ ਦੀ

ਭਾਵਨਾ ਪੈਦਾ ਹੋਵੇਗੀ ਇਸ ਮੌਕੇ ਸਕੂਲ ਦੇ ਡਾਇਰੈਕਟਰ ਫਾਈਨੈਂਸ ਸ੍ਰੀ ਗੋਰਵ ਗਰਗ ਨੇ (ਲੱਕੀ ਗਰਗ )ਆਏ ਹੋਏ ਪੁਲਿਸ ਅਧਿਕਾਰੀਆਂ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ।