ਸ਼੍ਰੀ ਨੈਣਾ ਦੇਵੀ ਪੈਦਲ ਯਾਤਰਾ ਸੰਘ ਵੱਲੋਂ ਮਾਂ ਨੈਨਾ ਦੇਵੀ ਵਿਖੇ ਭਗਤਾਂ ਦਾ ਜੱਥਾ ਪੈਦਲ ਯਾਤਰਾ ਲਈ ਹੋਇਆ ਰਵਾਨਾ                   

ਤਪਾ ਮੰਡੀ 12 ਅਗਸਤ (ਗੋਲਡੀ ਵਿਆਸ) ਮਾਤਾ ਸ਼੍ਰੀ ਨੈਣਾ ਦੇਵੀ ਜੀ ਦੇ ਪਵਿੱਤਰ ਦਰਬਾਰ ਵਿੱਚ ਨਤਮਸਤਕ ਹੋਣ ਅਤੇ ਮਾਤਾ ਜੀ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਲਈ ਸ਼੍ਰੀ ਨੈਣਾ ਦੇਵੀ ਪੈਦਲ ਯਾਤਰਾ ਸੰਘ, ਤਪਾ ਢਿੱਲਵਾਂ ਵੱਲੋਂ ਸਾਉਣ ਦੇ ਨਰਾਤਿਆਂ ਦੇ ਪਾਵਨ ਮੌਕੇ 30ਵੀਂ ਪੈਦਲ ਯਾਤਰਾ ਇਤਿਹਾਸਿਕ ਸਥਾਨ ਬਾਬਾ ਸੁਖਾਨੰਦ ਬਾਬਾ ਮੱਠ ਵਿਖੇ ਮੱਥਾ ਟੇਕ ਕੇ ਮਾਂ ਦੇ ਜੈਕਾਰੇ ਲਾਉਂਦੇ ਹੋਏ ਰਵਾਨਾ ਹੋਏ।। ਇਸ ਮੌਕੇ ਜਗਦੀਸ਼ ਕੁਮਾਰ ਘੁੰਨਸ ਨੇ ਦੱਸਿਆ ਕਿ ਇਹ ਪੈਦਲ ਯਾਤਰਾ ਸੰਗਤਾਂ ਲਈ ਆਸਥਾ, ਸੇਵਾ ਅਤੇ ਭਗਤੀ ਦਾ ਸੁੰਦਰ ਸੰਗਮ ਹੈ। ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਮਾਤਾ  ਦੇ ਜੈਕਾਰੇ ਲਗਾਉਂਦੇ ਹੋਏ 12 ਅਗਸਤ ਨੂੰ ਪੈਦਲ ਯਾਤਰਾ ਬਾਬਾ ਮੱਠ ਵਿਖੇ ਅਰਦਾਸ ਕਰਨ ਤੋਂ ਬਾਅਦ ਸ਼ੁਰੂ ਕੀਤੀ ਜਾਂਦੀ ਹੈ ਅਤੇ ਯਾਤਰਾ ਦੌਰਾਨ ਸੰਗਤਾਂ ਵੱਲੋਂ ਮਾਤਾ  ਦਾ ਗੁਣਗਾਨ ਕਰਦਿਆਂ ਭਜਨ-ਕੀਰਤਨ ਅਤੇ ਜੈਕਾਰਿਆਂ ਨਾਲ ਮਾਹੌਲ ਨੂੰ ਭਗਤੀਮਈ ਬਣਾਇਆ ਜਾਵੇਗਾ। ਸ਼੍ਰੀ ਨੈਣਾ ਦੇਵੀ ਪੈਦਲ ਯਾਤਰਾ ਸੰਘ, ਤਪਾ ਵੱਲੋਂ ਸਮੂਹ ਸ਼ਹਿਰ ਵਾਸੀਆਂ ਅਤੇ ਇਲਾਕੇ ਦੀਆਂ ਸੰਗਤਾਂ ਨੂੰ ਇਸ ਪਾਵਨ ਯਾਤਰਾ ਨੂੰ ਲੈ ਕੇ ਕਾਫੀ ਉਤਸ਼ਾਹ ਹੈ । ਉਹਨਾਂ ਦੱਸਿਆ ਕਿ ਪੈਦਲ ਯਾਤਰਾ ਦੌਰਾਨ ਹਰ ਰੋਜ਼ 45 ਕਿਲੋਮੀਟਰ ਦੂਰੀ ਤੈਅ ਕੀਤੀ ਜਾਂਦੀ ਹੈ ਅਤੇ ਮਾਤਾ ਦੇ ਦਰਬਾਰ ਤੇ ਮੱਥਾ ਟੇਕ ਕੇ 19 ਅਗਸਤ ਨੂੰ ਵਾਪਸ ਪਰਤਿਆ ਜਾਵੇਗਾ। ਇਸ ਮੌਕੇ ਵਰਿੰਦਰ ਟੈਹਲੀ, ਸੁਭਾਸ਼ ਮੁਨੀਮ,ਸੁਸ਼ਾਂਤ ਅਗਰਵਾਲ ,ਅੰਮ੍ਰਿਤ ਪਾਲ ਢਿਲਵਾਂ ,ਅੰਮ੍ਰਿਤ ਪਾਲ  ਨੋਨੀ ਕੁਮਾਰ ,ਪਰਮਾ ਘਈ, ਆਸ਼ੂ ਘਈ ਆਦਿ ਹਾਜ਼ਰ ਸਨ।