ਸੁਤੰਤਰਤਾ ਦਿਵਸ ਨੂੰ ਸਮਰਪਿਤ ਬੀ.ਐੱਸ.ਐੱਨ.ਐੱਲ. ਅਧਿਕਾਰੀਆਂ ਤੇ ਚੈਨਲ ਪਾਰਟਨਰਾਂ ਵੱਲੋਂ ਮਜਾਰੀ ਵਿਖੇ ਲਗਾਇਆ ਗਿਆ ਵਿਸ਼ਾਲ ਮੇਲਾ ਡੀ.ਜੀ.ਐੱਮ. ਮੀਨਾਕਸ਼ੀ ਅਰੋੜਾ ਦੀ ਅਗਵਾਈ ਹੇਠ ਲੋਕਾਂ ਨੂੰ ਬੀ.ਐੱਸ.ਐੱਨ.ਐੱਲ. ਦੀਆਂ ਸਕੀਮਾਂ ਤੇ ਹਾਈ-ਸਪੀਡ ਫਾਈਬਰ ਇੰਟਰਨੈੱਟ ਬਾਰੇ ਕਰਵਾਇਆ ਜਾਣੂ; ਭਾਰੀ ਗਿਣਤੀ ‘ਚ ਜੁੜੇ ਖ਼ਪਤਕਾਰ

ਨਵਾਂਸ਼ਹਿਰ , 16 ਅਗਸਤ (ਜਤਿੰਦਰਪਾਲ ਸਿੰਘ ਕਲੇਰ) : ਭਾਰਤ ਸੰਚਾਰ ਨਿਗਮ ਲਿਮਟਿਡ (ਬੀ.ਐੱਸ.ਐੱਨ.ਐੱਲ.) ਦੇ ਅਧਿਕਾਰੀਆਂ ਅਤੇ ਚੈਨਲ ਪਾਰਟਨਰਾਂ ਵੱਲੋਂ ਸਾਂਝੇ ਤੌਰ ‘ਤੇ ਦੇਸ਼ ਦੇ ਸੁਤੰਤਰਤਾ ਦਿਵਸ ਨੂੰ ਸਮਰਪਿਤ ਇੱਕ ਵਿਸ਼ਾਲ ਜਾਗਰੂਕਤਾ ਤੇ ਪ੍ਰਮੋਸ਼ਨਲ ਮੇਲਾ ਅੱਡਾ ਮਜਾਰੀ ਵਿਖੇ ਲਗਾਇਆ ਗਿਆ। ਇਸ ਵਿਸ਼ੇਸ਼ ਮੇਲੇ ਦੀ ਅਗਵਾਈ ਡੀ.ਜੀ.ਐੱਮ. ਮੀਨਾਕਸ਼ੀ ਅਰੋੜਾ ਨੇ ਕੀਤੀ।ਸੁਤੰਤਰਤਾ ਦਿਵਸ ਦੇ ਸ਼ੁਭ ਅਵਸਰ ‘ਤੇ ਆਯੋਜਿਤ ਇਸ ਮੇਲੇ ਦੌਰਾਨ ਅਧਿਕਾਰੀਆਂ ਵੱਲੋਂ ਬੀ.ਐੱਸ.ਐੱਨ.ਐੱਲ. ਵੱਲੋਂ ਉਪਭੋਗਤਾਵਾਂ ਨੂੰ ਦਿੱਤੀਆਂ ਜਾ ਰਹੀਆਂ ਬਿਹਤਰੀਨ ਸਹੂਲਤਾਂ, ਕਿਫ਼ਾਇਤੀ ਪਲਾਨਾਂ ਅਤੇ ਵਿਭਾਗ ਵੱਲੋਂ ਚਲਾਈਆਂ ਜਾ ਰਹੀਆਂ ਨਵੀਆਂ ਸਕੀਮਾਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦੇ ਕੇ ਜਾਗਰੂਕ ਕੀਤਾ ਗਿਆ। ਇਸ ਮੌਕੇ ਵਿਸ਼ੇਸ਼ ਤੌਰ ‘ਤੇ ਬੀ.ਐੱਸ.ਐੱਨ.ਐੱਲ. ਫਾਈਬਰ ਇੰਟਰਨੈੱਟ ਸੁਵਿਧਾ ਬਾਰੇ ਜਾਣੂ ਕਰਵਾਉਂਦਿਆਂ ਦੱਸਿਆ ਗਿਆ ਕਿ ਇਸ ਯੋਜਨਾ ਤਹਿਤ ਬਲਾਚੌਰ ਇਲਾਕੇ ਦੇ ਹਰੇਕ ਪਿੰਡ ਵਿੱਚ ਹਾਈ-ਸਪੀਡ ਇੰਟਰਨੈੱਟ ਦੀ ਸੁਵਿਧਾ ਮੁਹੱਈਆ ਕਰਵਾਈ ਜਾ ਰਹੀ ਹੈ, ਤਾਂ ਜੋ ਪੇਂਡੂ ਖੇਤਰਾਂ ਦੇ ਲੋਕ ਵੀ ਡਿਜੀਟਲ ਕ੍ਰਾਂਤੀ ਦਾ ਪੂਰਾ ਲਾਭ ਉਠਾ ਸਕਣ।ਮੇਲੇ ਦੌਰਾਨ ਖ਼ਪਤਕਾਰਾਂ ਵਿੱਚ ਬੀ.ਐੱਸ.ਐੱਨ.ਐੱਲ. ਦੀ ਸਿਮ ਸੇਵਾ ਅਤੇ ਫਾਈਬਰ ਇੰਟਰਨੈੱਟ ਕੁਨੈਕਸ਼ਨ ਲੈਣ ਲਈ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ ਅਤੇ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਮੌਕੇ ‘ਤੇ ਹੀ ਨਵੇਂ ਕੁਨੈਕਸ਼ਨ ਲੈ ਕੇ ਬੀ.ਐੱਸ.ਐੱਨ.ਐੱਲ. ਪਰਿਵਾਰ ਨਾਲ ਜੁੜਨ ਨੂੰ ਤਰਜੀਹ ਦਿੱਤੀ।ਇਸ ਮੌਕੇ ਸਤਪਾਲ ਕੁਮਾਰ (ਡੀ.ਈ.ਟੀ. ਗੜ੍ਹਸ਼ੰਕਰ), ਸੁਰਿੰਦਰ ਪਾਲ (ਐੱਸ.ਡੀ.ਓ. ਗੜ੍ਹਸ਼ੰਕਰ), ਸ਼ਾਮ ਲਾਲ (ਜੇ.ਟੀ.ਓ.), ਸੰਦੀਪ ਧੀਮਾਨ (ਜੇ.ਟੀ.ਓ.), ਮਨਦੀਪ ਕੁਮਾਰ (ਜੇ.ਟੀ.ਓ.), ਸਤਨਾਮ ਸਿੰਘ (ਜੇ.ਈ.) ਸਮੇਤ ਟਿੱਪ ਪਾਰਟਨਰ ਪੰਕਜ ਕੁਮਾਰ, ਦੀਦਾਰ ਸਿੰਘ, ਰਘਬੀਰ ਸਿੰਘ ਅਤੇ ਸੰਜੀਵ ਕੁਮਾਰ ਸੋਨੂੰ ਆਦਿ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਸਨ।