Manpreet Singh
ਨੂਰਪੁਰਬੇਦੀ 21 ਅਪ੍ਰੈਲ (ਦਲਜੀਤ ਚਨੌਲੀ) ਪੁਲਿਸ ਚੌਂਕੀ ਕਲਮਾਂ ਦੇ ਇੰਚਾਰਜ ਚਰਨ ਸਿੰਘ ਏ ਐਸ ਆਈ ਨੇ ਅਹੁਦਾ ਸੰਭਾਲ ਲਿਆ ਹੈ। ਇਸ ਤੋਂ ਪਹਿਲਾਂ ਚਰਨ ਸਿੰਘ ਐਸ ਐਸ ਪੀ ਦਫਤਰ ਰੂਪਨਗਰ ਤਾਇਨਾਤ ਸਨ ਜਿਨਾਂ ਨੂੰ ਹੁਣ ਪੁਲਿਸ ਚੌਂਕੀ ਕਲਮਾਂ ਵਿਖੇ ਇੰਚਾਰਜ ਲਗਾਇਆ ਗਿਆ ਹੈ। ਇਹ ਵੀ ਦੱਸਣਾ ਬਣਦਾ ਹੈ ਕਿ ਇਹਨਾਂ ਤੋਂ ਪਹਿਲਾਂ ਪੁਲਿਸ ਚੌਂਕੀ ਕਲਮਾਂ ਵਿਖੇ ਤਾਇਨਾਤ ਇੰਚਾਰਜ ਹਰਮੇਸ਼ ਕੁਮਾਰ ਨੂੰ ਰਿਸ਼ਵਤ ਦੇ ਦੋਸ਼ ਹੇਠ ਗ੍ਰਿਫਤਾਰ ਕੀਤਾ ਜਾ ਚੁੱਕਿਆ ਹੈ ਜਿਸ ਕਰਕੇ ਇਹ ਆਹੁਦਾ ਬੀਤੇ ਦੋ ਦਿਨਾਂ ਤੋਂ ਖਾਲੀ ਸੀ। ਅਹੁਦਾ ਸੰਭਾਲਦਿਆ ਏ ਐਸ ਆਈ ਚਰਨ ਸਿੰਘ ਨੇ ਕਿਹਾ ਕਿ ਸਮਾਜ ਵਿਰੋਧੀ ਅਨਸਰਾਂ ਨੂੰ ਰੋਕਣ ਲਈ ਜਨਤਾ ਦਾ ਸਹਿਜੋਗ ਜਰੂਰੀ ਹੈ। ਉਹਨਾਂ ਕਿਹਾ ਕਿ ਕਿਸੇ ਵੀ ਗੈਰ ਕਾਨੂੰਨੀ ਗਤਵਿਧੀਆਂ ਵਿੱਚ ਭਾਗ ਲੈਣ ਵਾਲੇ ਵਿਅਕਤੀ ਨੂੰ ਹਰਗਿਜ ਨਹੀਂ ਬਖਸ਼ਿਆ ਜਾਵੇਂਗਾ।
