ਰਾਜਸਥਾਨੀ ਬਸਤੀ ਵਿੱਚ ਪੀਐਚਸੀ ਝਾਂਡੀਆਂ ਵੱਲੋਂ ਓਰਲ ਹੈਲਥ ਚੈੱਕ ਅਪ ਕੈਂਪ ਲਗਾਇਆ 

 ਨੂਰਪੁਰ ਬੇਦੀ 27 ਮਾਰਚ ( ਦਲਜੀਤ ਚਨੌਲੀ ) ਸਿਵਲ ਸਰਜਨ ਡਾ. ਨਵਰੂਪ ਕੌਰ, ਡੀ.ਡੀ.ਐਚ.ਓ ਡਾ. ਰਜਨੀਤ ਬੈਂਸ ਅਤੇ ਐਸ.ਐਮ.ਓ ਅਮਰਜੀਤ ਸਿੰਘ ਦੀ ਅਗਵਾਈ ਹੇਠ,  ਨੂਰਪੁਰ ਬੇਦੀ ਦੀ ਰਾਜਸਥਾਨੀ ਬਸਤੀ ਵਿਖੇ  ਡਾ. ਚਮਨ ਲਾਲ ਡੈਂਟਿਸਟ ਪੀ.ਐਚ.ਸੀ ਝੰਡੀਆਂ ਕਲਾਂ ਵੱਲੋਂ ਵਿਸ਼ਵ ਓਰਲ ਹੈਲਥ ਦਿਵਸ 2026 ਮਨਾਇਆ ਗਿਆ। ਇਸ ਦੌਰਾਨ ਡੈਂਟਿਸਟ ਡਾਕਟਰ ਚਮਨ ਲਾਲ ਨੇ ਆਪਣੇ ਸੰਬੋਧਨ ਦੌਰਾਨ ਦੱਸਿਆ ਕਿ ਹਰ ਛੋਟੇ ਵੱਡੇ ਅਤੇ ਨੌਜਵਾਨ ਨੂੰ ਕੋਸ਼ਿਸ਼ ਦਿਨ ਵਿੱਚ ਦੋ ਵਾਰ ਬੁਰਸ਼ ਕਰਨਾ ਚਾਹੀਦਾ ਹੈ, ਉਹਨਾਂ ਨੇ ਦੱਸਿਆ ਕਿ ਮਨੁੱਖੀ ਦੰਦਾਂ ਦੀ ਤੰਦਰੁਸਤੀ ਲਈ ਸਿਹਤਮੰਦ ਖੁਰਾਕ ਬਾਰੇ ਜਾਣਕਾਰੀ ਦਿੱਤੀ। ਉਹਨਾਂ ਨੇ ਕਿਹਾ ਕਿ ਦੰਦ ਗਏ ਸਵਾਦ ਗਿਆ ਅੱਖਾਂ ਗਈਆਂ ਜਹਾਨ ਗਿਆ । ਇਹ ਕਹਾਵਤ ਉਸ ਸਮੇਂ ਸਿੱਧ ਹੋ ਜਾਂਦੀ ਹੈ ਜਦੋਂ ਕਿ ਮਨੁੱਖੀ ਸਰੀਰ ਦੇ ਇਹ ਦੋ ਅੰਗ ਜੇਕਰ ਕੰਮ ਨਾ ਕਰਨ ਤਾਂ ਜਿੰਦਗੀ ਨੀਰ ਹੋ ਜਾਂਦੀ ਹੈ ਇਸ ਲਈ ਹਰ ਵਿਅਕਤੀ ਨੂੰ ਆਪਣੇ ਦੰਦਾਂ ਦੀ ਸਾਫ ਸਫਾਈ ਅਤੇ ਖਾਣ ਪੀਣ ਵਿੱਚ ਸੰਤੁਲਿਤ ਖੁਰਾਕ ਦਾ ਹੋਣਾ ਬਹੁਤ ਜਰੂਰੀ ਹੈ । ਪੀਐਚਸੀ ਝਾਂਡੀਆਂ ਵੱਲੋਂ ਬਸਤੀ ਦੇ ਦੇ ਬੱਚਿਆਂ ਵਿੱਚ ਦੰਦਾਂ ਦੇ ਬੁਰਸ਼ ਵੰਡੇ ਗਏ। ਉਨ੍ਹਾਂ ਨੂੰ ਬੁਰਸ਼ ਕਰਨ ਦੀ ਤਕਨੀਕੀ ਸਿੱਖਿਆ ਆਸਾਨ ਢੰਗ ਨਾਲ ਦਿੱਤੀ ਗਈ ਇਸ ਮੌਕੇ ਮੌਕੇ ਮਲਟੀ ਪਰਪਸ ਹੈਲਥ ਵਰਕਰ ਮਨਦੀਪ ਸਿੰਘ, ਮਲਟੀ ਪਰਪਸ ਹੈਲਥ ਵਰਕਰ ਤਰਨਜੀਤ ਸਿੰਘ ਅਤੇ ਬਸਤੀ ਦੇ ਲੋਕ ਹਾਜ਼ਰ ਸਨ