ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ 650 ਸਾਲਾ ਪ੍ਰਕਾਸ ਗੁਰਪੁਰਬ ਤੇ ਡਾ ਹਰਪ੍ਰੀਤ ਕੌਰ ਨੇ ਬੂਟੇ ਲਗਾਏ 

ਨੂਰਪੁਰ ਬੇਦੀ 21 ਜੁਲਾਈ  ਦਲਜੀਤ ਚਨੌਲੀ ਵਾਹਿਗੁਰੂ) ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ 650 ਸਾਲਾ ਪ੍ਰਕਾਸ਼ ਗੁਰਪੁਰਬ ਨੂੰ ਮੁੱਖ ਰੱਖਦੇ ਹੋਇਆ ਸੀ.ਐਸ.ਸੀ ਨੂਰਪੁਰ ਬੇਦੀ ਵਿਖੇ ਸੀਨੀਅਰ ਮੈਡੀਕਲ ਅਫਸਰ, ਇੰਚਾਰਜ ਸੀ ਐਚ ਸੀ ਨੂਰਪੁਰ ਬੇਦੀ ਡਾ. ਹਰਪ੍ਰੀਤ ਕੌਰ ਅਤੇ ਸਮੂਹ ਸਟਾਫ ਵੱਲੋਂ ਵੱਖ ਵੱਖ ਕਿਸਮ ਦੇ 101 ਬੂਟੇ ਲਗਾਏ ਗਏ । ਐਸ.ਐਮ.ਓ ਹਰਪ੍ਰੀਤ ਕੌਰ ਨੇ ਆਪਣੇ ਸਬੋਧਨ ਦੋਰਾਨ ਕਿਹਾ ਕਿ ਪੰਜਾਬ ਦਾ ਵਾਤਾਵਰਣ ਗੰਧਲਾ ਹੁੰਦਾ ਜਾ ਰਿਹਾ ਹੈ , ਜਿਸ ਨੂੰ ਸੁੱਧ ਕਰਨ ਲਈ ਅੱਜ ਹੰਭਲਾ ਮਾਰਨ ਦੀ ਸਖ਼ਤ ਜਰੂਰਤ ਹੈ, ਵਿਕਾਸ ਦੇ ਨਾਮ ਤੇ ਪੰਜਾਬ ਦੇ ਜੰਗਲਾਂ ਨੂੰ ਕੱਟਿਆ ਜਾ ਰਿਹਾ ਹੈ , ਜੇਕਰ ਅਸੀ ਬੂਟਿਆ ਨੂੰ ਕੱਟਦੇ ਹਾਂ ਤਾਂ ਉਸ ਦੇ ਸਥਾਨ ਤੇ 2 ਬੂਟੇ ਜਰੂਰ ਲਗਾਓ ਤਾਂ ਜੋ ਆਉਣ ਵਾਲੇ ਸਮੇਂ ਵਿੱਚ ਬੂਟਿਆਂ ਦੀ ਕਮੀ ਨਾ ਹੋਵੇ, ਉਨਾਂ ਨੇ ਕਿਹਾ ਕਿ ਬੂਟਿਆ ਦੇ ਨਾਲ ਹੀ ਮਨੁੱਖ ਦਾ ਜੀਵਨ ਜੁੜਿਆ ਹੋਇਆ ਹੈ । ਉਨਾ ਦੱਸਿ ਕਿ ਅੱਜ ਪੂਰੇ ਹਸਪਤਾਲ ਵਿੱਚ ਜੋ ਖਾਲੀ ਸਥਾਨ ਸੀ ਉਸ ਸਥਾਨ ਤੇ ਪੁਰਾਣੇ ਰਵਾਇਤੀ ਬੂਟੇ ਜਿਵੇਂ ਫਲਦਾਰ,ਫੁੱਲਾਂ ਵਾਲੇ ਬੂਟੇ ਲਗਾਏ ਗਏ । ਇਸ ਮੌਕੇ ਹੈਲਥ ਇੰਸਪੈਕਟਰ ਰਜੇਸ ਕੁਮਾਰ, ਡਾਕਟਰ ਅੰਜੂ ਬਾਲਾ, ਸੀਨੀਅਰ ਨਰਸਿੰਗ ਸਿਸਟਰ ਪਰਮਿੰਦਰ ਕੌਰ, ਸਿਹਤ ਕਰਮਚਾਰੀ ਮਨਦੀਪ ਸਿੰਘ, ਤਰਨਜੀਤ ਸਿੰਘ, ਸ਼ਿਵ ਕੁਮਾਰ ਆਦਿ ਸਹਿਤ ਹਸਪਤਾਲ ਦਾ ਸਮੂਹ ਵਿਭਾਗ ਹਾਜਰ ਸੀ।

ਫੋਟੋ ਕੈਪਸ਼ਨ : ਸੀ.ਐਸ.ਸੀ ਨੂਰਪੁਰ ਬੇਦੀ ਵਿਖੇ ਬੂਟੇ ਲਾਉਦੇ ਹੋਏ ਐਸ.ਐਮ.ਓ.ਹਰਪ੍ਰੀਤ ਕੌਰ ਅਤੇ ਹੋਰ