Manpreet Singh
ਸਰਾਏ ਅਮਾਨਤ ਖਾਂ, 6 ਅਪ੍ਰੈਲ (ਗੁਰਸ਼ਰਨ ਸਿੰਘ ਔਲਖ)-ਪਿੰਡ ਸੋਹਲ ਵਿਖੇ ਪੀਰ ਬਾਬਾ ਨੱਥਾ ਸ਼ਾਹ ਜੀ ਦਾ ਸਲਾਨਾ ਜੋੜ ਮੇਲਾ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਬੜੀ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਕਮੇਟੀ ਮੈਂਬਰਾਂ ਵੱਲੋਂ ਪੀਰ ਬਾਬਾ ਨੱਥਾ ਸ਼ਾਹ ਦੀ ਦਰਗਾਹ ਤੇ ਚਾਦਰ ਝੜਾ ਕੇ ਸਵੇਰੇ ਮੇਲੇ ਦੀ ਸ਼ੁਰੂਆਤ ਕੀਤੀ ਗਈ। ਸੰਗਤਾਂ ਵਾਸਤੇ ਠੰਡੇ ਮਿੱਠੇ ਜਲ ਦੀਆਂ ਛਬੀਲਾਂ, ਚਾਹ ਪਕੋੜੇ ਅਤੇ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ। ਸ਼ਾਮ ਨੂੰ ਪਹਿਲਾਂ ਛੋਟੇ ਲੜਕਿਆਂ ਅਤੇ ਦੂਜਾ ਲੜਕੀਆਂ ਦੀਆਂ ਟੀਮਾਂ ਦਰਮਿਆਨ ਕਬੱਡੀ ਮੁਕਾਬਲੇ ਕਰਵਾਏ ਗਏ ਉਪਰੰਤ ਤੀਜਾ ਮੁਕਾਬਲਾ ਬਾਬਾ ਸੈਣ ਭਗਤ ਜੀ ਕਬੱਡੀ ਕਲੱਬ ਸੋਹਲ ਅਤੇ ਬਾਬਾ ਬਲਾਕਾ ਜੀ ਕਬੱਡੀ ਕਲੱਬ ਸਾਘਣਾ ਦਰਮਿਆਨ ਕਰਵਾਇਆ ਗਿਆ ਜਿਸ ਵਿਚ ਬਾਬਾ ਬਲਾਕਾ ਜੀ ਕਬੱਡੀ ਕਲੱਬ ਸਾਘਣਾ ਦੀ ਟੀਮ ਜੇਤੂ ਰਹੀ। ਇਸ ਮੋਕੇ ਸਰਪੰਚ ਮਹਾਂਬੀਰ ਸਿੰਘ ਬਾਸਰਕੇ,ਦਿਨੇਸ਼ ਕੰਗ, ਭਾਲਾ ਬੁੱਲਾ ਯੂਕੇ, ਗੁਰਪ੍ਰੀਤ ਸਮਰਾ ਪੱਖੋਕੇ ਅਤੇ ਸੁੱਖ ਘਰਿਆਲੀ ਦੁਬਈ ਵੱਲੋਂ ਕਬੱਡੀ ਕਮੈੰਟਰ ਸੋਨੂੰ ਸੋਹਲ ਦਾ ਮੋਟਰਸਾਈਕਲ ਅਤੇ ਸ਼ਹੀਦ ਸਰਦਾਰ ਹਰਜਿੰਦਰ ਸਿੰਘ ਸੋਹਲ ਦੇ ਪਰਿਵਾਰਕ ਮੈਂਬਰਾਂ ਵਲੋਂ ਐੱਲ.ਈ.ਡੀ ਨਾਲ ਸਨਮਾਨਿਤ ਕੀਤਾ ਗਿਆ ।ਇਸ ਮੌਕੇ ਪ੍ਰਧਾਨ ਸੁਖਦੇਵ ਸਿੰਘ ਪੱਪੂ ਮੁੱਖ ਸੇਵਾਦਾਰ,ਪ੍ਰਧਾਨ ਠਾਕਰ ਸਿੰਘ,ਬਲਦੇਵ ਸਿੰਘ ਭਾਟੀਆ ਅਤੇ ਸਮੂਹ ਇਲਾਕਾ ਨਿਵਾਸੀ ਹਾਜ਼ਰ ਸਨ।
