ਵੰਸ਼ਿਕਾ ਵਰਮਾ ਨੇ ਸਕੂਲ ਵੇਟ ਲਿਫਟਿੰਗ ਨੈਸ਼ਨਲ ਖੇਡਾਂ ‘ਚ ਹਾਸਿਲ ਕੀਤਾ ਕਾਂਸੇ ਦਾ ਤਗਮਾ

 ਨੂਰਪੁਰਬੇਦੀ, 18 ਦਸੰਬਰ (ਦਲਜੀਤ ਚਨੌਲੀ)-ਦਿੱਲੀ ਵਿਖੇ ਹੋਈਆਂ ‘ਸਕੂਲ ਵੇਟ ਲਿਫਟਿੰਗ ਨੈਸ਼ਨਲ ਖੇਡਾਂ’ ‘ਚ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਨੂਰਪੁਰਬੇਦੀ ਦੀ ਖਿਡਾਰਨ ਵੰਸ਼ਿਕਾ ਵਰਮਾ ਨੇ ਤੀਜਾ ਸਥਾਨ ਹਾਸਿਲ ਕਰਕੇ ਕਾਂਸੇ ਦੇ ਤਗਮੇ ‘ਤੇ ਕਬਜ਼ਾ ਜਮਾਇਆ | ਖਿਡਾਰਨ ਵੰਸ਼ਿਕਾ ਵਰਮਾ ਨੇ ਨੈਸ਼ਨਲ ਖੇਡਾਂ ‘ਚ ਉਕਤ ਉਪਲੱਬਧੀ ਹਾਸਿਲ ਕਰਕੇ ਆਪਣੇ ਸਕੂਲ, ਅਧਿਆਪਕਾਂ ਅਤੇ ਆਪਣੇ ਮਾਪਿਆਂ ਦਾ ਨਾਂ ਰੋਸ਼ਨ ਕੀਤਾ ਹੈ | ਜਿਸਨੂੰ ਲੈ ਕੇ ਅੱਜ ਸਕੂਲ ਵਿਖੇ ਪਹੁੰਚੀ ਉਕਤ ਖਿਡਾਰਨ ਸਹਿਤ ਸਕੂਲ ਦੀਆਂ ਹੋਰਨਾਂ ਹੋਣਹਾਰ ਖਿਡਾਰਨਾਂ ਅਤੇ ਉਨ੍ਹਾਂ ਦੇ ਕੋਚ ਬਲਜਿੰਦਰ ਰੀਹਲ ਦਾ ਪਿ੍ੰਸੀਪਲ ਪ੍ਰੋਮਿਲਾ ਸ਼ਰਮਾ, ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਮੈਂਬਰਾਂ ਤੇ ਸਮੂਹ ਸਕੂਲ ਸਟਾਫ ਨੇ ਵਿਸ਼ੇਸ਼ ਤੌਰ ‘ਤੇ ਸਨਮਾਨ ਕੀਤਾ | ਇਸ ਸਬੰਧੀ ਸਕੂਲ ਦੇ ਸਟੇਟ ਅਵਾਰਡੀ ਅਧਿਆਪਕ ਤੇ ਖਿਡਾਰਨਾਂ ਦੇ ਕੋਚ ਬਲਜਿੰਦਰ ਰੀਹਲ ਨੇ ਦੱਸਿਆ ਕਿ ਸਕੂਲ ਦੀ ਖਿਡਾਰਨ ਵੰਸ਼ਿਕਾ ਵਰਮਾ ਨੇ 81 ਕਿਲੋਗ੍ਰਾਮ ਭਾਰ ਵਰਗ ‘ਚ 144 ਕਿਲੋਗ੍ਰਾਮ ਵਜਨ ਚੁੱਕ ਕੇ ‘ਸਕੂਲ ਨੈਸ਼ਨਲ ਵੇਟ ਲਿਫਟਿੰਗ ਖੇਡਾਂ’ ‘ਚ ਕਾਂਸੇ ਦਾ ਤਗਮਾ ਪ੍ਰਾਪਤ ਕੀਤਾ ਹੈ¢ ਜਦਕਿ ਵਧੀਆ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਸਕੂਲ ਦੀਆਂ 4 ਹੋਰ ਖਿਡਾਰਨਾਂ ‘ਚ ਸ਼ਾਮਲ ਨੰਦਨੀ ਨੇ ਚੌਥਾ, ਸੁਖਮਨਪ੍ਰੀਤ ਕÏਰ ਅਤੇ ਕਰਨਜੋਤ ਕੌਰ ਨੇ 5ਵਾਂ ਸਥਾਨ ਅਤੇ ਖਿਡਾਰਨ ਤਨਪ੍ਰੀਤ ਨੇ 6ਵਾਂ ਸਥਾਨ ਪ੍ਰਾਪਤ ਕੀਤਾ ਹੈ | ਅੱਜ ਸਕੂਲ ਵਿਖੇ ਹੋਏ ਸਾਦੇ ਸਮਾਗਮ ਦੌਰਾਨ ਕਾਂਸੇ ਦਾ ਤਗਮਾ ਪ੍ਰਾਪਤ ਕਰਨ ਵਾਲੀ ਖਿਡਾਰਨ ਵੰਸ਼ਿਕਾ ਵਰਮਾ ਤੇ ਹੋਰ ਪੁਜੀਸ਼ਨਾਂ ਹਾਸਿਲ ਕਰਨ ਵਾਲੀਆਂ ਖਿਡਾਰਨਾਂ ਸਹਿਤ ਉਨ੍ਹਾਂ ਦੇ ਕੋਚ

ਬਲਜਿੰਦਰ ਰੀਹਲ ਦਾ ਪਿ੍ੰਸੀਪਲ ਪ੍ਰੋਮਿਲਾ ਸ਼ਰਮਾ ਅਤੇ ਐੱਸ.ਐੱਮ.ਸੀ. ਦੇ ਚੇਅਰਮੈਨ ਹਰਜਿੰਦਰ ਸਿੰਘ ਨੇ ਵਿਸ਼ੇਸ਼ ਤੌਰ ‘ਤੇ ਸਨਮਾਨ ਚਿੰਨ੍ਹ ਭੇਂਟ ਕਰਕੇ ਸਨਮਾਨ ਕੀਤਾ |