ਸੰਤ ਹਰਨਾਮ ਸਿੰਘ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੇ ਕੀਤਾ ਸਾਇੰਸ ਸਿਟੀ ਦਾ ਵਿੱਦਿਅਕ  ਟੂਰ ਬੱਸੀ ਪਠਾਣਾ,

 ਬੱਸੀ ਪਠਾਣਾ, 11ਦਸੰਬਰ (ਉਦੇ ਧੀਮਾਨ): ਸੰਤ ਹਰਨਾਮ ਸਿੰਘ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੇ ਪੁਸ਼ਪਾ ਗੁਜਰਾਲ ਸਾਇੰਸ ਸਿਟੀ ਕਪੂਰਥਲਾ ਵਿਖੇ ਇੱਕ ਰੋਜ਼ਾ ਵਿੱਦਿਅਕ ਟੂਰ ਕੀਤਾ।  ਇਹ ਵਿੱਦਿਅਕ ਟੂਰ ਗੁਰਿੰਦਰ ਕੌਰ ਕੁਲਵਿੰਦਰ ਕੌਰ ਅਤੇ ਅੰਕਿਤਾ ਦੀ ਯੋਗ ਅਗਵਾਈ ਹੇਠ ਵਿਦਿਆਰਥੀਆਂ ਵਿੱਚ ਵਿਗਿਆਨਕ ਰਵੱਈਆ ਵਿਕਸਿਤ ਕਰਨ ਅਤੇ ਵਿਗਿਆਨਕ ਖੋਜਾਂ ਪ੍ਰਤੀ ਰੁਚੀ ਪੈਦਾ ਕਰਨ ਦੇ ਉਦੇਸ਼ ਨਾਲ ਕੀਤਾ ਗਿਆ।ਸਾਇੰਸ ਸਿਟੀ ਪਹੁੰਚ ਕੇ ਬੱਚਿਆਂ ਨੂੰ ਵਿਗਿਆਨਕ ਅਜੂਬਿਆਂ ਦੀ ਬਹੁਤਾਤ ਦੇਖਣ ਨੂੰ ਮਿਲੀ। ਇਹ ਟੂਰ ਸਾਰੇ  ਵਿਦਿਆਰਥੀਆਂ  ਲਈ ਪ੍ਰੇਰਨਾ ਨਾਲ ਭਰਪੂਰ ਸੀ ਜਿੱਥੇ ਵਿਦਿਆਰਥੀਆਂ ਨੇ ਵਿਗਿਆਨ ਜਗਤ ਨਾਲ ਜੁੜੀਆਂ ਕਈ ਗੱਲਾਂ ਵੀ ਸਿੱਖੀਆਂ, ਜੋ ਉਨ੍ਹਾਂ ਦੀ ਪੜ੍ਹਾਈ ਵਿੱਚ ਲਾਹੇਵੰਦ ਸਿੱਧ ਹੋਣਗੀਆਂ। ਵਿਦਿਆਰਥੀਆਂ ਨੇ

ਗਿਆਨ ਅਤੇ ਮਨੋਰੰਜਨ ਦੇ ਘਰ ਸਾਇੰਸ ਸਿਟੀ ਵਿਖੇ ਖੂਬ ਅਨੰਦ ਮਾਣਿਆ।