ਹੋਮਿਓਪੈਥੀ ਖੇਤਰ ਦੀ ਮਾਣਮੱਤੀ ਸ਼ਖ਼ਸੀਅਤ ਡਾ. ਸੁਨੀਤਾ ਮੰਗਲਾ, ਮਰੀਜ਼ਾਂ ਲਈ ਬਣੇ ਆਸ ਦੀ ਕਿਰਨ

ਬਰਨਾਲਾ 9 ਜੂਨ 2026 ( ਬਲਵੰਤ ਸਿੰਘ ਸਿੱਧੂ ) ਰਾਮਪੁਰਾ ਵਿਚ ਸਿਹਤ ਸੇਵਾ ਦੇ ਖੇਤਰ ਵਿੱਚ ਹੋਮਿਓਪੈਥੀ ਨੂੰ ਲੋਕਾਂ ਤੱਕ ਪਹੁੰਚਾਉਣ ਅਤੇ ਹਜ਼ਾਰਾਂ ਮਰੀਜ਼ਾਂ ਨੂੰ ਰਾਹਤ ਪ੍ਰਦਾਨ ਕਰਨ ਵਾਲੀ ਡਾ. ਸੁਨੀਤਾ ਮੰਗਲਾ ਅੱਜ ਕਿਸੇ ਜਾਣ-ਪਛਾਣ ਦੀ ਮੋਹਤਾਜ ਨਹੀਂ ਹਨ। ਰਾਮਪੁਰਾ ਵਿਖੇ ਸਥਿਤ ਆਪਣੇ ਹਸਪਤਾਲ ਰਾਹੀਂ ਉਹ ਲੰਬੇ ਸਮੇਂ ਤੋਂ ਲੋਕਾਂ ਦੀ ਨਿਸ਼ਕਾਮ ਸੇਵਾ ਕਰ ਰਹੇ ਹਨ ਅਤੇ ਆਪਣੇ ਤਜ਼ਰਬੇ, ਮਿਹਨਤ ਅਤੇ ਸਮਰਪਣ ਸਦਕਾ ਵਿਸ਼ੇਸ਼ ਪਛਾਣ ਬਣਾ ਚੁੱਕੇ ਹਨ। ਡਾ. ਸੁਨੀਤਾ ਮੰਗਲਾ ਨੇ ਡੀ.ਐਚ.ਐਮ.ਐਸ. (ਚੰਡੀਗੜ੍ਹ) ਦੀ ਸਿੱਖਿਆ ਹਾਸਲ ਕੀਤੀ ਹੋਈ ਹੈ ਅਤੇ ਉਨ੍ਹਾਂ ਦਾ ਰਜਿਸਟ੍ਰੇਸ਼ਨ ਨੰਬਰ 1710-ਏ ਹੈ। ਉਹ ਪਹਿਲਾਂ ਹੈਲਥ ਕੇਅਰ ਸੈਂਟਰ, ਚੰਡੀਗੜ੍ਹ ਵਿੱਚ ਮੈਡੀਕਲ ਅਫ਼ਸਰ ਵਜੋਂ ਵੀ ਆਪਣੀਆਂ ਸੇਵਾਵਾਂ ਨਿਭਾ ਚੁੱਕੇ ਹਨ। ਇਸ ਤੋਂ ਇਲਾਵਾ ਉਹ ਹੋਮਿਓਪੈਥੀ ਖੋਜ ਅਤੇ ਵਿਕਾਸ ਲਈ ਕੰਮ ਕਰ ਰਹੀ ਸੰਸਥਾ ਦ ਐਸੋਸੀਏਸ਼ਨ ਫਾਰ ਸਾਇੰਟੀਫਿਕ ਰਿਸਰਚ ਇਨ ਹੋਮਿਓਪੈਥੀ (ਰਜਿ.) ਦੀ ਕਾਰਜਕਾਰੀ ਮੈਂਬਰ ਵੀ ਹਨ। ਡਾ. ਮੰਗਲਾ ਨੇ ਆਪਣੇ ਇਲਾਜ ਰਾਹੀਂ ਹਜ਼ਾਰਾਂ ਮਰੀਜ਼ਾਂ ਨੂੰ ਲਾਭ ਪਹੁੰਚਾਇਆ ਹੈ। ਖ਼ਾਸ ਕਰਕੇ ਪਥਰੀ, ਚਮੜੀ ਰੋਗਾਂ, ਐਲਰਜੀ, ਜੋੜਾਂ ਦੇ ਦਰਦ ਅਤੇ ਹੋਰ ਕਈ ਲੰਬੇ ਸਮੇਂ ਦੀਆਂ ਬਿਮਾਰੀਆਂ ਦੇ ਇਲਾਜ ਵਿੱਚ ਉਨ੍ਹਾਂ ਦੇ ਕੰਮ ਦੀ ਲੋਕਾਂ ਵੱਲੋਂ ਖੂਬ ਸਰਾਹਨਾ ਕੀਤੀ ਜਾਂਦੀ ਹੈ। ਇਲਾਜ ਤੋਂ ਸੰਤੁਸ਼ਟ ਮਰੀਜ਼ ਪੰਜਾਬ ਦੇ ਨਾਲ-ਨਾਲ ਦੇਸ਼ ਅਤੇ ਵਿਦੇਸ਼ਾਂ ਵਿੱਚ ਵੀ ਉਨ੍ਹਾਂ ਦਾ ਨਾਮ ਸਤਿਕਾਰ ਨਾਲ ਲੈਂਦੇ ਹਨ। ਹੋਮਿਓਪੈਥੀ ਦੇ ਵਿਗਿਆਨਕ ਪ੍ਰਚਾਰ ਅਤੇ ਜਾਗਰੂਕਤਾ ਲਈ ਡਾ. ਸੁਨੀਤਾ ਮੰਗਲਾ ਵੱਖ-ਵੱਖ ਸੈਮੀਨਾਰਾਂ, ਕਾਨਫਰੰਸਾਂ ਅਤੇ ਵਿਦਿਅਕ ਮੰਚਾਂ ’ਤੇ ਆਪਣੇ ਵਿਚਾਰ ਸਾਂਝੇ ਕਰਦੇ ਰਹਿੰਦੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਸਹੀ ਸਲਾਹ, ਸਹੀ ਨਿਦਾਨ ਅਤੇ ਮਰੀਜ਼ ਦੀ ਪੂਰੀ ਸਥਿਤੀ ਨੂੰ ਸਮਝ ਕੇ ਕੀਤਾ ਗਿਆ ਇਲਾਜ ਹੀ ਸਫਲਤਾ ਦੀ ਕੁੰਜੀ ਹੈ। ਰਾਮਪੁਰਾ ਇਲਾਕੇ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਡਾ. ਸੁਨੀਤਾ ਮੰਗਲਾ ਨੇ ਸਿਰਫ਼ ਇੱਕ ਡਾਕਟਰ ਵਜੋਂ ਹੀ ਨਹੀਂ, ਸਗੋਂ ਇੱਕ ਸਮਾਜ ਸੇਵਕ ਵਜੋਂ ਵੀ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਉਨ੍ਹਾਂ ਦੀ ਨਿਮਰਤਾ, ਮਰੀਜ਼ਾਂ ਪ੍ਰਤੀ ਹਮਦਰਦੀ ਅਤੇ ਸੇਵਾ ਭਾਵਨਾ ਨੇ ਉਨ੍ਹਾਂ ਨੂੰ ਲੋਕਾਂ ਦੇ ਦਿਲਾਂ ਵਿੱਚ ਵਿਸ਼ੇਸ਼ ਥਾਂ ਦਿਵਾਈ ਹੈ। ਹੋਮਿਓਪੈਥੀ ਦੇ ਖੇਤਰ ਵਿੱਚ ਡਾ. ਸੁਨੀਤਾ ਮੰਗਲਾ ਦੀਆਂ ਸੇਵਾਵਾਂ ਨੌਜਵਾਨ ਡਾਕਟਰਾਂ ਲਈ ਵੀ ਪ੍ਰੇਰਣਾ ਸਰੋਤ ਹਨ ਅਤੇ ਉਨ੍ਹਾਂ ਦੀ ਮਿਹਨਤ ਸਿਹਤ ਸੇਵਾ ਦੇ ਖੇਤਰ ਵਿੱਚ ਇੱਕ ਮਿਸਾਲ ਵਜੋਂ ਦੇਖੀ ਜਾਂਦੀ ਹੈ