ਸਾਈਂ ਸਾਦਿਕ ਸ਼ਾਹ ਦਾ ਭੰਡਾਰਾ ਕਰਵਾਇਆ ਗਿਆ

ਸ੍ਰੀ ਮੁਕਤਸਰ ਸਾਹਿਬ, 06 ਜੁਲਾਈ (ਮਨਜੀਤ ਸਿੱਧੂ):- ਨੇੜਲੇ ਪਿੰਡ ਖ਼ੂਨਣ ਖੁਰਦ ਵਿਖ਼ੇ ਸਾਈਂ ਸਾਦਿਕ ਸ਼ਾਹ ਫ਼ਕੀਰ ਦਾ ਹਰ ਸਾਲ ਦੀ ਤਰ੍ਹਾਂ ਸਲਾਨਾ ਭੰਡਾਰਾ ਕਰਾਇਆ ਗਿਆ। ਇਸ ਭੰਡਾਰਾ ਪਿੰਡ ਵਾਸੀਆਂ ਅਤੇ ਬਾਬਾ ਗੁਰਮੀਤ ਸਿੰਘ ਦੇ ਸਹਿਯੋਗ ਸਦਕਾ ਕਰਵਾਇਆ ਗਿਆ। ਜਿਸ ਵਿੱਚ ਇਸ ਪਿੰਡ ਤੋਂ ਇਲਾਵਾ ਹੋਰ ਵੀ ਦੂਰ ਨੇੜੇ ਤੋਂ ਸੰਗਤਾਂ ਨੇ ਆ ਕੇ ਆਪਣੀ ਹਾਜ਼ਰੀ ਲਗਵਾਈ। ਇਸ ਮੌਕੇ ‘ਤੇ ਸਭ ਤੋਂ ਪਹਿਲਾ ਸਾਈਂ ਸਾਦਿਕ ਸ਼ਾਹ ਦੇ ਸਥਾਨ ‘ਤੇ ਚਾਦਰ ਚੜਾਈ ਗਈ। ਚਾਦਰ ਚੜਾਉਣ ਦੀ ਰਸਮ ਮੁੱਖ ਸੇਵਾਦਾਰ ਬਾਬਾ ਗੁਰਮੀਤ ਸਿੰਘ ਵੱਲੋਂ ਨਿਭਾਈ ਗਈ। ਇਸ ਮੌਕੇ ‘ਤੇ ਬਾਬਾ ਗੁਰਮੀਤ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹਰ ਸਾਲ 20 ਹਾੜ ਨੂੰ ਸਾਈਂ ਜੀ ਦੀ ਯਾਦ ਵਿੱਚ ਭੰਡਾਰਾ ਕਰਵਾਇਆ ਜਾਂਦਾ ਹੈ ਅਤੇ ਨਗਰ ਖੇੜੇ, ਮਾਨਵਤਾ ਅਤੇ ਸਰਬੱਤ ਦੇ ਭਲੇ ਲਈ ਅਰਦਾਸ ਬੇਨਤੀ ਕੀਤੀ ਜਾਂਦੀ ਹੈ। ਇਸ ਮੌਕੇ ‘ਤੇ ਪੀਰਖਾਨਾ ਪੱਖੋਂ ਕੈਂਚੀਆਂ ਦੇ ਗੱਦੀਨਸ਼ੀਨ ਬਾਬਾ ਅਕਬਰ ਖਾਨ ਗੋਲਡੀ ਦੀ ਪਾਰਟੀ ਵੱਲੋਂ ਪੀਰਾਂ ਦਾ ਜੱਸ ਗਾਇਨ ਕੀਤਾ ਗਿਆ। ਇਸ ਤੋਂ ਇਲਾਵਾ ਹੋਰ ਵੀ ਕਈ ਸੰਗੀਤਕ ਪਾਰਟੀਆਂ ਵੱਲੋਂ ਪੀਰਾਂ ਦਾ ਜੱਸ ਗਾ ਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ। ਇਸ ਮੌਕੇ ‘ਤੇ ਸਵੇਰ ਤੋਂ ਹੀ ਪੂਰੀਆਂ ਛੋਲੇ, ਖੀਰ, ਮਾਲ-ਪੂੜੇ ਅਤੇ ਜਲੇਬੀਆਂ ਦਾ ਲੰਗਰ ਵੀ ਵਰਤਾਇਆ ਗਿਆ। ਇਸ ਮੌਕੇ ‘ਤੇ ਬਾਬਾ ਛਿੰਦਰ ਸਿੰਘ ਪੀਰਖਾਨਾ ਪੱਖੋਂ ਕਲਾ, ਬਾਬਾ ਛਿੰਦਾ ਕੋਟਭਾਈ, ਚੱੜਤ ਸਿੰਘ ਬਰਾੜ ਸਾਬਕਾ ਸਰਪੰਚ, ਬਲਦੇਵ ਰਾਮ ਸਾਬਕਾ ਸਰਪੰਚ, ਗੁਰਲਾਲ ਸਿੰਘ ਬਿੱਲੂ ਬਰਾੜ, ਇਕਬਾਲ ਸਿੰਘ ਬਰਾੜ, ਰਵੀ ਖਾਨ, ਜੱਸਾ ਸਿੰਘ, ਸ਼ੇਰੀ ਖਾਨ, ਗੁਰਦਾਸ ਸਿੰਘ, ਫਲੇਲ ਸਿੰਘ, ਜਗਦੇਵ ਸਿੰਘ ਖ਼ੂਨਣ ਖੁਰਦ, ਭੱਲਾ ਸਿੰਘ ਕੋਟਲੀ, ਗੁਰਮੇਲ ਸਿੰਘ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਹੋਰ ਵੀ ਸੰਗਤ ਮੌਜੂਦ ਸੀ।