ਘਨੌਰ ਵਿਖ਼ੇ ਧੂਮਧਾਮ ਨਾਲ ਮਨਾਇਆ ਈਦ—ਉਲ—ਫਿ਼ਤਰ ਦਾ ਤਿਉਹਾਰ

ਘਨੌਰ 31 ਮਾਰਚ(ਅਭਿਸ਼ੇਕ ਸੂਦ) : ਘਨੌਰ ਵਿਖੇ ਮੁਸਲਿਮ ਭਾਈਚਾਰੇ ਦਾ ਸਭ ਤੋਂ ਵੱਡਾ ਈਦ—ਉਲ ਫਿ਼ਤਰ ਦਾ ਤਿਉਹਾਰ ਬਹੁਤ ਹੀ ਧੂਮ ਧਾਮ ਨਾਲ ਮਨਾਇਆ ਗਿਆ। ਭਾਰੀ ਗਿਣਤੀ ਵਿਚ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਨੇ ਜਾਮਾ ਮਸਜਿਦ ਘਨੌਰ ਵਿਚ ਨਮਾਜ ਅਦਾ ਕੀਤੀ। ਨਮਾਜ ਤੋਂ ਬਾਅਦ ਸਾਰੇ ਇੱਕ ਦੂਜੇ ਦੇ ਗਲੇ ਲੱਗ ਕੇ ਮਿਲਕੇ ਈਦ ਮੁਬਾਰਕ ਦਿੱਤੀ। ਇਸ ਮੌਕੇ ਮੁੱਖ ਮਹਿਮਾਨ ਨਗਰ ਪੰਚਾਇਤ ਪ੍ਰਧਾਨ ਮਨਦੀਪ ਕੌਰ ਹੰਜਰਾਂ,ਚਰਨਜੀਤ ਕੌਰ ਐਮ ਸੀ, ਬਲਾਕ ਪ੍ਰਧਾਨ ਪਰਮਿੰਦਰ ਸਿੰਘ ਪੰਮਾਂ ਬਲਾਕ ਪ੍ਰਧਾਨ ਨਜ਼ੀਰ ਖਾਨ ਮੱਖਣ, ਮੁਖਤਿਆਰ ਸਿੰਘ ਗੁਰਾਇਆ ਐਮ ਸੀ ,ਸੀਨੀਅਰ ਆਪ ਆਗੂ ਸੁਰਿੰਦਰ ਤੁਲੀ, ਆਪ ਆਗੂ ਹਰਦੀਪ ਸਿੰਘ ਗੁਰਾਇਆ,ਆਪ ਆਗੂ ਪ੍ਰੇਮ ਵੜੈਚ,ਆਪ ਆਗੂ ਗੁਰਨਾਮ ਸਿੰਘ,ਸਮੀਰ ਖਾਨ, ਕੁਲਵਿੰਦਰ ਅੰਟਾਲ, ਚਰਨਜੀਤ ਖਾਨ, ਸਰਦਾਰ ਬੇਗਮ, ਆਸ਼ਿਫ ਖਾਨ  ਨੇ ਸਾਰੇ ਦੇਸਵਾਸੀਆਂ ਨੂੰ ਈਦ ਦੀ ਵਧਾਈ ਦਿੱਤੀ ਗਈ। ਇਸ ਮੌਕੇ ਮਨਦੀਪ ਕੌਰ ਹੰਜਰਾਂ ਨੇ ਕਿਹਾ ਕਿ ਅਸੀਂ ਦੇਸ਼ ਦੇ ਇਕ ਫੁਲਵਾਰੀ  ਦੀ ਤਰਾਂ ਹਾਂ ਘਨੌਰ ਵਿਚ ਹਰ ਸਾਲ ਬਿਨਾਂ ਭੇਦਭਾਵ ਤੋਂ ਈਦ ਉਲ ਫਿਤਰ ਦਾ ਤਿਉਹਾਰ ਮਨਾਇਆ ਜਾਂਦਾ ਹੈ।ਇਸ ਮੌਕੇ ਲੰਗਰ ਅਤੁੱਟ ਵਾਰਤਾਇਆ ਗਿਆ।