Manpreet Singh
ਗਿੱਦੜਬਾਹਾ, 13 ਅਪ੍ਰੈਲ ( ਰਣਜੀਤ ਗਿੱਲ ) -ਗਿੱਦੜਬਾਹਾ ਤੋ ਐਡਵੋਕੇਟ ਨਰਾਇਣ ਸਿੰਗਲਾ ਨੇ ਚਿੱਟੇ ਦਾ ਕੰਮ ਕਰਨ ਵਾਲਿਆਂ ਦਾ ਕੋਈ ਵੀ ਕੇਸ ਨਾ ਲੜਨ ਦਾ ਫੈਸਲਾ ਕੀਤਾ ਅਤੇ ਬਕਾਇਦਾ ਇੱਕ ਬੈਨਰ ਵੀ ਆਪਣੇ ਸੋਸਲ ਮੀਡੀਆ ਖਾਤੇ ਤੇ ਸ਼ੇਅਰ ਕੀਤਾ ਹੈ।ਇਸ ਬਾਰੇ ਜਾਣਰਾਰੀ ਦਿੰਦਿਆਂ ਐਡਵੋਕੇਟ ਨਰਾਇਣ ਸਿੰਗਲਾ ਨੇ ਦੱਸਿਆ ਕਿ ਉਹ ਗਿੱਦੜਬਾਹਾ ਵਿਖੇ ਉਮੀਦ ਐਨ ਜੀ ਓ ਚਲਾਉਂਦੇ ਹਨ ਅਤੇ ਲੋਕਾਂ ਦੀ ਸੇਵਾ ਵਿੱਚ ਸਮਰਪਿਤ ਹਨ।ਉਹਨਾਂ ਦੱਸਿਆ ਕਿ ਨਸ਼ਾ ਖਾਸਕਰ ਚਿੱਟੇ ਕਰਕੇ ਨੌਜਵਾਨ ਭਰ ਜਵਾਨੀ ਵਿੱਚ ਸਿਵਿਆਂ ਦੇ ਰਾਹ ਜਾ ਰਹੇ ਹਨ ਜਿਸ ਕਰਕੇ ਉਹਨਾਂ ਨੇ ਅਤੇ ਉਹਨਾਂ ਦੀ ਟੀਮ ਵੱਲੋਂ ਫੈਸਲਾ ਕੀਤਾ ਕਿ ਚੈਂਬਰ ਨੰਬਰ 50 ਤੇ ਕੋਈ ਵੀ ਚਿੱਟਾ ਵੇਚਣ ਵਾਲਾ ਜਮਾਨਤ ਲਈ ਫਰਿਆਦ ਲੈ ਕੇ ਨਾ ਆਵੇ ਕਿਉਕਿ ਚਿੱਟੇ ਵਾਲਿਆਂ ਦਾ ਸਾਥ ਦੇ ਕੇ ਉਹ ਮਾਵਾਂ ਧੀਆਂ ਭੈਣਾਂ ਦਾ ਗੁਨਾਹਗਾਰ ਨਹੀ ਬਣਨਾ ਚਾਹੁੰਦੇ।ਉਹਨਾਂ ਵੱਲੋ ਕੀਤੀ ਗਈ ਪਹਿਲ ਦੀ ਸਾਰੇ ਸਵਾਗਤ ਕਰ ਰਹੇ ਹਨ।
