Manpreet Singh
ਸ਼੍ਰੀ ਮੁਕਤਸਰ ਸਾਹਿਬ, 03 ਜੁਲਾਈ ()-ਸ਼੍ਰੀ ਮੁਕਤਸਰ ਸਾਹਿਬ ਵਿੱਚ ਅਮੀਰਜ਼ਾਦੇ ਨੌਜਵਾਨ ਬੁਲੇਟ ਮੋਟਰਸਾਇਕਲਾਂ ਨਾਲ ਪਟਾਕੇ ਚਲਾ ਕੇ, ਟਰੈਕਟਰ ਤੇ ਜੀਪਾਂ ਵਿੱਚ ਉੱਚੀ ਅਵਾਜ਼ ਨਾਲ ਸਪੀਕਰ ਲਗਾ ਕੇ ਲੋਕਾਂ ਨੂੰ ਪ੍ਰੇਸ਼ਾਨ ਕਰ ਰਹੇ ਹਨ। ਪੁਲਿਸ ਵੱਲੋਂ ਇਨ੍ਹਾਂ ਅਮੀਰਜ਼ਾਦਿਆਂ ਦੇ ਖਿਲਾਫ ਕਿਸੇ ਤਰ੍ਹਾਂ ਦੀ ਕਾਰਵਾਈ ਨਹੀਂ ਕੀਤੀ ਜਾ ਰਹੀ। ਸਮਾਜ ਸੇਵੀ ਤਰਸੇਮ ਕੁਮਾਰ, ਸੁਮਿਤ ਗਰਗ, ਸੋਨੂੰ ਛਾਬੜਾ, ਸਿਮਰਜੀਤ ਸਿੰਘ, ਮਨਪ੍ਰੀਤ ਸਿੰਘ, ਬਲਵੀਰ ਸਿੰਘ, ਸਿਕੰਦਰ ਕੁਮਾਰ ਨੇ ਜ਼ਿਲ੍ਹਾ ਪੁਲਿਸ ਕਪਤਾਨ ਤੋਂ ਮੰਗ ਕੀਤੀ ਕਿ ਸ਼ਹਿਰ ਵਿੱਚ ਬੇਲਗਾਮ ਘੁੰਮ ਰਹੇ ਅਜਿਹੇ ਵਾਹਨਾਂ ਨੂੰ ਨੱਥ ਪਾਈ ਜਾਵੇ ਜੋ ਹਵਾ ਪ੍ਰਦੂਸ਼ਣ ਫੈਲਾਉਣ ਦੇ ਨਾਲ ਨਾਲ ਬਜ਼ੁਰਗਾਂ, ਬੱਚਿਆਂ ਤੇ ਹਾਰਟ ਦੇ ਮਰੀਜ਼ਾਂ ਲਈ ਮੁਸ਼ਕਲਾਂ ਦਾ ਕਾਰਨ ਬਣਦੇ ਹਨ।
ਜ਼ਿਆਦਾਤਰ ਅਮੀਰਜ਼ਾਦਿਆਂ ਦੇ ਕੁਝ ਬੱਚੇ ਉਡਾਉਂਦੇ ਨਿਯਮਾਂ ਦੀਆਂ ਧੱਜੀਆਂ
ਸਮਾਜ ਸੇਵੀ ਲੋਕਾਂ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਬੁਲੇਟ ਮੋਟਰਸਾਇਕਲ ਪੁਲਿਸ ਅਧਿਕਾਰੀਆਂ ਤੇ ਕਰਮਚਾਰੀਆਂ ਤੋਂ ਇਲਾਵਾ ਸਰਕਾਰੀ ਬਾਬੂਆਂ ਦੇ ਬੱਚਿਆਂ ਕੋਲ ਹਨ, ਤੇ ਜਦੋਂ ਵੀ ਟਰੈਫਿਕ ਪੁਲਿਸ ਅਜਿਹੇ ਨੌਜਵਾਨਾਂ ਨੂੰ ਨਾਕਿਆਂ ਉਪਰ ਰੋਕਦੇ ਹਨ ਤਾਂ ਝੱਟ ਜੇਬ ਵਿਚੋਂ ਫੋਨ ਕੱਢ ਕੇ ਆਪਣੇ ਪਾਪਾ, ਅੰਕਲ ਆਦਿ ਨਾਲ ਮਿਲਾ ਕੇ ਪੁਲਿਸ ਵਾਲਿਆਂ ਦੇ ਕੰਨ ’ਤੇ ਲਗਾ ਦਿੰਦੇ ਹਨ ਤੇ ਸਹਿਜੇ ਹੀ ਟਰੈਫਿਕ ਨਿਯਮਾਂ ਦੀਆਂ ਧੱਜੀਆਂ ਉਡਾਉਂਦੇ ਚਲੇ ਜਾਂਦੇ ਹਨ। ਉਨ੍ਹਾਂ ਕਿਹਾ ਕਿ ਪੰਜਾਬ ਪੁਲਿਸ ਨੂੰ ਅਜਿਹੇ ਮਿਸਤਰੀਆਂ ’ਤੇ ਵੀ ਕਾਰਵਾਈ ਕਰਨੀ ਚਾਹੀਦੀ ਹੈ ਜੋ ਬੁਲੇਟ ਮੋਟਰਸਾਇਕਲਾਂ ਦੇ ਸਾਇਲੈਂਸਰ ਬਦਲਦੇ ਹਨ ਤੇ ਨਿਯਮਾਂ ਨੂੰ ਸ਼ਿੰਕੇ ਟੰਗਦੇ ਹਨ।
ਕੈਪਸ਼ਨ: ਬੁਲੇਟ ਮੋਟਰਾਇਕਲ।
ਫੋਟੋ ਫਾਇਲ: ਐਮਕੇਐਸ 03-03
