ਧਨੌਲਾ ਅਗਨੀ ਕਾਂਡ: ਅੱਗ ਨਾਲ ਝੁਲਸੇ ਦੂਸਰੇ ਵਿਅਕਤੀ ਦੀ ਹੋਈ ਮੌਤ

Spread the love

ਧਨੌਲਾ, 13 ਅਗਸਤ (ਸੁਖਰਾਜ ਚਹਿਲ):- ਇੱਥੋਂ ਦੇ ਪ੍ਰਸਿੱਧ ਪ੍ਰਾਚੀਨ ਮੰਦਰ ਹਨੂੰਮਾਨ ਬਰਨੇਵਾਲਾ ‘ਚ ਲੱਗੀ ਅੱਗ ਨਾਲ ਝੁਲਸੇ 8 ਵਿਅਕਤੀਆਂ ਵਿੱਚੋਂ ਫਰੀਦਕੋਟ ਮੈਡੀਕਲ ਕਾਲਜ ਵਿਚ ਜੇਰੇ ਇਲਾਜ ਦੋ ਵਿਅਕਤੀਆਂ ਨੇ ਹੁਣ ਤੱਕ ਦਮ ਤੋੜ ਦਿੱਤਾ ਹੈ। ਇਲਾਜ ਦੌਰਾਨ ਪਹਿਲਾ ਰਾਮਯਤਨ ਦੀ ਮੌਤ ਹੋ ਗਈ। 11 ਅਗਸਤ ਨੂੰ  ਬਲਵਿੰਦਰ ਸਿੰਘ ਆਲੂ ਦੀ ਮੌਤ ਹੋ ਜਾਣ ਤੋਂ ਬਾਅਦ ਪਰਿਵਾਰ ਲਈ ਯੋਗ ਮੁਆਵਜ਼ੇ ਲਈ ਅੱਜ ਵੱਡੀ ਤਾਦਾਦ ਵਿੱਚ ਇਕੱਠੇ ਹੋਏ ਹਲਵਾਈ ਯੂਨੀਅਨ ਕੇਟਰਿੰਗ ਯੂਨੀਅਨ, ਵੇਟਰ ਯੂਨੀਅਨ ਨੇ ਪਹਿਲਾ ਥਾਣਾ ਧਨੌਲਾ ਅੰਦਰ ਮੰਦਰ ਪ੍ਰਬੰਧਕਾਂ ਤੋਂ ਮੁਆਵਜ਼ੇ ਸਬੰਧੀ ਗੱਲਬਾਤ ਚਲਾਈ ਗਈ ਜਦੋਂ ਕੋਈ ਗੱਲਬਾਤ ਕਿਸੇ ਤਣਪੱਤਣ ਨਾ ਲੱਗੀ ਕਾਰਨ ਦੇਰ ਸ਼ਾਮ ਨੂੰ ਉਕਤ ਲੋਕਾਂ ਨੇ ਇਕੱਠੇ ਹੋਕੇ ਬਠਿੰਡਾ-ਚੰਡੀਗੜ੍ਹ ਨੈਸ਼ਨਲ ਹਾਈਵੇਅ ਐੱਨ. ਐੱਚ. 7 ‘ਤੇ ਧਰਨਾ ਲਗਾ ਕੇ ਮੰਦਰ ਪ੍ਰਬੰਧਕਾਂ ਖਿਲਾਫ਼ ਰੋਸ ਪ੍ਰਦਰਸ਼ਨ ਕੀਤਾ ਗਿਆ ਜਿਸ ਕਾਰਨ ਵੱਡੀ ਗਿਣਤੀ ਵਿੱਚ ਲੰਘਣ ਵਾਲੇ ਵਹੀਕਲਾਂ ਦੀਆਂ ਵੱਡੀਆਂ-ਵੱਡੀਆਂ ਲਾਇਨਾਂ ਲੱਗ ਗਈਆਂ। ਧਰਨਾਕਾਰੀ ਇੱਕੋ ਗੱਲ ‘ਤੇ ਜੋਰ ਦੇ ਰਹੇ ਸਨ ਕਿ ਬਲਵਿੰਦਰ ਸਿੰਘ ਆਲੂ ਨੂੰ ਬਣਦਾ ਮੁਆਵਜ਼ਾ ਅਤੇ ਜੇਰੇ ਇਲਾਜ ਜ਼ਖਮੀਆਂ ਦਾ ਵਧੀਆ ਇਲਾਜ ਕਰਵਾਇਆ ਜਾਵੇ। ਜਿਸਨੂੰ ਲੈਕੇ ਪ੍ਰਸ਼ਾਸਨ ਤੇ ਧਰਨਾਕਾਰੀਆ ਵਿਚਕਾਰ ਕਈ ਵਾਰ ਗੱਲਬਾਤ ਚੱਲੀ ਪਰ ਕੋਈ ਕਹਾਣੀ ਸਿਰੇ ਚੜ੍ਹਦੀ ਨਾ ਹੋਣ ਕਾਰਨ ਆਖਿਰਕਾਰ ਡੀ.ਐੱਸ.ਪੀ. ਬਰਨਾਲਾ ਸਤਵੀਰ ਸਿੰਘ ਬੈਂਸ, ਸਬ ਇੰਸਪੈਕਟਰ ਚਰਨਜੀਤ ਸਿੰਘ, ਥਾਣੇਦਾਰ ਕਰਮਜੀਤ ਸਿੰਘ, ਇੰਸਪੈਕਟਰ ਸੀ.ਆਈ.ਏ. ਬਲਜੀਤ ਸਿੰਘ ਆਦਿ ਨੇ ਧਰਨਾਕਾਰੀਆ ਨੂੰ ਸਮਝਾਇਆ ਗਿਆ ਕਿ ਪ੍ਰਸ਼ਾਸਨ ਆਪਣੇ ਪੱਧਰ ‘ਤੇ ਮੌਤ ਨਾਲ ਪੀੜ੍ਹਤ ਪਰਿਵਾਰਾਂ ਤੇ ਜ਼ਖਮੀਆਂ ਦੀ ਤੰਦਰੁਸਤੀ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਿਹਾ ਹੈ ਪਰ ਧਰਨਾਕਾਰੀ ਆਪਣਾ ਰੋਸ ਪ੍ਰਦਰਸ਼ਨ ਕਰਦੇ ਰਹੇ ਕਿ ਮੰਗ ਪੱਤਰ ਅਨੁਸਾਰ ਉਹਨਾਂ ਦੀਆ ਮੰਗਾਂ ਮੰਨੀਆ ਜਾਣ ਜਿਸ ਕਾਰਨ ਪੁਲਸ ਨੇ ਘੰਟਿਆਂ ਬੱਧੀ ਲੱਗੇ ਬਠਿੰਡਾ-ਚੰਡੀਗੜ੍ਹ ਨੈਸ਼ਨਲ ਹਾਈਵੇਅ ਦੇ ਧਰਨੇ ਕਾਰਨ ਜਾਮ ਨੂੰ ਖੋਲ੍ਹਣ ਲਈ ਧਰਨਾਕਾਰੀਆ ਦੇ ਕੁਝ ਵਿਅਕਤੀਆਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਜਿਸ ਤੋਂ ਹਾਈਵੇਅ ਖੁੱਲਵਾਇਆ ਗਿਆ। ਡੀ.ਐੱਸ.ਪੀ. ਸਤਵੀਰ ਸਿੰਘ ਬੈਂਸ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਕੋਈ ਵੀ ਵਿਆਕਤੀ ਨੈਸ਼ਨਲ ਹਾਈਵੇਅ ਨਹੀ ਰੋਕ ਸਕਦਾ ਰੋਸ ਪ੍ਰਗਟ ਕਰਨ ਲਈ ਹੋਰ ਰਸਤੇ ਹਨ ਪਰ ਟ੍ਰੈਫਿਕ ਸਮੱਸਿਆ ਕਰਨਾ ਗਲਤ ਹੈ। ਇਸ ਲਈ ਇਹਨਾਂ ਵਿਅਕਤੀਆਂ ‘ਤੇ ਨੈਸ਼ਨਲ ਹਾਈਵੇਅ ਰੋਡ ਐਕਟ ਤਹਿਤ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ। ਧਰਨੇ ਵਿਚ ਸ਼ਾਮਲ ਪ੍ਰਧਾਨ ਜੀਤ ਸਿੰਘ, ਗਿਆਨ ਸਿੰਘ ਵਾਇਸ ਪ੍ਰਧਾਨ, ਝੱਲੀ ਸਿੰਘ, ਕਾਲਾ ਸਿੰਘ ਕੇਟਰਿੰਗ ਯੂਨੀਅਨ ਦਾ ਪ੍ਰਧਾਨ, ਸੱਜਣ ਸਿੰਘ ਵੇਟਰ ਯੂਨੀਅਨ ਦੇ ਪ੍ਰਧਾਨ ਤੋਂ ਇਲਾਵਾ ਭਾਜਪਾ ਆਗੂ ਦਰਸ਼ਨ ਸਿੰਘ ਨੈਣੇਵਾਲ ਵੀ ਸ਼ਾਮਲ ਹੋਏ ਸਨ।

  • Related Posts

    ਜਦ ਕੁੱਤੀ ਰਲ ਜਾਏ ਚੋਰਾਂ ਨਾਲ” 15 ਸਾਲਾਂ ਬਾਅਦ ਵੀ ਨਹੀ ਕੀਤੀ ਗਈ ਨਗਰ ਕੌਸਲ ਦੇ ਨਾਮ ਹੋਈ ਪੰਚਾਇਤੀ ਜਮੀਨ ਦੀ ਨਿਸ਼ਾਨਦੇਹੀ ਨਿਸ਼ਾਨਦੇਹੀ ਨਾਲ ਹੋਣ ਕਾਰਨ ਅੱਜ ਦੇ ਸਮੇਂ ਵੀ ਵੇਚੀ ਜਾ ਰਹੀ ਨਗਰ ਕੌਸਲ ਦੀ ਪ੍ਰਾਪਰਟੀ

    Spread the love

    Spread the loveਸ਼੍ਰੀ ਮੁਕਤਸਰ ਸਾਹਿਬ, 30 ਸਤੰਬਰ ( ਮਨਪ੍ਰੀਤ ਮੋਨੂੰ ) – ਪਵਿੱਤਰ ਸ਼ਹਿਰ ਸ਼੍ਰੀ ਮੁਕਤਸਰ ਸਾਹਿਬ ‘ਚ ਰਿਸ਼ਵਤਖੋਰੀ ਅਤੇ ਭ੍ਰਿਸ਼ਟਾਚਾਰ ਚਰਮ ਸੀਮਾਂ ਵੀ ਪਾਰ ਕਰ ਚੁੱਕਾ ਹੈ ‘ਤੇ ਸਬੰਧਤ…

    148.5 ਗ੍ਰਾਮ ਨਸ਼ੀਲੇ ਪਦਾਰਥ ਸਮੇਤ ਨੌਜਵਾਨ ਕਾਬੂ ਕੀਰਤਪੁਰ ਸਾਹਿਬ ਪੁਲਿਸ ਨੇ ਐਨਡੀਪੀਐਸ ਐਕਟ ਤਹਿਤ ਮਾਮਲਾ ਦਰਜ ਕੀਤਾ 

    Spread the love

    Spread the loveਸ਼੍ਰੀ ਕੀਰਤਪੁਰ ਸਾਹਿਬ,28 ਸਤੰਬਰ,(ਮਨਦੀਪ) ਜ਼ਿਲ੍ਹਾ ਰੂਪਨਗਰ ਦੇ ਐਸਐਸਪੀ ਮਨਿੰਦਰ ਸਿੰਘ ਆਈਪੀਐਸ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਜਸ਼ਨਦੀਪ ਸਿੰਘ ਡੀਐਸਪੀ ਸ੍ਰੀ ਅਨੰਦਪੁਰ ਸਾਹਿਬ ਦੀ ਅਗਵਾਈ ਵਿੱਚ ਥਾਣਾ ਸ੍ਰੀ ਕੀਰਤਪੁਰ ਸਾਹਿਬ ਦੇ…

    Leave a Reply

    Your email address will not be published. Required fields are marked *