ਸਵਿਫਟ ਕਾਰ ਪਲਟੀ, ਬਾਲ ਬਾਲ ਬਚੇ ਪਤੀ-ਪਤਨੀ

ਸ਼੍ਰੀ ਮੁਕਤਸਰ ਸਾਹਿਬ, ਗਿੱਦੜਬਾਹਾ, 17 ਜੂਨ ()- ਬੀਤੀਂ 16 ਜੂਨ ਦੀ ਦੇਰ ਸ਼ਾਮ ਗਿੱਦੜਬਾਹਾ ਦੇ ਬਠਿੰਡਾ-ਮਲੋਟ ਰੋਡ ਸਥਿਤ ਵਰਧਮਾਨ ਢਾਬੇ ਨਜ਼ਦੀਕ ਇੱਕ ਸਵਿਫਟ ਕਾਰ ਹਾਦਸੇ ਦਾ ਸ਼ਿਕਾਰ ਹੋਈ ਹੈ, ਜਿਸ ਤੋਂ ਬਾਅਦ ਕਾਰ ਸਵਾਰ ਪਤੀ-ਪਤਨੀ ਬਾਲ-ਬਾਲ ਬਚ ਗਏ। ਜਾਣਕਾਰੀ ਮੁਤਾਬਿਕ ਦੇਰ ਸ਼ਾਮ ਕਰੀਬ 07:00 ਵਜੇ ਗੁਰਜੀਤ ਸਿੰਘ ਪੁੱਤਰ ਪਰਮਜੀਤ ਸਿਘੰ ਵਾਸੀ ਪਿੰਡ ਬੁੱਟਰ ਸ਼ਰੀਂਹ ਆਪਣੀ ਪਤਨੀ ਪ੍ਰਵੀਨ ਕੌਰ ਨਾਲ ਆਪਣੀ ਸਵਿਫਟ ਕਾਰ ਐਚ ਆਰ 18- 8800 ’ਤੇ ਬਠਿੰਡਾ ਤੋਂ ਵਾਪਿਸ ਪਿੰਡ ਆ ਰਹੇ ਸਨ ਤੇ ਜਦੋਂ ਉਹ ਬਠਿੰਡਾ ਮਲੋਟ ਰੋਡ ’ਤੇ ਵਰਧਮਾਨ ਢਾਬੇ ਨਜ਼ਦੀਕ ਪੁੱਜੇ ਤਾਂ ਉਨ੍ਹਾਂ ਦੀ ਗੱਡੀ ਅਚਾਨਕ ਕਿਸੇ ਜਾਨਵਰ ਨਾਲ ਟਕਰਾਅ ਗਈ, ਜਿਸ ਤੋਂ ਬਾਅਦ ਗੱਡੀ ਦਾ ਸੰਤੁਲਨ ਵਿਗੜ ਗਿਆ ਤੇ ਗੱਡੀ ਪਲਟ ਗਈ। ਜ਼ਿਕਰਯੋਗ ਹੈ ਕਿ ਇਸ ਹਾਦਸੇ ਦੌਰਾਨ ਦੋਵੇਂ ਪਤਨੀ ਪਤਨੀ ਬਿੱਲਕੁਲ ਸਹੀ ਸਲਾਮਤ ਹਨ, ਉਨ੍ਹਾਂ ਦੇ ਕਿਸੇ ਵੀ ਤਰ੍ਹਾਂ ਦੀ ਕੋਈ ਗੰਭੀਰ ਸੱਟ ਨਹੀਂ ਲੱਗੀ ਹੈ।