ਬਾਥਰੂਮ ਦੇ ਮਾੜੇ ਹਾਲਾਤ,ਖਿੜਕੀਆਂ ਦੇ ਦਰਵਾਜੇ ਟੁੱਟੇ ਤੇ ਪਰਦੇ ਲਗਾ ਕੇ ਕੀਤਾ ਜਾ ਰਿਹਾ ਗੁਜਾਰਾ ਮਰੀਜਾਂ ਦੇ ਵਾਰਡ ਲਈ ਲੱਗੇ ਐਟਰੀ ਦੇ ਕੈਚੀ ਗੇਟ ਵੀ ਟੁੱਟਿਆ ਹੋਇਆ।

ਫਿਰੋਜ਼ਪੁਰ 18 ਫਰਵਰੀ (ਅਸ਼ੋਕ ਭਾਰਦਵਾਜ) ਨਸ਼ਾ ਛੁਡਾਊ ਕੇਦਰ ਜੋ ਕਿ ਨਸ਼ੇ ਤੋ ਪੀੜਤ ਲੋਕਾਂ ਨੂੰ ਨਸ਼ਾ ਰਹਿਤ ਜਿੰਦਗੀ ਤੇ ਚੱਲਣ ਲਈ ਹਰ ਪਹਿਲੂ ਤੋ ਮਦਦ ਕਰਦਾ ਹੈ ਤੇ ਸਰਕਾਰ ਵਲੋ ਅਜਿਹਾ ਉਪਰਾਲਾ ਸ਼ਲਾਘਾਯੋਗ ਕਦਮ ਹੈ ਪਰ ਇਹਨਾਂ ਕੇਦਰ ਨੂੰ ਚਲਾਉਣ ਵਾਲੀ ਪ੍ਰਣਾਲੀ ਕਿਤੇ ਨਾ ਕਿਤੇ ਸਵਾਲਾਂ ਦੇ ਘੇਰੇ ਚ ਜਰੂਰ ਨਜਰ ਆਉਦੀ ਜਾਪਦੀ ਹੈ। ਜੇਕਰ ਗੱਲ ਕੀਤੀ ਜਾਵੇ ਜਿਲਾ ਫਿਰੋਜ਼ਪੁਰ ਦੇ ਸਿਵਲ ਹਸਪਤਾਲ ਫਿਰੋਜ਼ਪੁਰ ਚ ਬਣੇ ਨਸ਼ਾ ਛੁਡਾਊ ਕੇਦਰ ਦੀ ਜੋ ਕਿ ਸਿਵਲ ਹਸਪਤਾਲ ਫਿਰੋਜ਼ਪੁਰ ਚ ਹੀ ਬਣਿਆ ਹੋਇਆ ਹੈ ਇਸ ਕੇਦਰ ਦੇ ਹਾਲਾਤ ਦਿਨ ਬ ਦਿਨ ਬਹੁਤ ਖਰਾਬ ਹੁੰਦੇ ਜਾ ਰਹੇ ਹਨ। ਇਸ ਕੇਦਰ ਚ ਬਣੇ ਬਾਥਰੂਮ ਸਫਾਈ ਖੁਣੋ ਹੀ ਸੱਖਣੇ ਪਏ ਹਨ ਤੇ ਬਿਲਡਿੰਗ ਦੀ ਹਾਲਤ ਵੀ ਖਸਤਾ ਹੋ ਚੁੱਕੀ ਹੈ। ਬਿਲਡਿੰਗ ਨੂੰ ਲੱਗੀਆ ਖਿੜਕੀਆ ਦੇ ਦਰਵਾਜੇ ਨਾ ਹੋਣ ਕਰਕੇ ਪਰਦੇ ਲਗਾ ਕੇ ਡੰਗ ਟਪਾਇਆ ਜਾ ਰਿਹਾ ਹੈ ਕੁੱਲ ਮਿਲਾ ਕੇ ਇਸ ਕੇਦਰ ਦੇ ਬੁਨਿਆਦੀ ਢਾਂਚਾ ਡਾਵਾਂਡੋਲ ਹੀ ਹੈ ਤੇ ਇਹ ਕੇਦਰ ਬੁਨਿਆਦੀ ਤੇ ਆਧੁਨਿਕ ਸਹੂਲਤਾਂ ਤੋ ਸੱਖਣਾ ਹੀ ਚੱਲ ਰਿਹਾ ਹੈ। ਇਥੇ ਦਾਖਲ ਮਰੀਜਾਂ ਨੇ ਆਪਣਾ ਨਾਮ ਨਾ ਛਾਪਣ ਦੀ ਸੂਰਤ ਚ ਦੱਸਿਆ ਕਿ ਉਹਨਾਂ ਨੂੰ ਖਾਣ ਲਈ ਖਾਣਾ ਵੀ ਨਹੀ ਮਿਲ ਰਿਹਾ ਤੇ ਉਹ ਬਾਹਰੋ ਲੋਕਾਂ ਵਲੋ ਲਗਾਏ ਗਏ ਲੰਗਰ ਤੋ ਲੰਗਰ ਲਿਆ ਕੇ ਹੀ ਆਪਣਾ ਗੁਜਾਰਾ ਕਰ ਰਹੇ ਹਨ। ਬਾਥਰੂਮ ਦੀ ਸਫਾਈ ਲਈ ਜਦੋ ਉਥੇ ਡਿਊਟੀ ਤੇ ਮੋਜੂਦ ਸਫਾਈ ਕਰਮਚਾਰੀ ਤੋ ਪੁੱਛਿਆ ਗਿਆ ਤਾਂ ਉਸਦਾ ਕਹਿਣਾ ਸੀ

ਕਿ ਮੈਨੂੰ ਸਾਫ ਸਫਾਈ ਲਈ ਸਮਾਨ ਹੀ ਨਹੀ ਮਿਲਦਾ ਮੈ ਕਿਵੇ ਸਫਾਈ ਕਰਾਂ। ਇਸ ਕੇਦਰ ਦੇ ਬੈਕ ਸਾਇਡ ਵਾਲੇ ਪਾਸਾ ਵੀ ਜੰਗਲ ਦਾ ਰੂਪ ਧਾਰਨ ਕਰ ਚੁਕਿਆ ਹੈ ਜਿਸ ਕਾਰਨ ਕਦੇ ਵੀ ਦਾਖਲ ਮਰੀਜਾਂ ਤੇ ਕੋਈ ਵੀ ਜਹਰੀਲਾ ਜੀਵ ਲੜ ਸਕਦਾ ਹੈ। ਇਸ ਬਾਬਤ ਸਿਵਲ ਸਰਜਨ ਮੈਡਮ ਰਾਜਵਿੰਦਰ ਕੌਰ ਹੁਰਾਂ ਨਾਲ ਫੋਨ ਜਰੀਏ ਰਾਬਤਾ ਕਾਇਮ ਕੀਤਾ ਗਿਆ ਤਾਂ ਉਹਨਾਂ ਦਾ ਕਹਿਣਾ ਸੀ ਕਿ ਜਲਦੀ ਹੀ ਆ ਰਹੀਆਂ ਸਮੱਸਿਆਵਾਂ ਦਾ ਹੱਲ ਕੱਢ ਲਿਆ ਜਾਵੇਗਾ।