Manpreet Singh
ਜਲੰਧਰ 24 ਅਗਸਤ ( ਬਲਦੇਵ ਸਿੰਘ ਬੇਦੀ ) ਆਕਾਸ਼ਵਾਣੀ ਜਲੰਧਰ ਨੇ 15ਵੀਂ ਹਾਕੀ ਜੂਨੀਅਰ ਪੁਰਸ਼ ਰਾਸ਼ਟਰੀ ਚੈਂਪੀਅਨਸ਼ਿਪ 2025 ਦੇ ਫਾਈਨਲ ਮੈਚ ਦੀ ਲਾਈਵ ਕਮੈਂਟਰੀ ਐਫ.ਐਮ. ਰੇਨਬੋ 102.7 ਮੇਗਾਹਟਜ਼ ਅਤੇ ਨਿਊਜ਼ ਆਨ ਏਅਰ ਮੋਬਾਈਲ ਐਪ ਰਾਹੀਂ ਸਫ਼ਲਤਾਪੂਰਵਕ ਪ੍ਰਸਾਰਿਤ ਕੀਤੀ। ਇਸ ਪ੍ਰਸਾਰਣ ਰਾਹੀਂ ਹਾਕੀ ਪ੍ਰੇਮੀਆਂ ਨੂੰ ਟੂਰਨਾਮੈਂਟ ਦੇ ਰੌਂਗਟੇ ਖੜ੍ਹੇ ਕਰਦੇ ਪਲਾਂ ਅਤੇ ਤਾਜ਼ਾ ਅੱਪਡੇਟਾਂ ਨਾਲ ਜੋੜਿਆ ਗਿਆ।
ਲਾਈਵ ਕਮੈਂਟਰੀ ਕੁਲਵਿੰਦਰ ਸਿੰਘ ਕੰਗ ਨੇ ਦਿੱਤੀ, ਜਦਕਿ ਐਫ.ਐਮ. ਅੱਪਡੇਟਾਂ ਦੀ ਜ਼ਿੰਮੇਵਾਰੀ ਰਜਿੰਦਰ ਸਿੰਘ ਨੇ ਨਿਭਾਈ। ਮੈਚ ਤੋਂ ਪਹਿਲਾਂ ਅਤੇ ਬਾਅਦ ਦੇ ਖ਼ਾਸ ਪ੍ਰੋਗਰਾਮ ਬਿਰਿੰਦਰ ਸਿੰਘ ਨੇ ਐਂਕਰ ਕੀਤੇ ਅਤੇ ਦਰਸ਼ਕਾਂ ਨੂੰ ਵਿਸ਼ਲੇਸ਼ਣ ਅਤੇ ਮੁੱਖ ਝਲਕੀਆਂ ਪ੍ਰਦਾਨ ਕੀਤੀਆਂ।
ਇਸ ਸਫਲ ਪ੍ਰਸਾਰਣ ਦੇ ਪ੍ਰੋਡਕਸ਼ਨ ਦੀ ਕਮਾਨ ਖੇਡ ਵਿਭਾਗ ਦੀ ਇੰਚਾਰਜ ਪ੍ਰਤੀਸ਼ਠਾ ਜੈਨ ਦੇ ਹੱਥ ਵਿੱਚ ਰਹੀ। ਤਕਨੀਕੀ ਕੰਮ ਸਚਿਨ ਸਿੰਘ, ਸੂਰਜ ਅਤੇ ਰਾਹੁਲ ਸ਼ਰਮਾ ਵੱਲੋਂ ਬਾਖੂਬੀ ਸੰਭਾਲਿਆ ਗਿਆ। ਸਟੂਡੀਓ ਸਹਾਇਤਾ ਵਿੱਚ ਐਫ.ਐਮ. ਐਂਕਰ ਨਿਸ਼ਾ ਬਤਰਾ ਅਤੇ ਬ੍ਰਾਡਕਾਸਟ ਅਸਿਸਟੈਂਟ ਸੌਰਵ ਕੁਮਾਰ ਰਾਜੂ ਨੇ ਯੋਗਦਾਨ ਪਾਇਆ। ਪੂਰੀ ਟੀਮ ਨੇ ਪ੍ਰੋਗਰਾਮ ਐਗਜ਼ਿਕਿਊਟਿਵ ਗੁਰਵਿੰਦਰ ਸਿੰਘ ਸੰਧੂ ਅਤੇ ਪ੍ਰੋਗਰਾਮ ਹੈੱਡ ਪਰਮਜੀਤ ਸਿੰਘ ਦੀ ਰਹਿਨੁਮਾਈ ਹੇਠ ਕੰਮ ਕੀਤਾ।
ਇਸ ਸਿੱਧੇ ਪ੍ਰਸਾਰਣ ਨਾਲ ਆਕਾਸ਼ਵਾਣੀ ਜਲੰਧਰ ਨੇ ਇੱਕ ਵਾਰ ਫਿਰ ਖੇਡਾਂ ਦੇ ਪ੍ਰਚਾਰ ਅਤੇ ਰਾਸ਼ਟਰੀ ਪੱਧਰ ਦੇ ਸਮਾਰੋਹਾਂ ਨੂੰ ਲੋਕਾਂ ਤੱਕ ਪਹੁੰਚਾਉਣ ਲਈ ਆਪਣੀ ਵਚਨਬੱਧਤਾ ਸਾਬਤ ਕੀਤੀ।
