Manpreet Singh
ਫਿਰੋਜ਼ਪੁਰ 9 ਜੁਲਾਈ (ਅਸ਼ੋਕ ਭਾਰਦਵਾਜ) ਫਿਰੋਜ਼ਪੁਰ ਸ਼ਹਿਰ ਅੰਦਰ ਵਿਕਾਸ ਕਾਰਜ ਕਿੱਧਰੇ ਖੰਭ ਲਗਾ ਕੇ ਉਡ ਗਏ ਹਨ ਤੇ ਇਥੋ ਦਾ ਸਿਵਲ ਪ੍ਰਸ਼ਾਸ਼ਨ ਖੰਭ ਲਾ ਕੇ ਉੱਡ ਚੁੱਕੇ ਵਿਕਾਸ ਕਾਰਜਾਂ ਨੂੰ ਲੱਭਣ ਗਿਆ ਹਜੇ ਤੱਕ ਵਾਪਿਸ ਨਹੀ ਪਰਤਿਆ ਤੇ ਪ੍ਰਸ਼ਾਸ਼ਨ ਨੂੰ ਲੱਭਦਾ ਲੱਭਦਾ ਇਥੋ ਦਾ ਵਿਧਾਇਕ ਵੀ ਕਿੱਧਰੇ ਲਾਪਤਾ ਹੋ ਗਿਆ ਹੈ ਜਿਸ ਕਾਰਨ ਫਿਰੋਜ਼ਪੁਰ ਸ਼ਹਿਰ ਦੇ ਵਿਕਾਸ ਕਾਰਜ ਇੱਕ ਨੁੱਕਰੇ ਲੱਗੇ ਪਏ ਹਨ। ਸੀਵਰੇਜ ਸਿਸਟਮ,ਵਾਟਰ ਸਪਲਾਈ,ਗਲੀਆਂ ਦਾ ਬੁਰਾ ਹਾਲ,ਰੋਡ ਤੇ ਗਲੀਆਂ ਚ ਲਾਇਟਾਂ ਦਾ ਬੁਰਾ ਹਾਲ ਹੈ ਹੋਇਆ ਪਿਆ ਹੈ ਇਹ ਜਿਹੜੀਆਂ ਮੁਸ਼ਕਿਲਾਂ ਇਸ ਨਾਲ ਹਰ ਸ਼ਹਿਰ ਵਾਸੀ ਬੜੇ ਚਿਰ ਤੋ ਜੂਝ ਰਿਹਾ ਹੈ ਤੇ ਪ੍ਰਸ਼ਾਸ਼ਨ ਦੇ ਸਿਰ ਤੇ ਭੋਰਾ ਵੀ ਜੂੰ ਨਹੀ ਸਰਕਦੀ ਜੇਕਰ ਸ਼ਹਿਰ ਅੰਦਰ ਲਾਅ ਐਡ ਆਰਡਰ ਦੀ ਗੱਲ ਕੀਤੀ ਜਾਵੇ ਤਾਂ ਬਹੁਤ ਹੀ ਬੁਰਾ ਹਾਲ ਹੈ ਤੇ ਪ੍ਰਸ਼ਾਸ਼ਨ ਤੋ ਹਾਲਾਤਾਂ ਦੀ ਸਥਿਤੀ ਤੇ ਨਾ ਕਾਬੂ ਪਾਉਦਿਆ ਦੇਖ ਕੇ ਕਾਲੋਨੀ ਦੇ ਵਾਸੀਆਂ ਨੇ ਐਟਰੀ ਪੁਆਇੰਟਾਂ ਤੇ ਗੇਟ ਲਗਾ ਕੇ ਆਪਣੀ ਜਾਨ ਮਾਲ ਦੀ ਸੁਰੱਖਿਆ ਖੁੱਦ ਕਰ ਲਈ ਹੈ ਪਰ ਵਿਕਾਸ ਕਾਰਜਾਂ ਤੋ ਦੁਖੀ ਸ਼ਹਿਰ ਵਾਸੀ ਸਿਵਲ ਪ੍ਰਸ਼ਾਸ਼ਨ ਅੱਗੇ ਬੇਬਸ ਹੋ ਗਏ ਹਨ। ਸ਼ਹਿਰ ਦੀਆਂ ਮੇਨ ਸੜਕਾਂ ਤੇ ਕੋਈ ਵੀ ਚੋਕ ਅਜਿਹਾ ਨਹੀ ਜਿਥੇ ਕਿ ਖੱਡੇ ਨਾ ਹੋਣ ਜਿਸ ਕਾਰਨ ਜਿਆਦਾ ਬਰਸਾਤ ਹੋਣ ਦੇ ਬਾਅਦ ਇਹ ਖੱਡੇ ਮਨੁੱਖੀ ਜਿੰਦਗੀ ਲਈ ਖਤਰਨਾਕ ਹੋ ਜਾਂਦੇ ਹਨ ਇਥੇ ਇੱਕ ਗੱਲ ਦੀ ਬੜੀ ਹੈਰਾਨੀ ਹੈ ਕਿ ਇਹਨਾਂ ਖੱਡਿਆ ਲਈ ਨਗਰ ਕੌਂਸਲ ਕਿਉ ਚੁੱਪੀ ਧਾਰੀ ਬੈਠਾ ਹੈ ਸੂਤਰਾਂ ਦੇ ਹਵਾਲੇ ਤੋ ਪਤਾ ਲੱਗਿਆ ਹੈ ਕਿ ਸ਼ਹਿਰ ਦੇ ਇੱਕ ਚੋਕ ਚ ਨਗਰ ਕੌਂਸਲ ਫਿਰੋਜ਼ਪੁਰ ਦੇ ਨੁਮਾਇੰਦੇ ਆਪਣੇ ਨਿੱਜੀ ਫਾਇਦੇ ਲਈ ਸਹੀ ਸਲਾਮਤ ਸੜਕ ਪੁਟ ਕੇ ਖੱਡਾ ਬਣਾ ਰੱਖਿਆ ਹੈ ਜਿਥੇ ਕਿ ਨਗਰ ਕੌਂਸਲ ਫਿਰੋਜ਼ਪੁਰ ਦੇ ਆਲਾ ਅਧਿਕਾਰੀਆਂ ਦੀ ਨਿਗਾਹ ਚ ਆਉਣ ਤੋ ਬਾਅਦ ਵੀ ਇਹ ਅਮਲਾ ਬੇਬਸ ਹੋਇਆ ਪਿਆ ਹੈ। ਸੋ ਸ਼ਹਿਰ ਵਾਸੀਆਂ ਦੀ ਸਿਵਲ ਪ੍ਰਸ਼ਾਸ਼ਨ ਤੇ ਹਲਕਾ ਵਿਧਾਇਕ ਨੂੰ ਅਪੀਲ ਹੈ ਕਿ ਸੜਕਾਂ ਚ ਪਏ ਖੱਡੇ ਜਲਦੀ ਤੋ ਜਲਦੀ ਭਰਵਾਏ ਜਾਣ।
