Manpreet Singh
ਬਠਿੰਡਾ , 9 ਜੁਲਾਈ (ਰਾਮ ਸਿੰਘ ਕਲਿਆਣ)ਮਾਨਵ ਸੇਵਾ ਵੈਲਫੇਅਰ ਸੁਸਾਇਟੀ ਰਜਿ ਮਹਿਰਾਜ ਵਲੋਂ ਰੁੱਖ ਲਗਾਓ ਮਹਿੰਮ ਤਹਿਤ ਬਾਬਾ ਕਾਲਾ ਪਬਲਿਕ ਹਾਈ ਸਕੂਲ ਮਹਿਰਾਜ ਵਿੱਚ ਫਲਦਾਰ, ਫੁਲਾਂ ਤੇ ਛਾਂ -ਦਾਰ ਬੂਟੇ ਲਗਾਏ ਗਏ। ਵਾਤਾਵਰਨ ਵਿੱਚ ਪ੍ਰਦੂਸ਼ਣ ਅਤੇਹੀਟ-ਵੇਵ ਦੀ ਰੋਕਥਾਮ ਲਈ ਮਾਨਵ ਸੇਵਾ ਸੋਸਾਇਟੀ ਵੱਲੋਂ ਪਿਛਲੇ ਲੰਮੇ ਸਮੇਂ ਤੋਂ ਜਾਗਰੂਕਤਾ ਪ੍ਰੋਗਰਾਮ ਅਤੇ ਬੂਟੇ ਲਗਾਉਣ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ ।ਸੁਸਾਇਟੀ ਦੇ ਚੇਅਰਮੈਨ ਰਜਿੰਦਰ ਸਿੰਘ ਬਾਹੀਆ ਨੇ ਬਾਬਾ ਕਾਲਾ ਹਾਈ ਸਕੂਲ ਮਹਿਰਾਜ ਦੇ ਵਿਦਿਆਰਥੀਆਂ ਅਤੇ ਹਾਜ਼ਰੀਨ ਨੂੰ ਵੱਧ ਤੋਂ ਵੱਧ ਰੁੱਖਾਂ ਦੀ ਸੰਭਾਲ ਕਰਨ ਅਤੇ ਰੁੱਖ ਲਗਾਉਣ ਲਈ ਪ੍ਰੇਰਿਤ ਕੀਤਾ । ਇਸ ਦੌਰਾਨ ਐਜੂਕੈਂਡਲ , ਮਾਈ ਟੈਲੇਂਟ ਗਰੋਥ ਵੱਲੋਂ ਡਾ. ਹਰਪ੍ਰੀਤ ਸਿੰਘ ਸੁਲਹਾਣੀ ( ਇਲੈਕਟ੍ਰੋ ਹੋਮੀਓਪੈਥ ) ਨੇ ਹੀਟ-ਵੇਵ , ਕਾਰਬਨ ਕਰੈਡਿਟ ਹੋਣ ਸੰਬੰਧੀ ਵਿਦਿਆਰਥੀਆਂ ਨੂੰ ਕੁਦਰਤੀ ਈਕੋ ਸਿਸਟਮ ਪ੍ਰਤੀ ਜਾਣਕਾਰੀ ਦਿੱਤੀ । ਸਕੂਲ ਮੁਖੀ ਕੁਲਵੰਤ ਸਿੰਘ ਜੀ ਨੇ ਭਰੋਸਾ ਦਿੰਦਿਆ ਕਿਹਾ ਕਿ ਰੁੱਖ ਲਗਾਉਣ , ਵਾਤਾਵਰਨ ਸੰਭਾਲ ਮੁਹਿੰਮ ਨੂੰ ਮਹਿਰਾਜ ਪਿੰਡ ਦੇ ਘਰ ਘਰ ਪਹੁੰਚਾਇਆ ਜਾਵੇਗਾ ।ਸਕੂਲ ਅਧਿਆਪਕ ਮਨਦੀਪ ਕੌਰ, ਗੁਰਪਾਲ ਕੌਰ, ਸਵਰਨ ਸਿੰਘ, ਅਨੰਤ ਕੌਰ, ਮਨਦੀਪ ਸਿੰਘ, ਸੁਖਪ੍ਰੀਤ ਕੌਰ, ਪ੍ਰਵੀਨ ਕੌਰ, ਸੁਰਿੰਦਰਪਾਲ ਕੌਰ, ਗਗਨਦੀਪ ਕੌਰ ਹਾਜ਼ਰ ਰਹੇ।
