Manpreet Singh
ਸ੍ਰੀ ਮੁਕਤਸਰ ਸਾਹਿਬ, 02 ਸਤੰਬਰ ()- ਅੰਤਰਰਾਸ਼ਟਰੀ ਵੈਸ਼ਅ ਫੈਡਰੇਸ਼ਨ ਪੰਜਾਬ ਵੱਲੋਂ ਇਸ ਵਾਰ ਪੰਜਾਬ ਚ ਵੱਡੇ ਪੱਧਰ ਤੇ ਅਗਰਸੈਨ ਜੈਅੰਤੀ ਨਾ ਮਨਾ ਕੇ ਉਸ ਸਮਾਗਮ ਤੇ ਆਉਣ ਵਾਲੇ ਖਰਚ ਤੋਂ ਹੜ੍ਹ ਪੀੜ੍ਹਤਾਂ ਦੀ ਮਦਦ ਕੀਤੀ ਜਾਵੇਗੀ। ਇਹ ਫੈਸਲਾ ਪੰਜਾਬ ਪ੍ਰਧਾਨ ਸੁਰਿੰਦਰ ਸਿੰਗਲਾ ਦੀਆਂ ਹਦਾਇਤਾਂ ਤੇ ਲਿਆ ਗਿਆ ਹੈ। ਇਸ ਸਬੰਧੀ ਮੰਗਲਵਾਰ ਨੂੰ ਨਵੀਂ ਦਾਣਾ ਮੰਡੀ ਵਿਖੇ ਸਥਿਤ ਦੁਕਾਨ ਪਰ 43 ਤੇ ਫੈਡਰੇਸ਼ਨ ਆਗੂਆਂ ਵੱਲੋਂ ਪ੍ਰੈਸ ਕਾਨਫਰੰਸ ਕੀਤੀ ਗਈ। ਇਸ ਮੌਕੇ ਜਿਲਾ ਪ੍ਰਭਾਰੀ ਤੇਜਿੰਦਰ ਬੱਬੂ ਬਾਂਸਲ, ਜਿਲਾ ਪ੍ਰਧਾਨ ਰਵੀ ਗਰਗ, ਯੂਥ ਵਿੰਗ ਦੇ ਪੰਜਾਬ ਪ੍ਰਧਾਨ ਸੁਮਿਤ ਗਰਗ ਨੇ ਕਿਹਾ ਕਿ ਭਾਰੀ ਬਰਸਾਤ ਕਾਰਨ ਇਸ ਵਾਰ ਪੰਜਾਬ ਚ ਜਿੱਥੇ ਭਾਰੀ ਤਬਾਹੀ ਹੋਈ ਹੈ। ਉੱਥੇ ਹੀ ਮਾਂ ਵੈਸ਼ਣੋ ਦੇਵੀ, ਅਮਰਨਾਥ ਸਮੇਤ ਹੋਰ ਕਈ ਥਾਵਾਂ ਤੇ ਬਹੁਤ ਭਾਰੀ ਨੁਕਸਾਨ ਹੋਇਆ ਹੈ। ਜਿਸ ਕਰਕੇ ਫੈਡਰੇਸ਼ਨ ਨੇ ਫੈਸਲਾ ਲਿਆ ਹੈ ਕਿ ਇਸ ਵਾਰ ਵੱਡੇ ਪੱਧਰ ਤੇ ਮਹਾਰਾਜ ਅਗਰਸੈਨ ਜੈਅੰਤੀ ਤੇ ਸਮਾਗਮ ਨਾ ਕਰਕੇ ਘਰ-ਘਰ ਪੱਧਰ ਤੇ ਹੀ ਇਹ ਉਤਸਵ ਮਨਾਏ ਜਾਣ ਅਤੇ ਇਸ ਤੇ ਹੋਣ ਵਾਲਾ ਸਾਰਾ ਖਰਚਾ ਬਚਾ ਕੇ ਹੜ੍ਹ ਪੀੜ੍ਹਤਾਂ ਦੀ ਮਦਦ ਕੀਤੀ ਜਾਵੇਗੀ। ਉਹਨਾਂ ਨੇ ਕਿਹਾ ਕਿ ਮਹਾਰਾਜਾ ਅਗਰਸੈਨ ਜੀ ਦੇ ਉਪਦੇਸ਼ਾਂ ਤੇ ਚਲਦਿਆਂ ਹੀ ਇਹ ਫੈਸਲਾ ਕੀਤਾ ਗਿਆ ਹੈ ਕਿਉਂਕਿ ਮਹਾਰਾਜਾ ਅਗਰਸੈਨ ਜੀ ਦਾ ਉਪਦੇਸ਼ ਸੀ ਕਿ ਹਰ ਵਰਗ ਦੇ ਲੋੜਵੰਦ ਵਿਅਕਤੀ ਦੀ ਮਦਦ ਕੀਤੀ ਜਾਵੇ। ਇਸ ਮੌਕੇ ਉਮੇਸ਼ ਗੋਇਲ, ਸੁਨੀਲ ਬਾਂਸਲ, ਪ੍ਰਵੀਨ ਬਾਂਸਲ, ਅਜੇ ਗੁਪਤਾ, ਸੁਸ਼ੀਲ ਕੁਮਾਰ ਹੈੱਪੀ ਗਰਗ, ਦਿਨੇਸ਼ ਬਾਂਸਲ, ਹੈੱਪੀ ਗੁਪਤਾ, ਵਿਕਾਸ ਗਰਗ, ਮਨੀਸ਼ ਗੋਇਲ ਆਦਿ ਵੀ ਹਾਜ਼ਰ ਸਨ।
