ਕਿੱਤਾ ਮੁਖੀ ਕੋਰਸਾਂ ਦੀ ਸਿਖਲਾਈ ਲੈ ਕੇ ਭਵਿੱਖ ਸੁਨਹਿਰਾ ਬਨਾਉਣ ਨੌਜਵਾਨ – ਸਰਪੰਚ ਰਿੰਪਲ ਕੁਮਾਰ

ਫਗਵਾੜਾ  2ਅਪ੍ਰੈਲ (   ਪ੍ਰੀਤ ਕੌਰ   ਪ੍ਰੀਤੀ     ) ਕੇਂਦਰ ਸਰਕਾਰ ਵਲੋਂ ਨੌਜਵਾਨਾਂ ਨੂੰ ਹੱਥੀਂ ਹੁਨਰ ਦੀ ਸਿਖਲਾਈ ਰਾਹੀਂ ਕਿੱਤਾ ਮੁੁਖੀ ਬਨਾਉਣ ਦੇ ਮਕਸਦ ਨਾਲ ਚਲਾਈ ਗਈ ਪ੍ਰਧਾਨ ਮੰਤਰੀ ਕੌਸ਼ਲ ਵਿਕਾਸ ਯੋਜਨਾ ਅਧੀਨ ਅੱਜ ਪਿੰਡ ਵਜੀਦੋਵਾਲ ਵਿਖੇ ਇਕ ਕੈਂਪ ਗ੍ਰਾਮ ਪੰਚਾਇਤ ਦੇ ਸਹਿਯੋਗ ਨਾਲ ਪਿੰਡ ਦੀ ਧਰਮਸ਼ਾਲਾ ਵਿਖੇ ਲਗਾਇਆ ਗਿਆ। ਇਸ ਦੌਰਾਨ ਈਮੈਟ ਐਜੂਟੈਕ ਸਰਵਿਸ ਫਗਵਾੜਾ ਵਲੋਂ ਪਹੁੰਚੇ ਕੇ.ਐਲ. ਰਾਹੁਲ, ਵੀਨਸ ਭਾਰਤੀ ਅਤੇ ਦਿਲਪ੍ਰੀਤ ਕੌਰ ਨੇ ਨੌਜਵਾਨਾਂ ਨੂੰ ਭਾਰਤ ਸਰਕਾਰ ਦੀ ਇਸ ਯੋਜਨਾ ਬਾਰੇ ਜਾਣਕਾਰੀ ਦਿੱਤੀ। ਉਹਨਾਂ ਦੱਸਿਆ ਕਿ ਜਿਹੜੇ ਨੌਜਵਾਨ ਏ.ਸੀ. ਟੈਕਨੀਸ਼ੀਅਨ ਦਾ ਕੰਮ ਜਾਣਦੇ ਹਨ ਪਰ ਕਿਸੇ ਮਾਨਤਾ ਪ੍ਰਾਪਤ ਅਦਾਰੇ ਤੋਂ ਸਰਟੀਫਿਕੇਟ ਨਾ ਹੋਣ ਦੇ ਚਲਦਿਆਂ ਰੁਜਗਾਰ ਹਾਸਲ ਕਰਨ ਵਿਚ ਮੁਸ਼ਕਿਲ ਆ ਰਹੀ ਹੈ ਤਾਂ ਉਹ ਹੁਸ਼ਿਆਰਪੁਰ ਰੋਡ ਫਗਵਾੜਾ ਸਥਿਤ ਈ-ਮੈਟ ਐਜੂਟੈਕ ‘ਚ ਪੰਦਰਾਂ ਦਿਨ ਦੀ ਸਿਖਲਾਈ ਲੈ ਕੇ ਭਾਰਤ ਸਰਕਾਰ ਦੇ ਕੌਸ਼ਲ ਵਿਕਾਸ ਮੰਤਰਾਲੇ ਤੋਂ ਮਾਨਤਾ ਪ੍ਰਾਪਤ ਸਰਟੀਫਿਕੇਟ ਹਾਸਲ ਕਰ ਸਕਦੇ ਹਨ। ਇਸ ਦੌਰਾਨ ਸਰਪੰਚ ਰਿੰਪਲ ਕੁਮਾਰ ਵਜੀਦੋਵਾਲ ਨੇ ਭਾਰਤ ਸਰਕਾਰ ਅਤੇ ਈ-ਮੈਟ ਐਜੂਟੈਕ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਉਹਨਾਂ ਨੌਜਵਾਨਾਂ ਨੂੰ ਕਿੱਤਾ ਮੁਖੀ ਕੋਰਸ ਕਰਕੇ ਆਪਣਾ ਭਵਿੱਖ ਸਨਹਿਰਾ ਬਨਾਉਣ ਲਈ ਪ੍ਰੇਰਿਆ। ਇਸ ਮੌਕੇ ਸਰਬਜੀਤ, ਅਜੇ, ਹਨੀ, ਕੁਲਦੀਪ, ਦੀਪਕ, ਬਲਜਿੰਦਰ, ਸੰਦੀਪ, ਪਿ੍ਰੰਸ ਅਤੇ ਜਸਵਿੰਦਰ ਆਦਿ ਵੀ ਹਾਜਰ ਸਨ।