Manpreet Singh
ਕਪੂਰਥਲਾ , 5 ਸਤੰਬਰ (ਕੌੜਾ)- ਕੈਨੇਡਾ ਦੇ ਸ਼ਹਿਰ ਟੋਰਾਂਟੋ ਵੱਸਦੇ ਹਲਕਾ ਸੁਲਤਾਨਪੁਰ ਲੋਧੀ ਤੇ ਕਪੂਰਥਲਾ ਨਾਲ ਸਬੰਧਿਤ ਪੰਜਾਬੀ ਭਾਈਚਾਰਾ ਹੜ੍ਹ ਪੀੜਤਾਂ ਦੀ ਵੱਡੀ ਮਦਦ ਕਰੇਗਾ |ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਹਲਕਾ ਸੁਲਤਾਨਪੁਰ ਲੋਧੀ ਦੇ ਸੀਨੀਅਰ ਅਕਾਲੀ ਆਗੂ ਸੁਖਦੇਵ ਸਿੰਘ ਨਾਨਕਪੁਰ ਨੇ ਪੰਜਾਬੀ ਭਾਈਚਾਰੇ ਦੇ ਅਹਿਮ ਆਗੂਆਂ ਤੇ ਵੱਡੇ ਕਾਰੋਬਾਰੀਆਂ ਨਾਲ ਮੀਟਿੰਗ ਉਪਰੰਤ ਕੀਤਾ |ਉਹਨਾਂ ਦੱਸਿਆ ਕਿ ਉਹਨਾਂ ਦੀ ਪੰਜਾਬੀ ਭਾਈਚਾਰੇ ਦੇ ਅਹਿਮ ਆਗੂਆਂ ਨਾਲ ਹੋਈ ਮੀਟਿੰਗ ਵਿੱਚ ਮੈਂ ਉਹਨਾਂ ਨੂੰ ਪੰਜਾਬ ਵਿੱਚ ਹੜ੍ਹਾਂ ਨਾਲ ਹੋਈ ਬਰਬਾਦੀ ਬਾਰੇ ਜਾਣੂੰ ਕਰਵਾਇਆ ਅਤੇ ਪੀੜਤ ਵਿਅਕਤੀਆਂ ਦੀ ਬਾਂਹ ਫੜਨ ਦੀ ਬੇਨਤੀ ਕੀਤੀ |ਜਿਸ ਤੇ ਉਹਨਾਂ ਵਿਸ਼ਵਾਸ ਦਿਵਾਇਆ ਕਿ ਉਹ ਸਾਰੇ ਮਿਲ ਕੇ ਪੀੜਤਾਂ ਦੀ ਮਦਦ ਕਰਨਗੇ |ਜਿਸ ਲਈ ਉਹਨਾਂ ਕੁਝ ਸੱਜਣਾਂ ਦੀ ਜਲਦੀ ਭਾਰਤ ਜਾਣ ਦੀ ਡਿਊਟੀ ਲਗਾ ਦਿੱਤੀ ਹੈ |ਨਾਨਕ ਪੁਰ ਜੋ ਕੁਝ ਦਿਨਾਂ ਤੋਂ ਕੁਝ ਜਰੂਰੀ ਰੁਝੇਵਿਆਂ ਕਰਕੇ ਕੈਨੇਡਾ ਗਏ ਹਨ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕੈਨੇਡਾ ਵਿੱਚ ਜਿਲ੍ਹਾ ਕਪੂਰਥਲਾ ਨਾਲ ਸੰਬਧਿਤ ਪੰਜਾਬੀ ਭਾਈਚਾਰੇ ਨੇ ਬਹੁਤ ਤਰੱਕੀ ਕੀਤੀ ਹੈ ਅਤੇ ਬਹੁਤ ਵੱਡੇ ਕਾਰੋਬਾਰਾਂ ਦੇ ਮਾਲਕ ਹਨ ਤੇ ਇਹ ਪੰਜਾਬ ਦੀ ਕਿਸੇ ਮੁਸੀਬਤ ਸਮੇਂ ਮਦਦ ਕਰਨ ਲਈ ਹਮੇਸ਼ਾਂ ਤਿਆਰ ਰਹਿੰਦੇ ਹਨ ਤੇ ਪਹਿਲਾਂ ਵੀ ਕਈ ਵਾਰ ਲੋੜਵੰਦ ਵਿਅਕਤੀਆਂ ਦੀ ਮੱਦਦ ਕਰ ਚੁੱਕੇ ਹਨ |ਇਸ ਮੌਕੇ ਤੇ ਯਾਦਪਾਲ ਸਿੰਘ ਘੁੰਮਣ ਅਤੇ ਉਹਨਾਂ ਦੇ ਸਾਥੀਆਂ ਵਲੋਂ ਸੁਖਦੇਵ ਸਿੰਘ ਨਾਨਕ ਪੁਰ ਦੇ ਸਵਾਗਤ ਵਿੱਚ ਰਾਤਰੀ ਭੋਜ ਦਾ ਆਯੋਜਨ ਵੀ ਕੀਤਾ ਗਿਆ |ਸੁਖਦੇਵ ਸਿੰਘ ਨਾਨਕ ਪੁਰ ਨੇ ਪੰਜਾਬੀ ਭਾਈਚਾਰੇ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਸਾਨੂੰ ਆਪਣੇ ਇਹਨਾਂ ਵੀਰਾਂ ਤੇ ਵੱਡਾ ਮਾਣ ਹੈ |ਇਸ ਮੌਕੇ ਤੇ ਆਈ ਵਿਊ ਫੈਨੈਂਸੀਅਲ ਸਰਵਿਸਿਜ਼ ਦੇ ਮਾਲਕ ਯਾਦਪਾਲ ਸਿੰਘ ਘੁੰਮਣ,ਡੈਂਟਿਸਟ ਡਾਕਟਰ ਜਸਪਾਲ ਸਿੰਘ ਭੰਡਾਲ,ਉੱਘੇ ਕਾਰੋਬਾਰੀ ਗੁਰਬੀਰ ਸਿੰਘ ਚਾਹਲ,ਉੱਘੇ ਟਰਾਂਸਪੋਰਟਰ ਲਾਲੀ ਸ਼ਾਹੀ,ਹਰਪ੍ਰੀਤ ਸਿੰਘ,ਸਰਤਾਜ਼ ਸਿੰਘ ਬਾਜਵਾ,ਸੁਖਬੀਰ ਸਿੰਘ ਨਾਨਕ ਪੁਰ,ਉੱਘੇ ਰੀਏਲਟਰ ਕਿੰਗ ਵਾਲੀਆ,ਇਮੀਗ੍ਰੇਸ਼ਨ ਸਲਾਹਕਾਰ ਮਨਜੀਤ ਸਿੰਘ ਬੀਰ,ਠਾਣੇਦਾਰ ਸੰਗੋਜਲਾ,ਹਾਜ਼ਰ ਸਨ |
