ਬਾਗੜੀ ਭਾਈਚਾਰਾ ਦੇ ਸੈਂਕੜੇ ਮੁਲਾਜ਼ਮਾਂ ਨੇ ਆਰ.ਸੀ.ਐਫ ਇੰਪਲਾਈਜ਼ ਯੂਨੀਅਨ ਨੂੰ ਦਿੱਤਾ ਸਮਰਥਨ

ਕਪੂਰਥਲਾ, 10 ਨਵੰਬਰ (ਕੌੜਾ)- ਬਾਗੜੀ ਭਾਈਚਾਰਾ ਇਕਜੁੱਟ ਹੋ ਕੇ ਆਰਸੀਐਫ ਕਪੂਰਥਲਾ ਵਿੱਚ 4 ਦਸੰਬਰ ਨੂੰ ਹੋਣ ਵਾਲੀਆਂ ਯੂਨੀਅਨ ਮਾਨਤਾ ਚੋਣਾਂ ਵਿੱਚ ਆਰ.ਸੀ.ਐਫ ਇਪਲਾਈਜ਼ ਯੂਨੀਅਨ ਨੂੰ ਆਪਣਾ ਸਮਰਥਨ ਦੇਣ ਦਾ ਐਲਾਨ ਕੀਤਾ। ਮੀਟਿੰਗ ਵਿੱਚ ਹਾਜ਼ਰ ਸਮੂਹ ਮੁਲਾਜ਼ਮਾਂ ਨੇ ਇੱਕਜੁੱਟ ਹੋ ਕੇ ਕਿਹਾ ਕਿ ਆਰ ਸੀ ਐਫ ਦੇ ਇਤਿਹਾਸ ਵਿੱਚ ਜੇਕਰ ਕਿਸੇ ਯੂਨੀਅਨ ਨੇ ਮੁਲਾਜ਼ਮਾਂ ਦੇ ਹਿੱਤਾ ਅਤੇ ਫੈਕਟਰੀ ਦੀ ਤਰੱਕੀ ਲਈ ਜ਼ੋਰਦਾਰ ਲੜਾਈ ਲੜੀ ਹੈ ਤਾਂ ਉਹ ਆਰ.ਸੀ.ਐਫ ਇੰਪਲਾਈਜ਼ ਯੂਨੀਅਨ ਹੈ। ਜਿਕਰਯੋਗ ਹੈ ਕਿ ਪੂਰੇ ਭਾਰਤੀ ਰੇਲਵੇ ਵਿੱਚ ਯੂਨੀਅਨ ਮਾਨਤਾ ਦੀਆਂ ਚੋਣਾਂ ਹੋਣ ਜਾ ਰਹੀਆਂ ਹਨ, ਆਰ.ਸੀ.ਐਫ ਵਿੱਚ 4 ਦਸੰਬਰ ਨੂੰ ਹੋਣ ਵਾਲੀਆਂ ਚੋਣਾਂ ਵਿੱਚ ਆਰ.ਸੀ.ਐਫ ਦੇ ਸਮੂਹ ਕਰਮਚਾਰੀਆਂ ਨੇ ਇੱਕਜੁੱਟ ਹੋ ਕੇ ਵੱਡੇ ਬਹੁਮਤ ਦੇ ਨਾਲ ਆਰ.ਸੀ.ਐਫ ਇੰਪਲਾਈਜ਼ ਯੂਨੀਅਨ ਨੂੰ ਜਿਤਾਉਣ ਦਾ ਮਨ ਬਣਾ ਲਿਆ च। ਬਾਗੜੀ ਭਾਈਚਾਰਾ ਦੇ ਸੈਂਕੜੇ ਮੁਲਾਜ਼ਮਾਂ ਨੇ ਸੀਨੀਅਰ ਮੁਲਾਜ਼ਮ ਆਗੂ ਧਰਮਿੰਦਰ ਸ਼ਰਮਾ ਦੀ ਅਗਵਾਈ ਹੇਠ ਮੀਟਿੰਗ ਕਰਕੇ ਐਲਾਨ ਕੀਤਾ ਕਿ ਕੋਈ ਵੀ ਆਰਸੀਫ ਦਾ ਕਰਮਚਾਰੀ ਕਿਸੇ ਵੀ ਮੌਕਾਸਤ ਯੂਨੀਅਨ ਵੱਲੋਂ ਕਿਸੇ ਵੀ ਤਰ੍ਹਾਂ ਦੇ ਗੁੰਮਰਾਹ ਨਹੀਂ ਹੋਣ ਦਿੱਤਾ ਜਾਵੇਗਾ, ਕਿਉਂਕਿ ਰੇਲਵੇ ਵੱਲੋਂ ਮੁਲਾਜ਼ਮ ਤੇ ਦੇਸ਼-ਵਿਰੋਧੀ ਨੀਤੀਆਂ ਨੂੰ ਲਾਗੂ ਕਰਨ ਲਈ ਭਾਰਤ ਸਰਕਾਰ ਦੇ ਨਾਲ ਮਿਲ ਕੇ ਰੇਲਵੇ ਦੀਆਂ ਦੇਵੇ ਮਾਨਤਾ ਪ੍ਰਾਪਤ ਫੈਡਰੇਸ਼ਨਾਂ ਨੇ ਇਕ ਸਮਝੌਤੇ ‘ਤੇ ਹਸਤਾਖਰ ਕੀਤੇ ਹਨ, ਜਿਸ ਦੇ ਤਹਿਤ ਸੈਂਕੜੇ ਕੰਮ ਜਿਵੇਂ ਕਿ ਰੇਲਵੇ ਸਟੇਸ਼ਨ, ਰੇਲਵੇ ਫੈਕਟਰੀਆਂ, ਰੇਲ ਗੱਡੀਆਂ, ਕੇਟਰਿੰਗ ਸੇਵਾਵਾਂ, ਟਿਕਟਾਂ ਦੀ ਵਿਕਰੀ, ਟਿਕਟਾਂ ਦੀ ਜਾਂਚ, ਸਫਾਈ, ਡੋਰਮਿਟਰੀ, ਰੋਸਟਰੂਮ ਆਦਿ ਨੂੰ ਆਊਟਸੋਰਸ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਰੇਲ ਕੋਚ ਫੈਕਟਰੀ ਸਮੁੱਚੇ ਰੇਲਵੇ ਦਾ ਸਵਰਗ ਕਿਹਾ ਜਾਂਦਾ ਕਿਉਂਕਿ ਇੱਥੋਂ ਦੀ ਸੰਘਰਸ਼ਸ਼ੀਲ ਆਰਸੀਐਫ ਇੰਪਲਾਈਜ ਯੂਨੀਅਨ ਨੇ ਵੱਡੀਆਂ ਕੁਰਬਾਨੀਆਂ ਕਰਕੇ ਫੈਕਟਰੀ ਦੇ ਉੱਜਵਲ ਭਵਿੱਖ ਲਈ ਕੰਮ ਕੀਤਾ ਹੈ।

ਮੀਟਿੰਗ ਵਿੱਚ ਹਾਜ਼ਰ ਸੀਨੀਅਰ ਕਰਮਚਾਰੀ ਸੂਰਜ ਭਾਨ ਨੇ ਕਿਹਾ ਕਿ ਸਾਨੂੰ ਬਹੁਤ ਮਾਣ ਹੈ ਕਿ ਆਰਸੀਐਫ ਇੰਪਲਾਈਜ ਯੂਨੀਅਨ ਨੇ ਹਮੇਸ਼ਾ ਹੀ ਮੁਲਾਜ਼ਮਾਂ ਦੇ ਹੱਕਾ ਲਈ ਲੜਾਈ ਲੜੀ ਹੈ। ਪਿਛਲੇ ਸਾਲਾਂ ਵਿੱਚ ਆਰਸੀਐਫ ਵਿੱਚ 300 ਤੋਂ 400 ਦੇ ਕਰੀਬ ਮੁਲਾਜ਼ਮ ਭਰਤੀ ਕੀਤੇ ਗਏ ਹਨ, ਜਿਸ ਵਿੱਚ ਆਰਸੀਐਫ ਇੰਪਲਾਈਜ ਯੂਨੀਅਨ ਦਾ ਵੱਡਾ ਅਤੇ ਅਹਿਮ ਯੋਗਦਾਨ ਹੈ। ਉਨ੍ਹਾਂ ਕਿਹਾ ਕਿ ਸਟਾਫ ਕੋਂਸਲ ਦੇ ਸਮੇਂ ਦੌਰਾਨ ਜਿਸ ਤਰ੍ਹਾਂ ਭਾਰਤ ਸਰਕਾਰ ਦੀਆਂ ਨੀਤੀਆਂ ਖ਼ਿਲਾਫ਼ ਸੰਘਰਸ਼ ਜਾਂ ਮੁਲਾਜ਼ਮਾਂ ਦੇ ਹਿੱਤਾ ਲਈ ਕੰਮ ਕੀਤਾ ਗਿਆ ਸੀ, ਉਸ ਨੂੰ ਦੇਖਦਿਆਂ ਸਮੇਂ ਦੀ ਲੋੜ ਹੈ ਕਿ ਇਕ ਅਦਾਰਾ- ਇਕ ਯੂਨੀਅਨ ਦੀ ਚੋਣ ਕੀਤੀ ਜਾਵੇਗੀ। ਬਾਗੜੀ ਭਾਈਚਾਰਾ ਦੇ ਸੀਨੀਅਰ ਸਾਥੀ ਮਹਿੰਦਰ ਕੁਮਾਰ ਨੇ ਕਿਹਾ ਕਿ ਮੁਲਾਜ਼ਮ ਹੁਣ ਕਿਸੇ ਤੋਂ ਵੀ ਗੁੰਮਰਾਹ ਨਹੀਂ ਹੋਣਗੇ ਕਿਉਂਕਿ ਜਿਵੇਂ- ਜਿਵੇਂ ਮਾਨਤਾ ਚੋਣਾਂ ਨੇੜੇ ਆ ਰਹੀਆਂ ਹਨ, ਲੋਕਾਂ ਨੂੰ ਕੇਵਲ ਚੋਣਾਂ ਵਿਚ ਚਮਕਣ ਵਾਲੇ ਚਿਹਰੇ ਹੀ ਨਜ਼ਰ ਆ ਰਹੇ ਹਨ, ਪਰ ਮੁਲਾਜ਼ਮ ਜਾਗਰੂਕ ਅਤੇ ਸੂਝਵਾਨ ਹਨ ਉਹ ਜਾਣਦਾ ਹੈ ਕਿ ਮੀਂਹ ਦੇ ਡੱਡੂਆਂ ਵਾਂਗ ਚਮਕਣ ਵਾਲੀਆਂ ਸੰਸਥਾਵਾਂ ਨੂੰ ਵੋਟ ਦੇਣ ਨਾਲ ਮੁਲਾਜ਼ਮਾਂ ਦਾ ਭਵਿੱਖ ਅਤੇ ਫੈਕਟਰੀ ਦੀ ਤਰੱਕੀ ਨਹੀਂ ਹੋਵੇਗੀ ਸਗੋਂ ਉਹ ਬਾਕੀ ਰੇਲਵੇ ਦੀ ਤਰ੍ਹਾਂ ਕਾਰਖਾਨ ਦਾ ਵੀ ਵਿਨਾਸ਼ ਕਰ ਦੇਣਗੇ। ਨੌਜਵਾਨ ਮੁਲਾਜ਼ਮ ਕਰਨ ਕੁਮਾਰ ਨੇ ਦੱਸਿਆ ਕਿ ਆਰ.ਸੀ.ਐਫ. ਕਪੂਰਥਲਾ ਵਿਖੇ ਇੰਡੀਅਨ ਰੇਲਵੇ ਇੰਪਲਾਈਜ਼ ਫੈਡਰੇਸ਼ਨ ਦੀ ਅਗਵਾਈ ਹੇਠ ਆਰ.ਸੀ.ਐਫ. ਇੰਪਲਾਈਜ਼ ਯੂਨੀਅਨ ਵੱਲੋਂ ਰੇਲਵੇ ਵਿੱਚ ਐਨ.ਪੀ.ਐਸ. ਵਿਰੁੱਧ ਮੋਰਚਾ ਅਤੇ ਪੁਰਾਣੀ ਪੈਨਸ਼ਨ ਸਕੀਮ ਲਈ ਨੈਸ਼ਨਲ ਮੁਵਮੈਂਟ ਵੱਲੋਂ ਮੁਲਾਜ਼ਮਾਂ ਦੇ ਹਿੱਤਾਂ ਵਿੱਚ ਵੱਡਾ ਸੰਘਰਸ਼ ਵਿੱਦਿਆ ਗਿਆ ਹੈ, ਉਨ੍ਹਾਂ ਦੀਆਂ ਕੁਰਬਾਨੀਆਂ ਨੂੰ ਕਦੇ ਵੀ ਭੁਲਾਇਆ ਨਹੀਂ ਜਾ ਸਕਦਾ। ਰੋਲ ਕੱਚ ਫੈਕਟਰੀ ਦਾ ਹਰ ਮੁਲਾਜ਼ਮ ਆਰਸੀਐਫ ਇੰਪਲਾਈਜ਼ ਯੂਨੀਅਨ ਵੱਲੋਂ ਆਉਟਸੋਰਸਿੰਗ, ਐਨ.ਪੀ.ਐਸ., ਕਰਮਚਾਰੀਆਂ ਨੂੰ ਇੰਸੈਟਿਵ ਗਰੁੱਪ ਵਿੱਚ ਭੇਜਣ, ਮਾਲ ਦੀ ਘਟੀਆ ਕੁਆਲਿਟੀ, ਰਿਆਇਤਾਂ ਨੂੰ ਬਰਕਰਾਰ ਰੱਖਣ, ਹਸਪਤਾਲਾਂ ਵਿੱਚ ਡਾਕਟਰਾਂ ਦੀ ਨਿਯੁਕਤੀ ਆਦੀ ਲਈ ਕਿਤੇ ਸੰਘਰਸ਼ ਲਈ ਹਮੇਸ਼ਾ ਰਿਣੀ ਰਹੇਗਾ। ਆਰ ਸੀ.ਐਫ ਇੰਪਲਾਈਜ਼ ਯੂਨੀਅਨ ਦੇ ਜਥੇਬੰਦਕ ਸਕੱਤਰ ਭਰਤ ਰਾਜ ਨੇ ਕਿਹਾ ਕਿ ਬਾਗੜੀ ਭਾਈਚਾਰਾ ਯੂਨੀਅਨ ਵੱਲੋਂ ਕੀਤੇ ਗਏ ਸੰਘਰਸ਼ਾਂ ਵਿੱਚ ਹਮੇਸ਼ਾ ਮੋਹਰੀ ਰਿਹਾ ਹੈ ਅਤੇ ਜਥੇਬੰਦੀ ਨੇ ਹੱਕਾ ਅਤੇ ਹੱਕਾਂ ਦੀ ਰਾਖੀ ਲਈ ਆਪਣੀ ਸਮਰੱਥਾ ਅਨੁਸਾਰ ਸੰਘਰਸ਼ ਕਰਨ ਅਤੇ ਯਤਨ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਰੇਲ ਕੋਚ ਫੈਕਟਰੀ ਦੇ ਹਰ ਕਰਮਚਾਰੀ ਨੂੰ ਜਾਗਰੂਕ ਕਰਦੇ ਹੋਏ ਆਰਸੀਐਫ ਇਮਪਲਾਈ ਯੂਨੀਅਨ ਨੂੰ ਵੱਧ ਤੋਂ ਵੱਧ ਵੋਟਾਂ ਦੇ ਨਾਲ ਜਿਤਾਉਣ ਲਈ ਬੇਨਤੀ ਕੀਤੀ ਜਾ ਰਹੀ ਆਰਸੀਐਵ ਇਮਪਲਾਈ ਯੂਨੀਅਨ ਨੂੰ ਇਕਜੁੱਟ ਦੇ ਨਾਲ ਵੋਟ ਪਾਉਣ ਲਈ ਮੀਟਿੰਗ ਨੂੰ ਸਫਲ ਬਣਾਉਂਦੇ ਹੋਏ ਬ੍ਰਹਮਦੇਵ, ਮਨੋਹਰ ਲਾਲ, ਭਰਤ ਲਾਲ ਸਲੇਰੀਆ, ਕਾਮਰੇਡ ਰਾਜਿੰਦਰ ਕੁਮਾਰ, ਸੰਦੀਪ ਕੁਮਾਰ, ਅਨਿਲ ਕੁਮਾਰ, ਸੰਜੋ ਕੁਮਾਰ ਜਿਆਣੀ, ਮੁਕੇਸ਼ ਕੁਮਾਰ, ਬਲਰਾਮ ਟਾਕ, ਓਮ ਪ੍ਰਕਾਸ਼, ਉਮੇਦ ਸਿੰਘ ਭਾਟੀ, ਸੰਜੇ ਕੁਮਾਰ ਬਾਜੀਤਪੁਰ, ਯੋਗਰਾਜ, ਨਵਦੀਪ ਕੁਮਾਰ, ਸਤੇਂਦਰ ਪਾਲ, ਸੁਰਿੰਦਰ ਕੁਮਾਰ ਗੁਰੀਆ, ਮਦਨਲਾਲ, ਪ੍ਰੀਤਮ ਕੁਮਾਰ, ਸੁਧੀਰ ਸਵਾਮੀ, ਪ੍ਰਦੀਪ ਫੌਜੀ, ਇੰਦਰਜੀਤ ਕੰਧਵਾਲਾ, ਮਹਿੰਦਰ, ਨਵੀਨ ਕੁਮਾਰ, ਮਨੋਜ ਕੁਮਾਰ, ਸ਼ੰਕਰ ਲਾਲ ਰਾਜਸਥਾਨੀ, ਮਨੋਜ ਕੁਮਾਰ ਕਲਰਕ ਆਦਿ ਨੇ ਆਪਣਾ ਵੱਡਾ ਯੋਗਦਾਨ ਪਾਇਆ।