Manpreet Singh
ਜੈਤੋ, 9 ਅਗਸਤ (ਮਨਜੀਤ ਸਿੰਘ ਢੱਲਾ)- ਲਾਇਨ ਕਲੱਬ ਜੈਤੋ ਗੰਗਸਰ ਵੱਲੋਂ ਚੇਅਰਮੈਨ ਰਾਕੇਸ਼ ਰੋਮਾਣਾ ਅਤੇ ਪ੍ਰਧਾਨ ਪ੍ਰਦੀਪ ਸਿੰਗਲਾ ਦੀ ਅਗਵਾਈ ਹੇਠ ਲਾਇਨ ਮਹਿਲਾ ਪਰਿਵਾਰ ਜੈਤੋ ਦੇ ਸਹਿਯੋਗ ਨਾਲ ‘ਤੀਜ ਮਹੋਤਸਵ’ ਧੂਮਧਾਮ ਅਤੇ ਉਤਸ਼ਾਹ ਨਾਲ ਕਰਵਾਇਆ ਗਿਆ। ਸਮਾਗਮ ਵਿੱਚ ਕਲੱਬ ਮੈਂਬਰਾਂ, ਮਹਿਲਾਵਾਂ ਅਤੇ ਵੱਖ-ਵੱਖ ਪਰਿਵਾਰਾਂ ਨੇ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕਰਕੇ ਤੀਜ ਦੇ ਰਵਾਇਤੀ ਰੰਗਾਂ ਨੂੰ ਜੀਵੰਤ ਕੀਤਾ।ਕਲੱਬ ਦੇ ਪੀਆਰਓ ਸੰਜੀਵ ਸ਼ਰਮਾ ‘ਟੀਨੂ’ ਅਤੇ ਸਕੱਤਰ ਮੰਨੂ ਵਰਮਾ ਨੇ ਦੱਸਿਆ ਕਿ ਮਹੋਤਸਵ ਦੌਰਾਨ ਰਵਾਇਤੀ ਤੀਜ ਸੱਭਿਆਚਾਰ, ਮਨੋਰੰਜਕ ਖੇਡਾਂ, ਝੂਲਾ, ਸੈਲਫੀ ਪੁਆਇੰਟ, ਸੁਆਦਲੇ ਪਕਵਾਨ ਅਤੇ ਹੋਰ ਸੱਭਿਆਚਾਰਕ ਗਤੀਵਿਧੀਆਂ ਖਿੱਚ ਦਾ ਕੇਂਦਰ ਰਹੀਆਂ। ਮਹਿਲਾਵਾਂ ਅਤੇ ਪਰਿਵਾਰਾਂ ਨੇ ਪੂਰੇ ਉਤਸ਼ਾਹ ਨਾਲ ਭਾਗ ਲੈਂਦਿਆਂ ਇਸ ਮਹੋਤਸਵ ਨੂੰ ਯਾਦਗਾਰ ਬਣਾਇਆ।ਪ੍ਰੋਜੈਕਟ ਚੇਅਰਮੈਨ ਜੀਵਨ ਗਰਗ ਅਤੇ ਸਹਿ-ਚੇਅਰਮੈਨ ਦਿਨੇਸ਼ ਗੋਇਲ ਤੇ ਪੰਕਜ ਸ਼ਰਮਾ ਨੇ ਕਿਹਾ ਕਿ ਸਾਂਝੇ ਸਹਿਯੋਗ ਨਾਲ ਕਰਵਾਇਆ ਗਿਆ ਇਹ ਸਮਾਗਮ ਰਵਾਇਤੀ ਵਿਰਸੇ, ਮਨੋਰੰਜਨ, ਪਰਿਵਾਰਕ ਮਿਲਾਪ ਅਤੇ ਆਪਸੀ ਪਿਆਰ ਦਾ ਸੁੰਦਰ ਸੰਗਮ ਬਣਿਆ।ਇਸ ਮੌਕੇ ਪ੍ਰਧਾਨ ਪ੍ਰਦੀਪ ਸਿੰਗਲਾ ਅਤੇ ਚੇਅਰਮੈਨ ਰਾਕੇਸ਼ ਰੋਮਾਣਾ ਵੱਲੋਂ ਸਮਾਗਮ ਦੀ ਸਫਲਤਾ ਵਿੱਚ ਯੋਗਦਾਨ ਪਾਉਣ ਵਾਲੇ ਚਾਰੂ ਗੋਇਲ, ਸੁਸ਼ਮਾ ਸ਼ਰਮਾ, ਕਸ਼ਿਸ਼ ਵਰਮਾ, ਮਨੀਸ਼ਾ ਗਰਗ, ਸ਼ੀਤਲ ਸਿੰਗਲਾ ਅਤੇ ਸਪਨਾ ਸਿੰਗਲਾ ਸਮੇਤ ਹੋਰ ਸਹਿਯੋਗੀਆਂ ਨੂੰ ਸਨਮਾਨਿਤ ਕੀਤਾ ਗਿਆ।ਪ੍ਰਧਾਨ ਪ੍ਰਦੀਪ ਸਿੰਗਲਾ ਨੇ ਕਿਹਾ ਕਿ ਅਜਿਹੇ ਸਮਾਗਮ ਸਿਰਫ਼ ਮਨੋਰੰਜਨ ਦਾ ਸਾਧਨ ਨਹੀਂ, ਸਗੋਂ ਨਵੀਂ ਪੀੜ੍ਹੀ ਨੂੰ ਆਪਣੀ ਅਮੀਰ ਸੱਭਿਆਚਾਰਕ ਵਿਰਾਸਤ ਨਾਲ ਜੋੜਨ ਦਾ ਪ੍ਰਭਾਵਸ਼ਾਲੀ ਮਾਧਿਅਮ ਵੀ ਹਨ। ਉਨ੍ਹਾਂ ਕਿਹਾ ਕਿ ਕਲੱਬ ਵੱਲੋਂ ਭਵਿੱਖ ਵਿੱਚ ਵੀ ਸਮਾਜਿਕ, ਸੱਭਿਆਚਾਰਕ ਅਤੇ ਪਰਿਵਾਰਕ ਸਾਂਝ ਨੂੰ ਮਜ਼ਬੂਤ ਕਰਨ ਵਾਲੇ ਅਜਿਹੇ ਸਮਾਗਮ ਕਰਵਾਏ ਜਾਂਦੇ ਰਹਿਣਗੇ।ਇਸ ਮੌਕੇ ਰਾਕੇਸ਼ ਰੋਮਾਣਾ, ਪ੍ਰਦੀਪ ਸਿੰਗਲਾ, ਮੰਨੂ ਵਰਮਾ, ਜੀਵਨ ਗਰਗ, ਸੰਜੀਵ ਸ਼ਰਮਾ, ਸ਼ਿਵ ਬਾਂਸਲ, ਧਰਮਪਾਲ ਸਿੰਗਲਾ, ਨਰੇਸ਼ ਮਿੱਤਲ, ਦਿਨੇਸ਼ ਗੋਇਲ, ਮਨੀਸ਼ ਗਰਗ, ਪੰਕਜ ਸ਼ਰਮਾ, ਨਰੇਸ਼ ਗਰਗ ਅਤੇ ਰਾਜੇਸ਼ ਜਿੰਦਲ ਸਮੇਤ ਕਲੱਬ ਦੇ ਹੋਰ ਮੈਂਬਰ ਹਾਜ਼ਰ ਸਨ।
