ਸਮਾਰਟ ਸਕੂਲ ਦੁਆਰੇਆਣੇ ਦੇ ਸਲਾਨਾ ਸਮਾਗਮ ਨੇ ਪਾਈਆਂ ਧੁੰਮਾਂ, ਸਰੋਤਿਆਂ ਦੀਆਂ ਤਾੜੀਆਂ ਨੇ ਗੂੰਜਣ ਲਾਇਆ ਪੰਡਾਲ

ਫ਼ਰੀਦਕੋਟ, 3 ਅਪ੍ਰੈਲ (ਵਿਪਨ ਮਿੱਤਲ)-ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਦੁਆਰੇਆਣਾ ਵਿਖੇ ਸਲਾਨਾ ਸਮਾਗਮ ਉਤਸ਼ਾਹ ਨਾਲ਼ ਮਨਾਇਆ ਗਿਆ। ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸ੍ਰੀਮਤੀ ਅੰਜਨਾ ਕੌਸ਼ਲ ਨੇ ਸ਼ਿਰਕਤ ਕੀਤੀ। ਪ੍ਰਧਾਨਗੀ ਮੰਡਲ ਵਿੱਚ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਜਸਕਰਨ ਸਿੰਘ ਰੋਮਾਣਾ,ਪਿ੍ਰੰਸੀਪਲ ਰਜਿੰਦਰ ਕੁਮਾਰ,ਸੀ.ਐੱਚ.ਟੀ ਸੁਖਵਿੰਦਰ ਸਿੰਘ ਸਹੋਤਾ, ਡੀ.ਆਰ.ਸੀ ਵਕੀਲ ਸਿੰਘ, ਸਰਪੰਚ ਦੁਆਰੇਆਣਾ ਕੁਲਵਿੰਦਰ ਸਿੰਘ, ਪਰਗਟ ਸਿੰਘ ਚੇਅਰਮੈਨ ਸਕੂਲ ਪ੍ਰਬੰਧਕ ਕਮੇਟੀ ਸ਼ਾਮਲ ਹੋਏ। ਸਮਾਗਮ ਦਾ ਆਗਾਜ਼ ਨਰਸਰੀ ਅਤੇ ਯੂ.ਕੇ.ਜੀ ਕਲਾਸ ਦੇ ਬੱਚਿਆਂ ਨੇ ਉਠਾਓ ਬਸਤਾ, ਤਿਤਲੀ ਉੜੀ ਅਤੇ ਲਕੜੀ ਕੀ ਕਾਠੀ ਗੀਤ ਤੇ ਕੋਰੀਓਗ੍ਰਾਫੀ ਪੇਸ਼ ਕਰਕੇ ਕੀਤਾ।ਰਹਿਮਤ ਸਿੰਘ ਅਤੇ ਸਾਥੀਆਂ ਨੇ ‘ਦਿਲ ਹੈ ਹਿੰਦੁਸਤਾਨੀ’ ਕੋਰੀਓਗ੍ਰਾਫੀ ਪੇਸ਼ ਕੀਤੀ। ਏਂਜਲਪ੍ਰੀਤ ਕੌਰ ਅਤੇ ਸਾਥੀਆਂ ਨੇ ‘ਮਘਦਾ ਰਹੀਂ ਵੇ ਸੂਰਜਾ’ ਕੋਰੀਓਗ੍ਰਾਫੀ ਰਾਹੀਂ ਭਾਵਪੂਰਤ ਹਾਜ਼ਰੀ ਲਵਾਈ।ਚੌਥੀ ਜਮਾਤ ਦੇ ਅਰਮਾਨ ਕੁਮਾਰ ਅਤੇ ਅਰਮਾਨ ਸਿੰਘ ਨੇ ‘ਸਕੈਲਟਨ ਸਿਸਟਮ’ਅਤੇ ਅਨਮੋਲ ਕੁਮਾਰ ਨੇ ‘ਡੈਨਚਰ’ਬਾਰੇ ਜਾਣਕਾਰੀ ਸਾਂਝੀ ਕਰਕੇ ਸਭ ਨੂੰ ਅਚੰਭਤ ਕਰ ਦਿੱਤਾ।ਏਕਮਨੂਰ ਕੌਰ ਨੇ ਵੋਮੈਨ ਐਮਪਾਵਰਮੇਂਟ ਦਾ ਸੁਨੇਹਾ ਦਿੰਦੀ ਮਾਈਮ ਐਕਟਿੰਗ ਪੇਸ਼ ਕੀਤੀ। ਵਹਿਮਾਂ ਭਰਮਾਂ ਤੋਂ ਦੂਰ ਕਰਨ ਲਈ ਪੇਸ਼ ਕੀਤੀ ਸਕਿੱਟ ‘ਪਖੰਡੀ ਸਾਧੂ’ ਨੇ ਸਮਾਜ ਨੂੰ ਜਾਦੂ-ਟੂਟਿਆਂ ਤੋਂ ਪਾਸੇ ਰਹਿਣ ਦਾ ਸੁਨੇਹਾ ਦਿੱਤਾ। ਏਕਮਜੀਤ ਸਿੰਘ ਤੇ ਸਾਥੀਆਂ ਨੇ ਜਫ਼ਰਨਾਮਾ ਪੇਸ਼ ਕਰਕੇ ਵਾਹ-ਵਾਹ ਖੱਟੀ। ਮੋਬਾਈਲ ਦੀ ਵਰਤੋਂ ਸੰਕੋਚ ਨਾਲ ਕਰਨ ਲਈ ਖੇਡੇ ਨੁੱਕੜ ਨਾਟਕ ‘ਮੋਬਾਈਲ’ ਨੇ ਸਰੋਤਿਆਂ ਨੂੰ ਦਾਦ ਦੇਣ ਲਈ ਮਜ਼ਬੂਰ ਕੀਤਾ। ਰਾਸ਼ਟਰੀ ਏਕਤਾ ਨੂੰ ਦਰਸਾਉਂਦੀ ਗੁਰਨੀਲ ਸਿੰਘ ਅਤੇ ਸਾਥੀਆਂ ਦੀ ਪੇਸ਼ਕਾਰੀ ਨੇ ਸਭ ਨੂੰ ਮਿਲ ਕੇ ਰਹਿਣ ਦਾ ਸੁਨੇਹਾ ਦਿੱਤਾ। ਖੁਸ਼ਵੀਰ ਕੌਰ ਨੇ ‘ਵਣਜਾਰਨ ਕੁੜੀਏ’, ਸੁਖਮਨ ਕੌਰ ਅਤੇ ਸਾਥਣਾ ਨੇ ‘ਗੱਡੇ ‘ਤੇ ਪੰਜਾਬ ਘੁਮਾ ਦੇ ਹਾਣੀਆਂ’ ਗੀਤਾਂ ਤੇ ਨਾਚ ਪੇਸ਼ ਕੀਤਾ। ਪਰਵੀਨ ਕੌਰ ਅਤੇ ਸਾਥੀਆਂ ਨੇ ਨਸ਼ਿਆਂ ਤੋਂ ਦੂਰ ਰਹਿਣ ਦਾ ਸੁਨੇਹਾ ਦਿੰਦੀ ਕੋਰੀਓਗ੍ਰਾਫੀ ਨਾਲ ਨਸੀਆਂ ਤੋਂ ਦੂਰ ਰਹਿਣ ਦਾ ਦੇਸ਼ ਦਿੱਤਾ। ਸਹਿਜਪ੍ਰੀਤ ਅਤੇ ਸਾਥਣਾ ਨੇ ਸੰਗੀਤਕ ਛੋਹਾਂ ‘ਤੇ ‘ਸੂਹੇ ਵੇ ਚੀਰੇ ਵਾਲਿਆ’ ਅਤੇ ਰਾਜਵੀਰ ਕੌਰ ਨੇ ‘ਚਰਖਾ ਚੰਨਣ ਦਾ’ ਗੀਤ ਪੇਸ਼ ਕੀਤਾ। ਸੁਖਮਨ ਕੌਰ ਨੇ ‘ਬਾਜਰੇ ਦਾ ਸਿੱਟਾ’ ਅਤੇ ਜਸ਼ਨਵੀਰ ਅਤੇ ਸਾਥਣਾ ਨੇ ‘ਚੰਨ ਵੇ ਸ਼ੌਂਕਣ ਮੇਲੇ ਦੀ’ ਗੀਤ ਰਾਹੀਂ ਭਰਵੀਂ ਹਾਜਰੀ ਲਵਾਈ। ਗਿੱਧੇ ਦੀ ਪੇਸ਼ਕਾਰੀਨੇ ਸਰੋਤਿਆਂ ਨੂੰ ਦਾਦ ਦੇਣ ਲਈ ਵਾਰ-ਵਾਰ ਮਜ਼ਬੂਰ ਕੀਤਾ। ਸਕੂਲ ਮੁਖੀ ਮਨਦੀਪ ਸਿੰਘ ਢਿੱਲੋਂ ਨੇ ਸਕੂਲ ਦੀ ਸਲਾਨਾ ਰਿਪੋਰਟ ਪੇਸ਼ ਕੀਤੀ। ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਜਸਕਰਨ ਸਿੰਘ ਨੇ ਸਕੂਲ ਸਟਾਫ਼ਮਨਦੀਪ ਸਿੰਘ, ਪਰਮਜੀਤ ਕੌਰ, ਸਤਵਿੰਦਰ ਸਿੰਘ, ਗੁਰਮੀਤ ਸਿੰਘ, ਗੁਰਬਰਿੰਦਰ ਕੌਰ, ਗੁਰਪ੍ਰੀਤ ਕੌਰ, ਅਮਨਦੀਪ ਕੌਰ ਅਤੇ ਮੋਹਨ ਲਾਲ ਵੱਲੋਂ ਬੱਚਿਆਂ ਦੇ ਚੌਮੁਖੀ ਵਿਕਾਸ ਲਈ ਕੀਤੇ ਜਾਂਦੇ ਉਪਰਾਲਿਆਂ ਦੀ ਭਰਪੂਰ ਪ੍ਰਸ਼ੰਸਾ ਕੀਤੀ । ਜ਼ਿਲ੍ਹਾ ਸਿੱਖਿਆ ਸ੍ਰੀਮਤੀ ਅੰਜਨਾ ਕੌਸ਼ਲ ਨੇ ਸਕੂਲ ਵੱਲੋਂ ਆਯੋਜਿਤ ਸ਼ਾਨਦਾਰ ਸਮਾਗਮ ਦੀ ਮੁਬਾਰਕਬਾਦ ਦਿੰਦਿਆਂ ਮਾਪਿਆਂ ਨੂੰ ਆਪਣੇ ਬੱਚਿਆਂ ਨੁੰ ਸਰਕਾਰੀ ਸਕੂਲ ਵਿੱਚ ਦਾਖਲ ਕਰਾਉਣ ਦੀ ਅਪੀਲ ਕੀਤੀ।ਸਮਾਗਮ ਦਾ ਮੰਚ ਸੰਚਾਲਨ ਪਰਮਜੀਤ ਕੌਰ ਸਰ੍ਹਾਂ ਨੇ ਸ਼ਾਇਰਾਨਾ ਅੰਦਾਜ਼ ਵਿੱਚ ਕੀਤਾ। ਇਸ ਮੌਕੇ ਸਕੂਲ ਪ੍ਰਬੰਧਕ ਕਮੇਟੀ ਦੇ ਮੈਂਬਰ, ਵੱਡੀ ਗਿਣਤੀ ਵਿੱਚ ਬੱਚਿਆਂ ਦੇ ਮਾਪੇ ਹਾਜ਼ਰ ਸੀ।