ਚੌਥੇ ਬਜਟ ਵਿੱਚ ਵੀ ਮਾਨ ਸਰਕਾਰ ਨੇ ਦਿਵਿਆਂਗਾਂ ਨਾਲ ਕੀਤਾ ਵਿਤਕਰਾ

ਘਨੌਰ 27 ਮਾਰਚ (ਅਭਿਸ਼ੇਕ ਸੂਦ) : ਸੰਯੁਕਤ ਦਿਵਿਆਂਗ ਮੋਰਚੇ ਵਲੋਂ ਬੀਤੇ ਦਿਨ ਬਠਿੰਡਾ ਵਿਖੇ    ਸੰਘਰਸ਼ ਕੀਤਾ ਸੀ ਜਿਸ ਸਬੰਧੀ ਪ੍ਰਸ਼ਾਸਨ ਵਲੋਂ ਦਿਵਿਆਂਗਾਂ ਦੀਆਂ ਦੀ ਜਾਇਜ ਮੰਗਾਂ ਸਰਕਾਰ ਪਾਸ ਭੇਜਣ ਦਾ ਭਰੋਸਾ ਦਿੱਤਾ ਸੀ।ਇਸ ਸਬੰਧੀ ਮੋਰਚੇ ਦੇ ਆਗੂ ਓਮਕਾਰ ਸ਼ਰਮਾ ਸੋਗਲਪੁਰ ਨੇ ਕਿਹਾ ਕਿ ਪਿਛਲੇ ਚਾਰ ਸਾਲਾਂ ਵਿੱਚ ਪੰਜਾਬ ਸਰਕਾਰ ਦੇ   ਹਰੇਕ ਅਧਿਕਾਰੀ , ਮੰਤਰੀਆਂ, ਲੋਕ ਸਭਾ ਮੈਂਬਰਾਂ ਨੂੰ ਹਜਾਰਾਂ ਮੰਗ ਪੱਤਰ ਦੇਣ ਦੇ ਬਾਵਜੂਦ ਵੀ ਦਿਵਿਆਂਗਾਂ ਦੀ ਇਕ ਵੀ ਮੰਗ ਨੂੰ ਪੂਰਾ ਨਹੀਂ ਕੀਤਾ। ਇਸ ਬਜਟ ਵਿੱਚ ਵੀ ਦਿਵਿਆਂਗਾਂ ਨੂੰ ਰਾਹਤ ਤਾਂ ਕੀ ਦੇਣੀ  ਸੀ । ਇਸ ਬਜਟ ਦਿਵਿਆਂਗਾਂ ਦਾ ਜਿਕਰ ਤੱਕ ਨਹੀਂ ਕੀਤਾ ਗਿਆ। ਜਿਸ ਕਰਕੇ ਦਿਵਿਆਂਗਾਂ ਵਿੱਚ ਭਾਰੀ ਰੋਸ ਹੈ। ਇਸ ਸਬੰਧੀ ਦਿਵਿਆਂਗ ਆਗੂਆਂ ਨੇ ਕਿਹਾ ਕਿ ਸਾਨੂੰ  ਆਸ ਸੀ ਚੌਥੇ ਬਜਟ ਵਿੱਚ ਦਿਵਿਆਂਗਾਂ ਨੂੰ ਕੁਝ ਦਿੱਤਾ ਜਾਵੇਗਾ ਪਰੰਤੂ ਮਾਨ ਸਰਕਾਰ ਦਾ ਖਜਾਨਾ ਖਾਲੀ ਪੀਪਾ ਸਾਬਤ ਹੋਇਆ। ਦਿਵਿਆਂਗਾਂ ਨੂੰ ਰਾਹਤ ਨਾ ਦੇਣ ਦੇ ਰੋਸ ਵਜੋਂ ਜਲਦ ਹੀ ਪੰਜਾਬ ਭਰ ਵਿੱਚ ਹਮਖਿਆਲੀ ਜਥੇਬੰਦੀਆਂ ਦੇ ਸਹਿਯੋਗ ਨਾਲ ਤਿੱਖਾ ਸੰਘਰਸ਼ ਕੀਤਾ ਜਾਵੇਗਾ।