Manpreet Singh
ਅੰਮ੍ਰਿਤਸਰ( ) ਰਾਸ਼ਟਰੀ ਹਿੰਦੂ ਚੇਤਨਾ ਮੰਚ ਦੇ ਕੌਮੀ ਪ੍ਰਧਾਨ ਅਸ਼ੋਕ ਡਿੰਪੀ ਚੌਹਾਨ ਨੇ ਸੂਬਾ ਪ੍ਰਧਾਨ ਅਨੂਜ ਖੇਮਕਾ ਵੱਲੋਂ ਕਰਵਾਈ ਗਈ ਇਕ ਮੀਟਿੰਗ ਵਿੱਚ ਪੰਜਾਬ ਦੇ ਸਾਬਕਾ ਮੰਤਰੀ ਮਨੋਰੰਜਨ ਕਾਲੀਆ ਦੇ ਘਰ ਵਿੱਚ ਹੋਏ ਗਰਨੇਡ ਹਮਲੇ ਦੀ ਸਖਤ ਸ਼ਬਦਾਂ ਵਿੱਚ ਨਿੰਦਾ ਕਰਦਿਆਂ ਹੋਇਆ ਕਿਹਾ ਕੀ ਇਹ ਹਮਲਾ ਇੱਕ ਸੋਚੀ ਸਮਝੀ ਸਾਜਿਸ਼ ਦੇ ਤਹਿਤ ਕੀਤਾ ਗਿਆ ਹੈ। ਕੁਝ ਦੇਸ਼ ਵਿਰੋਧੀ ਤਾਕਤਾਂ ਪੰਜਾਬ ਦੇ ਸ਼ਾਂਤ ਮਾਹੌਲ ਨੂੰ ਖਰਾਬ ਕਰਨਾ ਚਾਹੁੰਦੀਆਂ ਹਨ। ਉਹਨਾਂ ਨੇ ਕਿਹਾ ਕਿ ਪੰਜਾਬ ਪੁਲਿਸ ਦੀ ਹੁਸ਼ਿਆਰੀ ਦੇ ਨਾਲ ਹਮਲਾ ਕਰਨ ਵਾਲੇ ਦੋਸ਼ੀਆਂ ਨੂੰ ਵੀ ਪੁਲਿਸ ਨੇ ਗਿਰਫਤਾਰ ਕਰ ਲਿਆ ਹੈ।ਪੰਜਾਬ ਵਿੱਚ ਹਿੰਦੂ ਸਿੱਖ ਏਕਤਾ ਮਜਬੂਤ ਹੈ ਇਹ ਕਦੇ ਵੀ ਨਹੀਂ ਟੁੱਟ ਸਕਦੀ। ਪੰਜਾਬ ਸਰਕਾਰ ਵੱਲੋਂ ਨਸ਼ਿਆਂ ਦੇ ਖਿਲਾਫ ਚਲਾਏ ਗਏ ਅਭਿਆਨ ਤੋ ਵੀ ਕੁਛ ਅਪਰਾਧੀ ਅਕਸ ਵਾਲੇ ਲੋਕ ਨਾਰਾਜ ਹਨ, ਜੋ ਇਸ ਤਰ੍ਹਾਂ ਦੀਆਂ ਦੇਸ਼ ਵਿਰੋਧੀ ਹਰਕਤਾ ਕਰ ਰਹੇ ਹਨ। ਸਰਕਾਰ ਸਖਤ ਕਦਮ ਉਠਾ ਕੇ ਗਰਨੇਡ ਹਮਲੇ ਕਰਨ ਵਾਲੇ ਦੇਸ਼ ਵਿਰੋਧੀ ਲੋਕਾਂ ਨੂੰ ਤੁਰੰਤ ਗਿਰਫਤਾਰ ਕਰਕੇ ਕੜੀ ਤੋਂ ਕੜੀ ਸਜ਼ਾ ਦੇਵੇ। ਡਿੰਪੀ ਚੌਹਾਨ ਨੇ ਕਿਹਾ ਕਿ ਪੰਜਾਬ ਦਾ ਗ੍ਰਹਿ ਮੰਤਰਾਲੇ ਹਲਕਾ ਉਤਰੀ ਦੇ ਵਿਧਾਇਕ,ਸਾਬਕਾ ਆਈ ਪੀ ਐਸ ਅਫਸਰ ਕੁੰਵਰ ਵਿਜੇ ਪ੍ਰਤਾਪ ਨੂੰ ਸੌਂਪ ਦਿੱਤਾ ਜਾਵੇ ਪੰਜਾਬ ਦੀ ਸੂਰਤ ਅਤੇ ਸੀਰਤ ਬਦਲ ਜਾਏਗੀ। ਕਿਉਂਕਿ ਕੁੰਵਰ ਵਿਜੇ ਪ੍ਰਤਾਪ ਇਕ ਇਮਾਨਦਾਰ ਪੁਲਿਸ ਅਧਿਕਾਰੀ ਰਹਿ ਚੁੱਕੇ ਹਨ। ਉਹਨਾਂ ਨੂੰ ਕਾਨੂੰਨ ਵਿਵਸਥਾ ਕਿਸ ਤਰਾਂ ਸੰਭਾਲਣੀ ਹੈ, ਉਹ ਚੰਗੀ ਤਰਾਂ ਜਾਣਦੇ ਹਨ। ਮੀਟਿੰਗ ਵਿੱਚ ਡੀਸੀ ਠਾਕੁਰ,ਸ਼ੰਕਰ ਅਰੋੜਾ,ਵਿਸ਼ਾਲ ਸ਼ਰਮਾ,ਪਰਦੀਪ ਸ਼ਰਮਾ ਜਸਪ੍ਰੀਤ, ਗੁਰਿੰਦਰ ਸਿੰਘ, ਰਾਹੁਲ ਬਜਾਜ ਵੀ ਹਾਜ਼ਰ ਸਨ।
