ਨਜਾਇਜ਼ ਮਾਈਨਿੰਗ ਬੰਦ ਕਰਨ ਪ੍ਰਦੂਸ਼ਤ ਪਾਣੀ ਦਾ ਹੱਲ ਕਰਨ ਲਈ  ਜੋਰਦਾਰ ਰੋਸ ਮੁਜ਼ਾਰਾ 

 ਜਗਰਾਉਂ: 9 ਦਸੰਬਰ (ਜਸਵਿੰਦਰ ਸਿੰਘ ਡਾਂਗੀਆ) ਸਿੱਧਵਾਂ ਬੇਟ  ਦਰਿਆ ਸਤਲੁਜ ਵਿੱਚ ਪੋਕ ਲੈਣ ਮਸ਼ੀਨਾਂ ਨਾਲ 40 ਫੁੱਟ ਡੂੰਘਾਈ ਕਰਕੇ ਤੱਕ ਕੀਤੀ ਜਾਂਦੀ ਨਜਾਇਜ਼ ਮਾਈਨਿੰਗ ਖਿਲਾਫ ਅੱਜ ਜਮਹੂਰੀ ਕਿਸਾਨ ਸਭਾ ਪੰਜਾਬ ਸੀ ਟੂ ਅਤੇ ਆਲ ਇੰਡੀਆ ਕਿਸਾਨ ਸਭਾ ਵੱਲੋਂ ਧਰਨਾ ਲਾ ਕੇ ਮੁੱਖ ਮੰਤਰੀ ਨੂੰ ਮੰਗ ਪੱਤਰ ਭੇਜਿਆ ਗਿਆ ਜਥੇਬੰਦੀਆਂ ਨੇ  ਮੰਗ ਕਰਦਿਆਂ ਕਿਹਾ ਕਿ ਗੋਰਸੀਆਂ ਖਾਨ ਮੁਹੰਮਦ ਵਿੱਚ ਲੀਗਲ ਰੇਤ ਖੱਡ ਜਿਸ ਨੂੰ ਮੁੱਖ ਮੰਤਰੀ ਸਾਹਿਬ ਨੇ ਚਲਾਇਆ ਸੀ ਜਿੱਥੋਂ ਇਲਾਕੇ ਦੇ ਦਸ ਪਿੰਡਾਂ ਨੂੰ ਰੁਜ਼ਗਾਰ ਮਿਲਿਆ ਅਤੇ ਲੋਕਾਂ ਨੂੰ ਸਸਤਾ ਰੇਤਾ ਮਿਲਣ ਲੱਗ ਗਿਆ ਸੀ ਪ੍ਰੰਤੂ ਉਸਨੂੰ ਚਲਣ ਨਹੀਂ ਦਿੱਤਾ ਗਿਆ ਨਜਾਇਜ਼ ਮਾਈਨਿੰਗ ਕਰਨ ਵਾਲਿਆਂ ਨੇ ਉਥੋਂ ਵੀ ਬਹੁਤ ਵੱਡੇ ਪੱਧਰ ਤੇ ਰੋਜਾਨਾ ਕਰੋੜਾਂ ਦੀ ਮੈਨਿੰਗ ਕਰਕੇ ਲੈ ਗਏ 40 ਫੁੱਟ ਡੁੰਘਾਈ ਤੱਕ ਮਾਈਨਿੰਗ ਕਰਨ ਤੇ ਬੁੱਢੇ ਦਰਿਆ ਦਾ ਪਰਦੂਸ਼ਤ ਪਾਣੀ ਥੱਲੇ ਵਾਲੇ ਪੱਤਣ ਨਾਲ ਮਿਲ ਗਿਆ ਜਿਸ ਨਾਲ ਇਲਾਕੇ ਵਿੱਚ ਵੱਡੀ ਪੱਧਰ ਤੇ ਲੋਕਾਂ ਨੂੰ ਭਿਆਨਕ ਬਿਮਾਰੀਆਂ ਨੇ ਜਕੜ ਲਿਆ ਜੱਥੇਬੰਦੀਆਂ ਵੱਲੋਂ ਧਰਨੇ ਉਪਰੰਤ ਮਾਰਚ ਕੀਤਾ ਗਿਆ ਅਤੇ ਸਬੰਧਤ ਥਾਣਾ ਸਿੱਧਵਾਂ ਬੇਟ ਦੇ ਮੁਖੀ ਨੂੰ ਮੰਗ ਪੱਤਰ ਦਿੱਤਾ ਗਿਆ ਅਤੇ ਉਹਨਾਂ ਲੋਕਾਂ ਦੇ ਨਾਂ ਵੀ ਉਜਾਗਰ ਕੀਤੇ ਗਏ ਜਿਨਾਂ ਵੱਲੋਂ ਵੱਡੇ ਪੱਧਰ ਤੇ ਮਾਈਨਿੰਗ ਕੀਤੀ ਜਾ ਰਹੀ ਹੈ ਸਬੰਧਤ ਅਧਿਕਾਰੀਆਂ ਵੱਲੋਂ ਕਾਰਵਾਈ ਦਾ ਭਰੋਸਾ ਦਿੱਤਾ ਨਾ ਕਾਰਵਾਈ ਹੋਣ ਤੇ ਜਥੇਬੰਦੀਆਂ ਵੱਲੋਂ 13 ਤਰੀਕ ਨੂੰ ਜਗਰਾਉਂ ਜਲੰਧਰ ਰੋਡ ਜਾਮ ਕਰਨ ਦਾ ਵੀ ਐਲਾਨ ਕੀਤਾ ਗਿਆ ਧਰਨਾ ਅਤੇ ਮਾਰਚ ਦੀ ਅਗਵਾਈ ਕਰਨ ਵਾਲੇ ਆਗੂਆਂ ਜਿਨਾਂ ਵਿੱਚ ਬਲਜੀਤ ਸਿੰਘ ਗੋਰਸੀਆਂ ਮੇਜਰ ਸਿੰਘ ਖੁਰਲਾਪੁਰ

ਸੁਰਿੰਦਰ ਖੀਵਾ ਗੁਰਦੀਪ ਸਿੰਘ ਕੋਟ ਉਮਰਾ ਕੇਵਲ ਸਿੰਘ ਲਖਵੀਰ ਸਿੰਘ ਦਾਖਾ ਬਲਰਾਜ ਸਿੰਘ ਕੋਟ ਉਮਰਾ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਹੁਣ ਲੋਕਾਂ ਨੂੰ ਇੱਕ ਜੁੱਟ ਹੋ ਕੇ ਵੱਡੀ ਲੜਾਈ ਲੜਨੀ ਪਵੇਗੀ ਤਾਂ ਕਿ ਪੈਦਾ ਹੋ ਚੁੱਕੇ ਵੱਡੇ ਮਾਫੀਆ ਨੂੰ ਭਾਂਜ ਦਿੱਤੀ ਜਾ ਸਕੇ।