ਵਿਦਿਆਰਥੀਆਂ ਨੂੰ ਜੂਵੀਨਾਇਲ ਅਤੇ ਪੋਸਕੋ ਐਕਟ ਬਾਰੇ ਦਿੱਤੀ ਜਾਣਕਾਰੀ 

ਅੰਮ੍ਰਿਤਸਰ, 10 ਨਵੰਬਰ (ਮਨਜੀਤ ਸਿੰਘ ਸੇਰਗਿਲ)  ਸੱਤਿਆ ਭਾਰਤੀ ਆਦਰਸ਼ ਸੀਨੀਅਰ ਸੈਕੈਂਡਰੀ ਸਕੂਲ ਫੱਤੂਭੀਲਾ (ਅੰਮ੍ਰਿਤਸਰ)ਵਿਖੇ ਸਲਾਨਾ ਸਪੋਰਟਸ ਡੇ ਅਤੇ ਰੰਗ-ਤਰੰਗ ਅਨੁਅਲ ਕਲਚਰਲ ਪ੍ਰੋਗਰਾਮ ਮਨਾਇਆ ਗਿਆ। ਇਸ ਪ੍ਰੋਗਰਾਮ ਵਿੱਚ ਮੁੱਖ ਮਹਿਮਾਨ ਦੇ ਰੂਪ ਵਿੱਚ ਸ.ਤਰਨਜੀਤ ਸਿੰਘ ਬਾਜਵਾ ਜਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ, ਅੰਮ੍ਰਿਤਸਰ ਸ਼ਾਮਿਲ ਰਹੇ ਜਿਹਨਾਂ ਨੇ ਵਿਦਿਆਰਥੀਆਂ ਨੂੰ ਸੰਬੋਧਿਤ ਕਰਦੇ ਹੋਇਆ ਜੁਵੀਨਾਇਲ ਐਕਟ ਬਾਰੇ ਦੱਸਿਆ ਅਤੇ ਪੋਸਕੌ ਐਕਟ ਬਾਰੇ ਵੀ ਦੱਸਿਆ ਕਿਵੇਂ ਇਹ ਐਕਟ ਸਮਾਜ ਵਿੱਚ ਫੈਲੀਆਂ ਕੁਰੀਤੀਆ ਜਿਵੇਂ ਬਾਲ ਵਿਆਹ,ਬਾਲ-ਭਿਖਿਆ ਆਦਿ ਬਾਰੇ ਦੱਸਿਆ ਕੇ ਕਿਵੇਂ ਇਹਨਾਂ ਦਾ ਹੱਲ ਕੀਤਾ ਜਾ ਰਿਹਾ ਹੈ ਅਤੇ ਸਰਕਾਰ ਦੁਆਰਾ ਦਿੱਤੇ ਹੈਲਪਲਾਈਨ ਨੰਬਰ ਬਾਰੇ ਵੀ ਵਿਦਿਆਰਥੀਆਂ ਨੂੰ ਜਾਣਕਾਰੀ ਦਿੱਤੀ ਕਿ ਵਿਦਿਆਰਥੀ ਕਿਵੇਂ ਸਹੀ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ ਅਤੇ ਇਸ ਮੌਕੇ ਵੱਖ-ਵੱਖ ਪਿੰਡਾਂ ਦੇ ਸਰਪੰਚ ਸਾਹਿਬਾਨ ਵੀ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਏ ਅਤੇ ਜਿਥੇ ਵਿਦਿਆਰਥੀਆ ਦੇ ਨਾਲ ਉਹਨਾਂ ਦੇ ਮਾਤਾ ਪਿਤਾ ਨੇ ਵੀ ਇਸ ਅਨੁਅਲ ਡੇ ਦਾ ਆਨੰਦ ਮਾਣਿਆ ਸਕੂਲ ਵਿਚ ਕਈ ਤਰਾਂ ਦੇ ਈਵੈਂਟਸ ਕਰਵਾਏ ਗਏ ਅਤੇ ਅਥਲੈਟਿਕਸ ਨਾਲ ਸਬੰਧਤ ਮੁਕਾਬਲਿਆਂ ਵਿੱਚ ਬੱਚਿਆਂ ਨੇ ਭਾਗ ਲਿਆ ਅਤੇ ਸਟੇਟ ਲੈਵਲ ਤੇ ਮੱਲਾਂ ਮਾਰ ਕੇ ਆਏ ਵਿਦਿਆਰਥੀਆਂ ਨੂੰ ਮੁੱਖ ਮਹਿਮਾਨ ਵਲੋਂ ਇਨਾਮ ਦਿੱਤੇ ਗਏ ਅਤੇ ਸਕੂਲ ਵਿੱਚ ਹੋਏ ਖੇਡ ਮੁਕਾਬਲਿਆਂ ਵਿੱਚ ਭਾਗ ਲਏ ਵਿਦਿਆਰਥੀਆਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ ਅਤੇ ਡਰਾਇੰਗ ਮੁਕਾਬਲੇ ਵੀ ਕਰਵਾਏ ਗਏ ਅਤੇ ਜੇਤੂ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ ਪ੍ਰੋਗਰਾਮ ਦਾ ਆਗਾਜ਼ ਵਿਦਿਆਰਥੀ ਵੱਲੋਂ ਰੰਗਾਰੰਗ ਪ੍ਰੋਗਰਾਮ ਰਾਹੀਂ

ਕੀਤਾ ਗਿਆ ਜਿਸ ਵਿੱਚ ਵਿਦਿਆਰਥੀਆਂ ਵਲੋਂ ਗਿੱਧਾ ਅਤੇ ਭੰਗੜਾ ਅਤੇ ਹੋਰ ਵੀ ਬਹੁਤ ਸਾਰੇ ਸਭਿਆਚਾਰਕ ਆਈਟਮਾ ਨੂੰ ਪੇਸ਼ ਕੀਤਾ ਗਿਆ ਪਰੋਗ੍ਰਾਮ ਦੇ ਅੰਤ ਵਿੱਚ ਪਿੰਸੀਪਲ਼ ਸਾਹਿਬਾਨ ਰਣਜੀਤਾ ਕੌਰ ਜੀ ਵੱਲੋਂ ਸਕੂਲ ਦੀਆਂ ਵੱਖ-ਵੱਖ ਉਪਲਬਧੀਆਂ ਬਾਰੇ ਵੀ ਚਾਨਣਾ ਪਾਇਆ ਗਿਆ ਅਤੇ ਆਏ ਹੋਏ ਮੁੱਖ ਮਹਿਮਾਨ ਸ.ਤਰਨਜੀਤ ਸਿੰਘ ਬਾਜਵਾ ਜੀ ਦਾ ਅਤੇ ਪਹੁੰਚੇ ਸਰਪੰਚ ਸਾਹਿਬਾਨਾਂ ਦਾ ਅਤੇ ਮਾਪਿਆਂ ਦਾ ਸਪੋਰਟਸ ਡੇ ਅਤੇ ਰੰਗ ਤਰੰਗ ਸਾਲਾਨਾ ਦਿਵਸ ਤੇ ਪਹੁੰਚਣ ਤੇ ਸਭ ਦਾ ਧੰਨਵਾਦ ਕੀਤਾ।