ਘਨੋਰ ਵਿਚ ਮਾਈਨਿੰਗ ਵਿਭਾਗ ਵੱਲੋ ਦੇਰ ਰਾਤ ਕੀਤੀ ਛਾਪੇਮਾਰੀ ਕਾਰਨ ਨਜਾਇਜ ਮਾਈਨਿੰਗ ਕਰਨ ਵਾਲਿਆ ਦੀ ਕਿੱਤੀ ਨੀਂਦ ਹਰਾਮ

 ਨਜਾਇਜ ਮਾਈਨਿੰਗ ਕਰਨ ਵਾਲਿਆਂ ਨੂੰ ਕਿਸੇ ਕੀਮਤ ਤੇ ਬਖਸ਼ਿਆ ਨਹੀ ਜਾਵੇਗਾ : ਐਸ.ਡੀ.ਓ ਗੁਲਾਟੀ

ਘਨੋਰ, 18 ਦਿਸੰਬਰ ( ਅਭਿਸ਼ੇਕ ਸੂਦ) ਨਜਾਇਜ ਮਾਈਨਿੰਗ ਖਿਲਾਫ ਕਾਰਵਾਈ ਕਰਦਿਆ ਅੱਜ ਹਲਕਾ ਘਨੋਰ ਵਿਖੇ ਸ਼ੰਭੂ-ਤੇਪਲਾ ਰੋੜ ਤੇ ਮਾਈਨਿੰਗ ਵਿਭਾਗ ਵੱਲੋ ਨਜਾਇਜ ਮਾਈਨਿੰਗ ਕਰਨ ਵਾਲਿਆ ਖਿਲਾਫ ਕਾਰਵਾਈ ਕਰਦਿਆਂ ਦੇਰ ਰਾਤ ਜਗਾ ਜਗਾ ਨਾਕੇ ਲਗਾ ਕੇ ਮਿੱਟੀ ਨਾਲ ਭਰੇ ਟਿੱਪਰਾ ਨੂੰ ਰੋਕ ਕੇ ਪਰਮਿਟ ਦੀ ਚੈਕਿੰਗ ਕੀਤੀ ਗਈ ਅਤੇ ਨਜਾਇਜ ਤੌਰ ਚੱਲ ਰਹੇ ਟਿੱਪਰਾਂ ਨੂੰ ਰੋਕ ਕੇ ਚਲਾਨ ਕੀਤੇ ਗਏ । ਦੱਸਣਯੋਗ ਹੈ, ਕਿ ਅਜੇ ਬੀਤੇ ਕੁਝ ਦਿਨ ਪਹਿਲਾ ਹੀ ਮਾਈਨਿੰਗ ਵਿਭਾਗ ਵੱਲੋ ਨਜਾਇਜ ਮਾਈਨਿੰਗ ਵਿਰੁੱਧ ਕਾਰਵਾਈ ਕੀਤੀ ਗਈ ਸੀ । ਇਸ ਮੋਕੇ ਹਰਦੀਪ ਸਿੰਘ ਗੁਲਾਟੀ ਐਸ.ਡੀ.ਓ ਮਾਈਨਿੰਗ, ਪਟਿਆਲਾ ਵੱਲੋ ਦੱਸਿਆ ਗਿਆ ਕਿ ਪਿਛਲੇ ਦਿਨੀ ਕੀਤੀ ਕਾਰਵਾਈ ਦੇ ਚਲਦਿਆਂ ਉਹਨਾ ਨੂੰ ਗੁਪਤ ਸੂਚਨਾ ਮਿਲੀ ਸੀ, ਕਿ ਨਜਾਇਜ ਮਾਈਨਿੰਗ ਕਰਨ ਵਾਲੇ ਅਨਸਰ ਦਿਨ ਵੇਲੇ ਨਾ ਚੱਲ ਕੇ ਹੁਣ ਦੇਰ ਰਾਤ ਕੰਮ ਕਰਦੇ ਹਨ।ਜਿਸ ਦੇ ਚਲਦਿਆ ਦੇਰ ਰਾਤ ਇਹ ਕਾਰਵਾਈ ਕੀਤੀ ਗਈ ਹੈ । ਉਹਨਾ ਇਹ ਵੀ ਦੱਸਿਆ ਕਿ ਉਚ ਅਧਿਕਾਰੀਆ ਦੇ ਨਿਰਦੇਸ਼ਾ ਅਨੁਸਾਰ ਸਰਕਾਰ ਦੇ ਮਾਲੀਏ ਦੀ ਰਾਖੀ ਹਿੱਤ ਕਿਸੇ ਕਿਸਮ ਦੀ ਨਜਾਇਜ ਮਾਈਨਿੰਗ ਬਰਦਾਸ਼ਤ ਨਹੀ ਕੀਤੀ ਜਾਵੇਗੀ। ਉਹਨਾ ਇਹ ਵੀ ਦੱਸਿਆ ਕਿ ਆਉਣ ਵਾਲੇ ਦਿਨਾ ਵਿਚ ਇਸੇ ਤਰਾ ਨਿਰੁੱਤਰ ਅਚਨਚੇਤ ਚੈਕਿੰਗ ਕਰਦੇ ਹੋਏ ਨਜਾਇਜ ਮਾਈਨਿੰਗ ਕਰਨ ਵਾਲੇ ਅਨਸਰਾ ਨੂੰ ਪੂਰਨ ਰੂਪ ਵਿਚ ਠੱਲ ਪਾਈ ਜਾਵੇਗੀ । ਇਸ ਮੋਕੇ ਇੰਸਪੈਕਟਰ ਬਿਕਰਮਜੀਤ ਸਿੰਘ ਵੀ ਮੋਜੂਦ ਸਨ।