ਜਨਗਣਨਾ ਜ਼ਾਤੀ ਅਧਾਰਤ ਕਰਵਾਈ ਜਾਵੇ : ਡਾਲ ਚੰਦ ਪੰਵਾਰ ਜੈਤੋ

ਐਸ.ਡੀ.ਐਮ.ਡਾ.ਵਰਿੰਦਰ ਕੁਮਾਰ ਨੂੰ ਭਾਰਤ ਦੇ ਰਾਸ਼ਟਰਪਤੀ ਦੇ ਨਾਂ ਦਾ ਸੌਂਪਿਆ ਮੰਗ ਪੱਤਰ

ਜੈਤੋ,16 ਦਸੰਬਰ (ਮਨਜੀਤ ਸਿੰਘ ਢੱਲਾ) – ਅੱਜ ਸਮਾਜਿਕ ਕਾਰਜਕਰਤਾ ਡਾਲ ਚੰਦ ਪੰਵਾਰ ਜੈਤੋ ਦੀ ਅਗਵਾਈ ਚ ਇਕ ਪ੍ਰਤੀਨਿਧ ਮੰਡਲ ਸਬ ਡਵੀਜ਼ਨ ਕੰਪਲੈਕਸ ਕੋਟਕਪੂਰਾ ਵਿਖੇ ਐਸ.ਡੀ.ਐਮ.ਡਾ.ਵਰਿੰਦਰ ਕੁਮਾਰ ਜੀ ਨੂੰ ਮਿਲਿਆਂ ਤੇ ਮਾਨਯੋਗ ਰਾਸ਼ਟਰਪਤੀ ਭਾਰਤ ਸਰਕਾਰ ਜੀ ਦੇ ਨਾਂ ਦਾ ਮੰਗ ਪੱਤਰ ਸੌਂਪਿਆ ਗਿਆ। ਮੰਗ ਪੱਤਰ ਰਾਹੀ ਮੰਗ ਕੀਤੀ ਗਈ ਕਿ ਦੇਸ਼ ਦੀ ਹੋਣ ਜਾ ਰਹੀ ਜਨਗਣਨਾ ਜ਼ਾਤੀ ਅਧਾਰਤ ਕਰਵਾਈ ਜਾਵੇ। ਸਮਾਜਿਕ ਕਾਰਜਕਰਤਾ ਡਾਲ ਚੰਦ ਪੰਵਾਰ ਨੇ ਲਿਖਤੀ ਪ੍ਰੈਸ ਬਿਆਨ ਚ ਆਖਿਆ ਕਿ ਦੇਸ਼ ਦੀ ਮੋਜੂਦਾ ਭੁਮਿਕਾ ਦੇ ਸੰਦਰਭ ਚ ਦੇਸ ਚ ਅਨੁਸੂਚਿਤ ਜਾਤੀਆਂ/ਜਨ-ਜਾਤੀਆ/ਪੱਛੜੇ ਵਰਗਾਂ ਤੇ ਧਾਰਮਿਕ ਘੱਟ ਗਿਣਤੀ ਦੀ ਅਬਾਦੀ ਚ ਚੌਖਾ ਵਾਧਾ ਹੋਇਆ ਹੈਂ, ਪਰ ਉਕਤ ਵਰਗਾਂ ਦਾ ਸ਼ਾਸਨ, ਪ੍ਰਸ਼ਾਸਨ ਚ ਹਿਸੇਦਾਰੀ ਨਾ-ਮਾਤਰ ਹੈ।ਸੋ ਇਸ ਪ੍ਰਕਾਰ ਅਰਾਜਕਤਾ ਦੀ ਸਥਿਤੀ ਬਣੀ ਹੋਈ ਹੈ। ਸੋ ਲੋੜ ਹੈ ਦੇਸ਼ ਦੀ ਖੁਸ਼ਹਾਲੀ ਤੇ ਤਰੱਕੀ ਲਈ ਜਨਗਣਨਾ ਜ਼ਾਤੀ ਅਦਾਕਾਰਾ ਕਰਾਈ ਜਾਵੇ। ਉਪਰੋਕਤ ਮੌਕੇ ਪ੍ਰਤੀਨਿਧਤਾ ਮੰਡਲ ਚ ਸਮਾਜ ਸੇਵਕ ਹੰਸਰਾਜ , ਨੰਬਰਦਾਰ ਰੇਸ਼ਮ ਸਿੰਘ, ਨੰਬਰਦਾਰ ਦਰਸ਼ਨ ਕੁਮਾਰ, ਜਰਨੈਲ ਸਿੰਘ ਵਾੜਾ ਦਰਾਕਾ, ਜੱਗਾ ਸਿੰਘ ਆਦਿ ਹਾਜਰ ਸਨ।