ਕੋਠੇ ਮੰਡੀ ਕਲਾਂ ਦੀ ਪੰਚਾਇਤ ਨੇ ਸਰਪੰਚ ਜਸਵੰਤ ਦਰਦ ਪ੍ਰੀਤ ਦੀ ਅਗਵਾਈ ਚ ਸਾਂਝੇ ਥਾਵਾਂ ਤੇ ਬੂਟੇ ਲਾਏ 

 ਸਮਾਜ ਸੇਵੀ ਅਧਿਆਪਕ ਗੁਰਵਿੰਦਰ ਸਿੱਧੂ ਨੇ ਵਿਸ਼ੇਸ਼ ਯੋਗਦਾਨ ਪਾਇਆ

ਰਾਮਪੁਰਾ ਫੂਲ, 17 ਦਸੰਬਰ (  ਪੱਤਰ ਪ੍ਰੇਰਕ  ) ਗ੍ਰਾਮ ਪੰਚਾਇਤ ਕੋਠੇ ਮੰਡੀ ਕਲਾਂ ਵਲੋਂ ਸਰਪੰਚ ਜਸਵੰਤ ਦਰਦ ਪ੍ਰੀਤ ਦੀ ਅਗਵਾਈ ਵਿੱਚ ਸਮਾਜ ਸੇਵੀ ਅਧਿਆਪਕ ਗੁਰਵਿੰਦਰ ਸਿੱਧੂ ਦੇ ਸਹਿਯੋਗ ਨਾਲ ਪਿੰਡ ਦੀਆਂ ਸਾਂਝੀਆਂ ਥਾਵਾਂ ਤੇ ਨਰੇਗਾ ਮਜ਼ਦੂਰਾਂ ਵਲੋਂ ਬੂਟੇ ਲਾਏ ਗਏ!  ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਪਿੰਡ ਦੇ ਸਰਪੰਚ ਜਸਵੰਤ ਦਰਦ ਪ੍ਰੀਤ ਨੇ ਦੱਸਿਆ ਕਿ ਪਿੰਡ ਕੋਠੇ ਮੰਡੀ ਕਲਾਂ ਦੇ ਬੱਸ ਸਟੈਂਡ ਨੇੜੇ ਸੜਕ ਕਿਨਾਰੇ ਪਈਆਂ ਰੂੜੀਆਂ ਨੂੰ ਹਟਾਕੇ ਛਾਂ ਦਾਰ ਤੇ ਫ਼ਲਦਾਰ ਵਿਰਾਸਤੀ ਬੂਟੇ ਲਗਾਏ ਗਏ ਨੇ! ਉਨਾਂ ਦੱਸਿਆ ਕਿ ਇੰਨਾਂ ਬੂਟਿਆਂ ਨਾਲ ਪਿੰਡ ਦੀ ਨੁਹਾਰ ਬਦਲੇਗੀ ਤੇ ਗੰਦਗੀ ਤੋਂ ਨਿਜਾਤ ਮਿਲੇਗੀ! ਇਸ ਮੌਕੇ ਸਮਾਜ ਸੇਵੀ ਅਧਿਆਪਕ ਗੁਰਵਿੰਦਰ ਸਿੱਧੂ ਨੇ ਪਿੰਡ ਦੀ ਪੰਚਾਇਤ ਤੇ ਸਰਪੰਚ ਜਸਵੰਤ ਦਰਦ ਪ੍ਰੀਤ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਇਹ ਕਾਰਜ ਕਰਕੇ ਸਮੁੱਚੀ ਪੰਚਾਇਤ ਨੇ ਆਪਣੀ ਅਗਾਂਹਵਧੂ ਸੋਚ ਦਾ ਪ੍ਰਗਟਾਵਾ ਕੀਤਾ ਹੈ, ਕਿਉਂਕਿ ਇਹ ਬੂਟੇ ਤੇ ਪੌਦੇ ਜਿੱਥੇ ਪਿੰਡ ਦੇ ਆਲੇ ਦੁਆਲੇ ਨੂੰ ਚਾਰ ਚੰਦ ਲਾਉਣਗੇ,ਉੱਥੇ ਹੀ ਵਾਤਾਵਰਨ ਨੂੰ ਸ਼ੁੱਧ ਕਰਨ ਵਿਚ ਵੀ ਆਪਣਾ ਯੋਗਦਾਨ ਪਾਉਣਗੇ! ਇਸ ਮੌਕੇ ਪਿੰਡ ਦੀ ਪੰਚ ਲਵਪ੍ਰੀਤ ਕੌਰ, ਪੰਚ ਕੁਲਵੰਤ ਕੌਰ, ਪੰਚ ਸੀਮਾ, ਮੇਟ ਜਸਕਰਨ ਕੌਰ , ਪਿੰਡ ਦੇ ਸਾਮਜ ਸੇਵੀ ਲਖਵਿੰਦਰ ਸਿੰਘ ਤੋਤੀ,   ਰਣਜੀਤ ਸਿੰਘ ਮਾਣੂ, ਜੈਲਾ ਸਿੰਘ ਤੋਂ ਇਲਾਵਾ ਵੱਡੀ ਗਿੱਣਤੀ ਵਿਚ ਨਰੇਗਾ ਮਜ਼ਦੂਰ ਹਾਜ਼ਰ ਸਨ !