ਬੱਸ ਸਟੈਂਡ ਚੌਕੀ ਬੰਦ ਹੋਣ ਕਾਰਨ ਏਰੀਏ ‘ਚ ਵਧੀਆਂ ਅਪਰਾਧਿਕ ਅਟਨਾਵਾਂ ਚੋਕੀ ਬੰਦ ਹੋਣ ਕਾਰਨ ਚੋਰਾਂ ਦੇ ਹੋਸਲੇ ਹੋਏ ਬੁਲੰਦ 

ਸ਼੍ਰੀ ਮੁਕਤਸਰ ਸਾਹਿਬ, 05 ਸਤੰਬਰ ( ਮਨਪ੍ਰੀਤ ਮੋਨੂੰ ) –ਕੁਝ ਸਮਾਂ ਪਹਿਲ੍ਹਾਂ ਜਿਲ੍ਹਾ ਪੁਲਿਸ ਮੁਖੀ ਵੱਲੋਂ ਬੱਸ ਸਟੈਂਡ ਚੌਕੀ ਨੂੰ ਬੰਦ ਕਰਨ ਦੇ ਹੁਕਮ ਦੇ ਦਿੱਤੇ ਸਨ ਅਤੇ ਚੋਕੀ ਦਾ ਸਾਰਾ ਕੰਮਕਾਰ ਥਾਣਾ ਸਿਟੀ ‘ਚ ਹੀ ਤਬਦੀਲ ਕਰ ਦਿੱਤਾ ਗਿਆ ਸੀ । ਕੁਝ ਪੁਲਿਸ ਮੁਲਾਜਮਾਂ ਦੀ ਗਲਤੀ ਕਾਰਨ ਬੰਦ ਹੋਈ ਬੱਸ ਸਟੈਂਡ ਚੌਕੀ ਕਾਰਨ ਉਕਤ ਏਰੀਏ ‘ਚ ਗਲਤ ਅਨਸਰਾਂ ਦੇ ਹੌਸਲੇ ਬੁਲੰਦ ਹੋ ਚੁੱਕੇ ਹਨ । ਜਿਸ ਕਾਰਨ ਹਰ ਰੋਜ ਹੀ ਵਾਪਰ ਰਹੀਆਂ ਘਟਨਾਵਾਂ ‘ਚ ਤੇਜੀ ਨਾਲ ਵਾਧਾ ਹੋ ਰਿਹਾ ਹੈ । ਜਿਸ ਦਾ ਖਮਿਆਜ਼ਾ ਆਮ ਜਨਤਾ ਨੂੰ ਭੁਗਤਨਾ ਪੈ ਰਿਹਾ ਹੈ । ਕੁਝ ਪੁਲਿਸ ਮੁਲਾਜ਼ਮਾਂ ਦੀ ਗਲਤੀ ਦੀ ਸਜ਼ਾ ਆਮ ਜਨਤਾ ਨੂੰ ਦਿੱਤੀ ਗਈ ਜਾਪਦੀ ਹੈ ਕਿਉਕਿ ਜਿਲ੍ਹਾ ਪੁਲਿਸ ਮੁਖੀ ਵੱਲੋਂ ਕੁਝ ਪੁਲਿਸ ਮੁਲਾਜ਼ਮਾਂ ਨੂੰ ਸਜਾ ਦੇਣ ਦੇ ਬਜਾਏ ਚੌਕੀ ਨੂੰ ਹੀ ਬੰਦ ਕਰਨ ਦੇ ਹੁਕਮ ਦੇ ਦਿੱਤੇ ਸਨ । ਦੱਸਣਯੋਗ ਹੈ ਕਿ ਬੱਸ ਸਟੈਂਡ ਚੋਕੀ ਦਾ ਏਰੀਆ ਅੱਧਾ ਸ਼ਹਿਰ ਕਵਰ ਕਰਦਾ ਸੀ । ਹੁਣ ਬੱਸ ਸਟੈਂਡ ਪੁਲਿਸ ਚੌਕੀ ਬੰਦ ਹੋਣ ਕਾਰਨ ਉਕਤ ਏਰੀਏ ‘ਚ ਨਸ਼ੇ ਦੀ ਭਰਮਾਰ ਬਹੁਤ ਜਿਆਦਾ ਹੋ ਚੁੱਕੀ ਹੈ । ਗਲਤ ਅਨਸਰਾਂ ਨੂੰ ਬੱਸ ਸਟੈਂਡ ਦੇ ਬਾਹਰ ਹੀ ਨਸ਼ੇ ਦੇ ਕੈਪਸੂਲ ਵੇਚਦੇ ਆਮ ਹੀ ਦੇਖਿਆ ਜਾ ਸਕਦਾ ਹੈ ? ਇਨਸਾਫ ਪਸੰਦ ਲੋਕਾਂ ਨੇ ਐਸਐਸਪੀ ਸ਼੍ਰੀ ਮੁਕਤਸਰ ਸਾਹਿਬ ਨੂੰ ਅਪੀਲ ਕੀਤੀ ਹੈ ਕਿ ਬੱਸ ਸਟੈਂਡ ਚੌਕੀ ਨੂੰ ਦੁਬਾਰਾ ਫਿਰ ਚਲਾਇਆ ਜਾਵੇ ਤਾਂ ਜੋਕਿ ਪੁਲਿਸ ਦੀ ਨਜ਼ਦੀਕੀ ਨਾਲ ਗਲਤ ਅਨਸਰਾਂ ਦੇ ਮਨ੍ਹਾ ‘ਚ ਪੁਲਿਸ ਦਾ ਡਰ ਬਣਿਆ ਰਹੇ ।