ਸਿੱਖਿਆ ਕ੍ਰਾਂਤੀ ਤਹਿਤ ਪਿੰਡ ਬੜਵਾ ‘ਚ ਸਿੱਖਿਆ ਦੇ ਖੇਤਰ ਵੱਲ ਵਧਾਇਆ ਗਿਆ ਇਕ ਹੋਰ ਮਜਬੂਤ ਕਦਮ

 ਆਧੁਨਿਕ ਸਹੂਲਤਾਂ ਨਾਲ ਲੈੱਸ ਸਰਕਾਰੀ ਪ੍ਰਾਇਮਰੀ ਸਕੂਲ ਦੀ ਨਵੀਂ ਇਮਾਰਤ ਤੇ ਹੋਰ ਕੰਮਾਂ ਦਾ ਨਿਰਮਾਣ ਕਾਰਜ ਹੋਇਆ ਸ਼ੁਰੂ

 ਨੂਰਪੁਰਬੇਦੀ, 27 ਜੂਨ ( ਦਲਜੀਤ ਚਨੌਲੀ ) ਪੰਜਾਬ ਸਰਕਾਰ ਵੱਲੋਂ ਸਿੱਖਿਆ ਖੇਤਰ ‘ਚ ਲਿਆਏ ਜਾ ਰਹੇ ਇਨਕਲਾਬੀ ਬਦਲਾਵਾਂ ਤਹਿਤ ਹਲਕਾ ਰੂਪਨਗਰ ਦੇ ਪਿੰਡ ਬੜਵਾ ‘ਚ ਸਰਕਾਰੀ ਪ੍ਰਾਇਮਰੀ ਸਕੂਲ ਲਈ ਨਵੀਂ ਤੇ ਹੋਰ ਕੰਮਾਂ ਦਾ ਨਿਰਮਾਣ ਕਾਰਜ ਬਾਬਾ ਸ਼ਿੰਗਾਰਾ ਸਿੰਘ ਅਤੇ ਯੁੱਧ ਨਸ਼ਿਆਂ ਵਿਰੁੱਧ ਮੁਹਿਮ ਦੇ ਹਲਕਾ ਕੋਆਰਡੀਨੇਟਰ ਤੇ ਸਰਪੰਚ ਅਵਤਾਰ ਸਿੰਘ ਕੂੰਨਰ ਨੇ ਸ਼ਾਨਦਾਰ ਢੰਗ ਸ਼ੁਰੂ ਕਰਵਾਇਆ ਗਿਆ ਗਿਆ। ਉਨ੍ਹਾਂ ਦੱਸਿਆ ਕਿ ਇਹ ਇਮਾਰਤ ਆਧੁਨਿਕ ਸੁਵਿਧਾਵਾਂ ਨਾਲ ਲੈੱਸ ਕੀਤੀ ਜਾਵੇਗੀ। ਜਿਸਦਾ ਮੁੱਖ ਉਦੇਸ਼ ਪਿੰਡ ਦੇ ਬੱਚਿਆਂ ਨੂੰ ਸੁਚੱਜਾ ਅਤੇ ਗੁਣਵੱਤਾ ਭਰਪੂਰ ਸਿੱਖਿਆ  ਪ੍ਰਦਾਨ ਕਰਨਾ ਹੈ। ਇਸ ਮੌਕੇ ਉਨ੍ਹਾਂ ਨੇ ਦੱਸਿਆ ਕਿ ਇਸ ਨਵੇਂ ਢਾਂਚੇ ‘ਚ ਦੋ ਪੱਕੇ ਕਮਰੇ, ਇੱਕ ਦਫਤਰ, ਇੱਕ ਸਟੇਜ, ਮੁੱਖ ਗੇਟ ਅਤੇ ਹੋਰ ਬੁਨਿਆਦੀ ਢਾਂਚਾਗਤ ਸੁਵਿਧਾਵਾਂ ਤਿਆਰ ਕੀਤੀਆਂ ਜਾਣਗੀਆਂ  । ਜਿਸ ਦਾ ਕੰਮ ਕਰੀਬ 40 ਲੱਖ ਰੁਪਏ ਦੀ ਲਾਗਤ ਨਾਲ ਪੂਰਾ ਕੀਤਾ ਜਾਵੇਗਾ ਇਸ ਦੌਰਾਨ ਬਾਬਾ ਸ਼ਿੰਗਾਰਾ ਸਿੰਘ ਨੇ ਇਸ ਮੌਕੇ ਕਿਹਾ, “ਇੱਕ ਸਮੇਂ ਸੀ ਜਦੋਂ ਪਿੰਡਾਂ ਦੇ ਸਕੂਲਾਂ ਵਿੱਚ ਪੜ੍ਹਾਈ ਲਈ ਢੰਗ ਦੀ ਇਮਾਰਤ ਵੀ ਨਹੀਂ ਹੁੰਦੀ ਸੀ। ਪਰ ਅੱਜ ਪੰਜਾਬ ਸਰਕਾਰ ਨੇ ਇਤਿਹਾਸਕ ਕੰਮ ਕਰ ਦਿਖਾਇਆ ਹੈ। ਨਵੀਂ ਇਮਾਰਤ ਸਿਰਫ ਈਟਾਂ ਦਾ ਢਾਂਚਾ ਨਹੀਂ, ਇਹ ਨਵੇਂ ਭਵਿੱਖ ਦੀ ਨੀਂਹ ਹੈ।” ਸਰਪੰਚ ਅਵਤਾਰ ਸਿੰਘ ਕੂੰਨਰ ਨੇ ਵੀ ਕਿਹਾ,”ਸਿੱਖਿਆ ਕਿਸੇ ਵੀ ਸਮਾਜ ਦੀ ਰੀੜ ਦੀ ਹੱਡੀ ਹੁੰਦੀ ਹੈ। ਅਸੀਂ ਆਪਣੇ ਪਿੰਡ ਦੇ ਬੱਚਿਆਂ ਨੂੰ ਮੌਕਾ ਦੇਣਾ ਚਾਹੁੰਦੇ ਹਾਂ ਕਿ ਉਹ ਵੀ ਸ਼ਹਿਰੀ ਸਕੂਲਾਂ ਦੀ ਤਰ੍ਹਾਂ ਆਧੁਨਿਕ ਤਰੀਕਿਆਂ ਨਾਲ ਪੜ੍ਹਾਈ ਕਰ ਸਕਣ। ਇਹ ਇਮਾਰਤ ਅਸੀਂ ਬੱਚਿਆਂ ਦੇ ਸੁਨਿਹਰੇ ਭਵਿੱਖ ਲਈ ਤਿਆਰ ਕਰ ਰਹੇ ਹਾਂ।”

ਇਸ ਮੌਕੇ ‘ਤੇ ਹਾਜ਼ਰ ਵਿਅਕਤੀਆਂ ਵਿੱਚ ਮੁੱਖ ਅਧਿਆਪਕ ਜਗੀਰ ਸਿੰਘ, ਅਧਿਆਪਕ ਰਵੀਰਾਜ, ਪੂਨਮ ਦੇਵੀ, ਮਨਪ੍ਰੀਤ ਕੌਰ, ਪੰਚ ਕੁਲਦੀਪ ਸਿੰਘ, ਬਾਬੂ ਕਰਮ ਚੰਦ, ਅਸ਼ੋਕ ਚੱਢਾ, ਪਿੰਡ ਵਾਸੀ ਅਤੇ ਹੋਰ ਮਾਣਯੋਗ ਸ਼ਖਸੀਅਤਾਂ ਵੀ ਸ਼ਾਮਲ ਸਨ, ਜਿਨ੍ਹਾਂ ਨੇ ਸਰਕਾਰ ਅਤੇ ਵਿਧਾਇਕ ਚੱਢਾ ਦੀ ਕੋਸ਼ਿਸ਼ ਦੀ ਦਿਲੋਂ ਸਰਾਹਨਾ ਕੀਤੀ।