ਹਰ ਸਾਲ ਦੀ ਤਰ੍ਹਾਂ ਸਰਪੰਚ ਜਸਵੰਤ ਸਿੰਘ ਸੋਢੀ ਪਹਿਲੂਵਾਲਾ ਵੱਲੋਂ ਲੋੜਵੰਦ ਬੱਚਿਆਂ ਦੀ ਕੀਤੀ ਸਹਾਇਤਾ

ਫ਼ਰੀਦਕੋਟ, 6 ਅਪ੍ਰੈਲ (ਵਿਪਨ ਮਿੱਤਲ)-ਸਮਾਜ ਸੇਵੀ ਸ਼ਖ਼ਸੀਅਤ ਸਰਪੰਚ ਜਸਵੰਤ ਸਿੰਘ ਸੋਢੀ ਬਿ੍ਰਟਿਸ ਕੋਲੰਬੀਆ ਕੈਨੇਡਾ ਪਹਿਲੂਵਾਲਾ ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਪਿੰਡ ਪਹਿਲੂਵਾਲਾ ਦੇ ਸਰਕਾਰੀ ਮਿਡਲ ਸਕੂਲ ਦੇ ਬੱਚਿਆਂ ਦੀਆਂ ਸਾਲਾਨਾ ਫੀਸਾਂ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਕਿਤਾਬਾਂ, ਕਾਪੀਆਂ, ਲੋੜੀਂਦੇ ਬਰਤਨਾਂ ਦੀ ਵੱਡੀ ਮੱਦਦ ਕੀਤੀ। ਸਰਪੰਚ ਜਸਵੰਤ ਸਿੰਘ ਸੰਧੂ ਪਿਛਲੇ ਕਾਫੀ ਸਾਲਾਂ ਤੋਂ ਨਾ ਕੇਵਲ ਪਿੰਡ ਦੇ ਸਕੂਲ ਦੇ ਵਿਕਾਸ ਲਈ, ਸਕੂਲ ਦੀ ਬਿਲਡਿੰਗ ਅਤੇ ਵਿਦਿਆਰਥੀਆਂ ਦੀ ਹਰ ਪੱਖੋਂ ਮੱਦਦ ਕਰਦੇ ਆ ਰਹੇ ਹਨ ਬਲਕਿ ਇਸ ਦੇ ਨਾਲ-ਨਾਲ ਉਹ ਪਿੰਡ ਪਹਿਲੂਵਾਲਾ ਦੇ ਵਿਕਾਸ ਲਈ, ਇਲਾਕੇ ’ਚ ਕੰਮ ਕਰਨ ਵਾਲੀਆਂ ਸਮਾਜ ਸੇਵੀ ਸੁਸਾਇਟੀਆਂ ਅੰਦਰ ਵੀ ਬਹੁਤ ਵੱਡਾ ਯੋਗਦਾਨ ਪਾ ਰਹੇ ਹਨ। ਹੁਣ ਉਹਨਾਂ ਆਪਣੇ ਪੰਚਾਇਤ ਮੈਂਬਰ ਸੁੱਚਾ ਸਿੰਘ, ਜਗਜੀਤ ਸਿੰਘ, ਨਿੱਕਾ ਸਿੰਘ ਤੋਂ ਇਲਾਵਾ ਸਾਬਕਾ ਸਰਪੰਚ ਰਾਜਿੰਦਰ ਸਿੰਘ, ਗੁਰਦੀਪ ਸਿੰਘ ਦੀਪਾ, ਧਰਮਪ੍ਰੀਤ ਸਿੰਘ ਅਤੇ ਮੱਘਰ ਸਿੰਘ ਹਾਜ਼ਰ ਸਨ। ਇਸ ਮੌਕੇ ਸਰਕਾਰੀ ਮਿਡਲ ਸਕੂਲ ਪਹਿਲੂ ਵਾਲਾ ਦੇ ਮੁੱਖ ਅਧਿਆਪਕ ਕੈਲਾਸ਼ ਰਾਣੀ ਨੇ ਸਰਪੰਚ ਜਸਵੰਤ ਸਿੰਘ ਸੋਢੀ ਅਤੇ ਪੰਚਾਇਤ ਦਾ ਇਸ ਨੇਕ ਉਪਰਾਲੇ ਲਈ ਧੰਨਵਾਦ ਕੀਤਾ। ਇਸ ਮੌਕੇ ਸਕੂਲ ਸਟਾਫ਼ ’ਚੋਂ ਤੇਜਿੰਦਰ ਕੁਮਾਰੀ, ਕਿਰਨਪ੍ਰੀਤ ਕੌਰ ਅਤੇ ਰਜਨੀ ਬਾਲਾ ਹਾਜ਼ਰ ਸਨ।