‘ਟਕਸਾਲ ਸੇਵਕ ਜੱਥਾ’ ਦੇ ਸਮਰਥਨ ‘ਚ ‘ਸੰਸਥਾ’ ਨੇ ਕੀਤਾ ਆਪਣਾ ਰੁਖ ਸਪੱਸ਼ਟ ਅਸੀਂ ਦਮਦਮੀਂ ਟਕਸਾਲ ਚੋਂਕ ਮਹਿਤਾ ਦੇ ਹਮਾਇਤ ‘ਚ ਹਾਂ: ਗਿੱਲ

ਅੰਮ੍ਰਿਤਸਰ /ਚੌਂਕ ਮਹਿਤਾ 10 ਅਗਸਤ  (ਮਨਜੀਤ ਸਿੰਘ ਸ਼ੇਰਗਿੱਲ) ਘੱਟ ਗਿਣਤੀ ਲੋਕ ਭਲਾਈ ਸੰਸਥਾ ਦੇ ਪ੍ਰਧਾਨ ਸ੍ਰ ਸਤਨਾਮ ਸਿੰਘ ਗਿੱਲ ਨੇ ਪ੍ਰੈਸ ਬਿਆਨ ਰਾਹੀਂ ਸਪੱਸ਼ਟ ਕੀਤਾ ਹੈ ਕਿ ਸੰਤ ਸਮਾਜ ਦੇ ਪ੍ਰਧਾਨ ਅਤੇ ਦਮਦਮੀਂ ਟਕਸਾਲ ਚੌਂਕ ਮਹਿਤਾ ਜਥਾ ਭਿੰਡਰਾ ਦੇ ਮੁੱਖੀ ਗਿਆਨੀ ਹਰਨਾਮ ਸਿੰਘ ਖਾਲਸਾ ਵੱਲੋਂ ‘ਟਕਸਾਲ ਸੇਵਕ ਜਥਾ’ ਨੂੰ ਰਾਜਸੀ ਖੇਤਰ ‘ਚ ਉਤਾਰਨ ਦੇ ਫੈਂਸਲੇ ਨੂੰ ਪੰਜਾਬ ਦੇ ਹਿੱਤ ‘ਚ ਦੱਸਿਆ।ਉਨ੍ਹਾ ਨੇ ਕਿਹਾ ਕਿ ਸੂਬੇ ਦੀ ਸਿਆਸਤ ‘ਚ ਪੈ ਚੁੁੱਕੇ ਖਲਾਅ ਨੂੰ ਭਰਨ ਲਈ ਧਾਰਮਿਕ ਹਸਤੀਆਂ ਵੱਲੋਂ ਰਾਜਨੀਤਕ ਪੱਧਰ ਤੇ ਕੀਤਾ ਗਿਆ ਉਪਰਾਲਾ ਰਾਹ ਦਸੇਰਾ ਬਣ ਸਕਦਾ ਹੈ।ਉਨ੍ਹਾ ਨੇ ਕਿਹਾ ਕਿ ਲੋਕਾਂ ‘ਚ ਰਾਜਨੀਤਕ ਲੀਡਰਾਂ ਅਤੇ ਪਾਰਟੀਆਂ ਪ੍ਰਤੀ ਸਨੇਹ ਅਤੇ ਵਿਸ਼ਵਾਸ਼ ਖਤਮ ਹੋ ਚੁੱਕਾ ਹੈ।ਜਿਸ ਕਰਕੇ ਪੰਜਾਬ ਦੀਆਂ ਖੇਤਰੀਆਂ ਰਾਜਨੀਤਕ ਪਾਰਟੀਆਂ ਸਤਾ ਦੇ ਗਲਿਆਰਿਆਂ ਚੋਂ ਲਾਂਭੇ ਹੋ ਚੁੱਕੀਆਂ ਹਨ।ਉਹਨਾ ਨੇ ਕਿਹਾ ਕਿ ਦਮਦਮੀਂ ਟਕਸਾਲ ਚੌਂਕ ਮਹਿਤਾ ਜੱਥਾ ਭਿੰਡਰਾ ਦੇ ਮੁੱਖੀ ਗਿਆਨੀ ਹਰਨਾਮ ਸਿੰਘ ਖਾਲਸਾ ਵੱਲੋਂ ਪੰਜਾਬ ਦੇ ਲੋਕਾਂ ਨੂੰ ਸਥਿਰ ਤੇ ਠੋਸ ਰਾਜਨੀਤਕ ਆਧਾਰ ਦੇਣ ਲਈ ਕੀਤਾ ਗਿਆ ਉਪਰਾਲਾ ਸ਼ਲਾਘਾਯੋਗ ਹੈ।ਘੱਟ ਗਿਣਤੀ ਲੋਕ ਭਲਾਈ ਸੰਸਥਾ ਦੇ ਪ੍ਰਧਾਨ ਸ੍ਰ ਸਤਨਾਮ ਸਿੰਘ ਗਿੱਲ ਨੇ ਕਿਹਾ ਕਿ ਸਾਡੀ ਸੰਸਥਾ ਨਿਰੌਲ ਤੇ ਪੰਜਾਬ ਅਤੇ ਸਿੱਖ ਧਰਮ ਹਿਤੈਸ਼ੀ ਇਸ ਧਾਰਮਿਕ ਜਥੇਬੰਦੀ  ਦਮਦਮੀਂ ਟਕਸਾਲ ਵੱਲੋਂ ਉਲੀਕੇ ਪ੍ਰੋਗਰਾਮ ਦਾ ਸਮਰਥਨ ਕਰਦੀ ਹੈ। ਕਿਉਂ ਕਿ ਸਮਾਜਿਕ ਹਲਕਿਆਂ ‘ਚ ਵਿਚਰ ਕੇ ਅਸੀਂ ਰਾਜਨੀਤਕ ਪੱਧਰ ਤੇ ਕੇਡਰ ਅਤੇ ਲੀਡਰ ਪੈਦਾ ਕਰ ਸਕਦੇ ਹਾਂ, ਜੋ ਕੇਡਰ ਅਤੇ ਲੀਡਰ ਮਿਸ਼ਨ ਨੂੰ ਸਮਰਪਿਤ ਹੋਣਗੇ। ਉਨਾ ਨੇ ਕਿਹਾ ਕਿ ਰਾਜਨੀਤਕ ਤਬਦੀਲੀ ਲਈ ਸਿਆਸੀ ਜਮੀਨ ਤਿਆਰ ਕਰਨਾ ਸਮੇਂ ਦੀ ਲੋੜ ਵੀ ਹੈ ਅਤੇ ਸਾਡੀ ਜਰੂਰਤ ਵੀ ਹੈ।

ਫੋਟੋ ਫਾਇਲ : ਘੱਟ ਗਿਣਤੀ ਲੋਕ ਭਲਾਈ ਸੰਸਥਾ ਦੇ ਪ੍ਰਧਾਨ ਸ੍ਰ ਸਤਨਾਮ ਸਿੰਘ ਗਿੱਲ