ਪਿੰਡ ਬੱਲੂਆਣਾ ਦੇ ਸ਼ਹੀਦ ਊਧਮ ਸਿੰਘ ਸਟੇਡੀਅਮ ਵਿੱਚ ਨੈਸ਼ਨਲ ਲੈਵਲ ਲਈ ਆਰਚਰੀ ਟਰਾਈਲਾਂ ਦੀ ਸ਼ੁਰੂਆਤ

ਪੱਟੀ ਸਦੀਕ, 10 ਨੰਵਬਰ (ਬਲਕਰਨ ਸਿੰਘ ਮਸ਼ਾਲ)- ਬੱਲੂਆਣਾ ਦਾ ਸ਼ਹੀਦ ਊਧਮ ਸਿੰਘ ਖੇਡ ਸਟੇਡੀਅਮ ਉਦੋਂ ਇਤਿਹਾਸਿਕ ਬਣ ਗਿਆ ਜਦੋਂ ਪੰਜਾਬ ਆਰਚਰੀ ਅਸੋਸੀਏਸ਼ਨ ਵੱਲੋਂ ਗ੍ਰਾਮ ਪੰਚਾਇਤ ਬੱਲੂਆਣ ਦੇ ਸਹਿਯੋਗ ਨਾਲ ਅਤੇ ਬੱਲੂਆਣਾ ਪਿੰਡ ਦੇ ਹੋਣਹਾਰ ਕੋਚ ਸ਼੍ਰੀ ਰਵਿੰਦਰ ਕੁਮਾਰ ਦੀ ਰਹਿਨੁਮਾਈ ਹੇਠ ਕੁਝ ਵਕਤ ਬਾਅਦ ਨੈਸ਼ਨਲ ਲੈਵਲ ਦੇ ਕੰਪੀਟੀਸ਼ਨ ਵਿੱਚ ਭਾਗ ਲੈਣ ਲਈ ਪੰਜਾਬ ਦੀ ਟੀਮ ਦੀ ਚੋਣ ਲਈ ਟਰਾਇਲ ਸ਼ੁਰੂਆਤ ਹੋਈ। ਮੁੱਖ ਮਹਿਮਾਨ ਵਜੋਂ ਆਮ ਆਦਮੀ ਪਾਰਟੀ ਦੇ ਹਲਕਾ ਬੱਲੂਆਣਾ ਦੇ ਮੀਡੀਆ ਵਾਈਸ ਕੋਆਰਡੀਨੇਟਰ ਅਤੇ ਮੌਜੂਦਾ ਸਰਪੰਚ ਸ਼੍ਰੀ ਭਜਨ ਲਾਲ ਬੱਲੂਆਣਾ ਆਪਣੀ ਗ੍ਰਾਮ ਪੰਚਾਇਤ ਸਮੇਤ ਪਹੁੰਚੇ। ਦੱਸਣ ਯੋਗ ਹੈ ਕਿ ਪਿਛਲੇਂ ਲੰਬੇ ਸਮੇਂ ਤੋਂ ਪਿੰਡ ਬੱਲੂਆਣਾ ਵਿੱਚ ਆਰਚਰੀ ਨਰਸਰੀ ਪੰਜਾਬ ਸਰਕਾਰ ਦੇ ਸਪੋਰਟਸ ਵਿਭਾਗ ਦੇ ਸਹਿਯੋਗ ਨਾਲ ਚੱਲ ਰਹੀ ਹੈ। ਇਸ ਨਰਸਰੀ ਵਿੱਚੋਂ ਸਟੇਟ ਲੈਵਲ ਅਤੇ ਨੈਸ਼ਨਲ ਲੈਵਲ ਦੇ ਖਿਡਾਰੀ ਨਿਕਲ ਚੁੱਕੇ ਹਨ ਦੱਸਣ ਯੋਗ ਹੈ ਕਿ ਪੰਜਾਬ ਦੇ 16 ਜ਼ਿਲ੍ਹਿਆਂ ਦੀਆਂ ਟੀਮਾਂ ਆਪੋ ਆਪਣੇ ਕੋਚਾਂ ਸਮੇਤ ਇਥੇ ਪਹੁੰਚੀਆਂ‌। ਇਹ ਟਰਾਇਲ ਅੱਜ ਅਤੇ ਕੱਲ ਦੋ ਦਿਨ ਚਲਣੇ ਹਨ। ਵੱਖ-ਵੱਖ ਜ਼ਿਲ੍ਹਿਆਂ ਦੇ ਕੋਚਾਂ ਤੋਂ ਇਲਾਵਾ ਸ਼ਹੀਦ ਊਧਮ ਸਿੰਘ ਵੈਲਫ਼ੇਅਰ ਸੋਸਾਇਟੀ ਦੇ ਪੰਜਾਬ ਉਪ ਪ੍ਰਧਾਨ ਸ਼੍ਰੀ ਰਮਨ ਕੰਬੋਜ ਸੰਤ ਕਰਤਾਰ ਸਿੰਘ ਸਪੋਰਟਸ ਕਲੱਬ ਦੇ ਪ੍ਰਧਾਨ ਰਾਣਾ ਕੰਬੋਜ, ਸ਼੍ਰੀ ਸੰਦੀਪ ਕੰਬੋਜ ਚੇਅਰਮੈਨ, ਮੈਂਬਰ ਧਰਮਿੰਦਰ ਕੁਮਾਰ, ਮੈਂਬਰ ਸੁਨੀਲ ਕੁਮਾਰ, ਮੈਂਬਰ ਗਗਨਦੀਪ ਉਰਫ ਬਾਬਾ ਰਮਨ ਪੰਜਾਬ ਖੇਡ ਵਿਭਾਗ ਦੇ ਕੋਚ ਸ. ਪਰਵਿੰਦਰ ਸਿੰਘ, ਸ. ਬਲਜਿੰਦਰ ਸਿੰਘ ਸ. ਅਮਰਿੰਦਰ ਸਿੰਘ, ਗੁਰ ਪ੍ਰਤਾਪ ਸਿੰਘ, ਸੋਹਣ ਲਾਲ ਸੋਨੀ, ਸਰਬਜੀਤ ਸਿੰਘ ਸੰਧੂ ਪਰਮਜੀਤ ਸਿੰਘ ਪਰਮਾ, ਮੁਕੇਸ਼ ਰਜੋਰੀਆ ਤੋਂ ਇਲਾਵਾ ਪਿੰਡ ਦੇ ਬਹੁਤ ਸਾਰੇ ਲੋਕ ਸ਼ਾਮਿਲ ਹੋਏ ਬੱਚਿਆਂ ਨੂੰ ਸੰਬੋਧਨ ਕਰਦਿਆਂ ਮੁੱਖ ਮਹਿਮਾਨ ਸ਼੍ਰੀ ਭਜਨ ਲਾਲ ਬੱਲੂਆਣਾ ਨੇ ਬੱਚਿਆਂ ਨੂੰ ਖੇਡਾਂ ਦੀ ਮਹੱਤਤਾ ਅਤੇ ਉਨ੍ਹਾਂ ਦੇ ਮਾਪਿਆਂ

ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਪ੍ਰੇਰਿਤ ਕੀਤਾ। ਗ੍ਰਾਮ ਪੰਚਾਇਤ ਬੱਲੂਆਣਾ ਵੱਲੋਂ ਬੱਚਿਆਂ ਨੂੰ ਰਿਫਰੈਸ਼ਮੈਂਟ ਦੇ ਕੇ ਉਨ੍ਹਾਂ ਦਾ ਹੌਂਸਲਾ ਵਧਾਇਆ ਅਤੇ ਨਾਲ ਆਏ ਕੋਚ ਸਾਹਿਬਾਨਾਂ ਅਤੇ ਮਾਪਿਆਂ ਦਾ ਧੰਨਵਾਦ ਕੀਤਾ।