ਬਲਾਕ ਪੰਜਗਰਾਈਆਂ ਵਿੱਚ ਡੇਂਗੂ ਤੋਂ ਬਚਾਅ ਲਈ ਕੀਤਾ ਜਾਗਰੂਕ

 ਕਿਤੇ ਵੀ ਵਾਧੂ ਪਾਣੀ ਨਾ ਖੜਨ ਦਿੱਤਾ ਜਾਵੇ-ਡਾ. ਭਿੰਡਰ

ਸੰਦੌੜ, 27 ਜੂਨ (ਬੋਪਾਰਾਏ)   ਸਿਵਲ ਸਰਜਨ ਮਲੇਰਕੋਟਲਾ ਡਾ.ਸੰਜੇ ਗੋਇਲ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਸੀਨੀਅਰ ਮੈਡੀਕਲ ਅਫਸਰ ਪੀ.ਐਚ.ਸੀ ਫਤਿਹਗੜ੍ਹ ਪੰਜਗਰਾਈਆਂ ਡਾ.ਜੀ.ਐਸ ਭਿੰਡਰ ਦੀ ਅਗਵਾਈ ਦੇ ਵਿੱਚ ਜਿਲ੍ਹਾ ਐਪੀਡਮਾਲੋਜਿਸਟ ਡਾਕਟਰ ਰਮਨਦੀਪ ਕੌਰ ਅਤੇ ਡਾ.ਮੁਨੀਰ ਮੁਹੰਮਦ ਦੀ ਨਿਗਰਾਨੀ ਹੇਠ ਚੱਲ ਰਹੇ ਐਨ.ਵੀ.ਬੀ.ਡੀ.ਸੀ.ਪੀ,ਆਈ.ਡੀ.ਐਸ.ਪੀ ਪ੍ਰੋਗਰਾਮ ਅਧੀਨ ਸਿਹਤ ਵਿਭਾਗ ਦੀਆਂ ਵੱਖ ਵੱਖ ਟੀਮਾਂ ਵੱਲੋਂ ਡੇਂਗੂ ਤੋਂ ਬਚਾਅ ਲਈ ਲੋਕਾਂ ਨੂੰ ਜਾਗਰੂਕ ਕੀਤਾ ਗਿਆ ਅਤੇ ਘਰਾਂ ਦੇ ਵਿੱਚ ਲਾਰਵੇ ਦਾ ਨਿਰੀਖਣ ਕੀਤਾ ਗਿਆ ਇਸ ਮੌਕੇ ਗੱਲਬਾਤ ਕਰਦੇ ਹੋਏ ਸੀਨੀਅਰ ਮੈਡੀਕਲ ਅਫਸਰ ਡਾ. ਜੀ ਭਿੰਡਰ ਨੇ ਕਿਹਾ ਕਿ  ਵਿਭਾਗ ਦੀਆਂ ਟੀਮਾਂ ਲਗਾਤਾਰ ਡੇਂਗੂ ਤੋਂ ਬਚਾ ਲਈ ਲੋਕਾਂ ਨੂੰ ਜਾਗਰੂਕ ਕਰ ਰਹੀਆਂ ਹਨ ਅਤੇ ਡੇਂਗੂ ਦੇ ਕਾਰਨ,ਲੱਛਣ ਅਤੇ ਬਚਾਅ ਸਬੰਧੀ ਆਨਸਾਈਟ ਜਾਣਕਾਰੀ ਦੇ ਰਹੀਆਂ ਹਨ, ਉਹਨਾਂ ਨੇ ਕਿਹਾ ਕਿ ਡੇਂਗੂ ਦਾ ਮੱਛਰ ਸਾਫ ਖੜੇ ਪਾਣੀ ਤੇ ਪੈਦਾ ਹੁੰਦਾ ਹੈ ਇਸ ਲਈ ਘਰਾਂ ਵਿੱਚ ਕਿਤੇ ਵੀ ਵਾਧੂ ਪਾਣੀ ਲਗਾਤਾਰ ਨਾ ਖੜਨ ਦਿੱਤਾ ਜਾਵੇ ਅਤੇ ਫਰਿੱਜਾਂ ਦੀਆਂ ਟਰੇਆਂ,ਕੂਲਰਾਂ ਤੇ ਹੌਦੀਆਂ ਆਦ ਨੂੰ ਹਫਤੇ ਵਿੱਚ ਇੱਕ ਵਾਰ ਚੰਗੀ ਤਰ੍ਹਾਂ ਸਾਫ ਕਰਕੇ ਭਰਿਆ ਜਾਵੇ ਅਤੇ ਆਪਣੇ ਸਰੀਰ ਨੂੰ ਮੱਛਰ ਦੇ ਕੱਟਣ ਤੋਂ ਬਚਾ ਲਈ ਢੱਕ ਕੇ ਰੱਖਦੇ ਹੋਏ ਮੱਛਰਦਾਨੀ ਸਮੇਤ ਮੱਛਰ ਰੋਕੂ ਪ੍ਰੋਡਕਟ ਵਰਤੇ ਜਾਣ ਤਾਂ ਜੋ ਡੇਂਗੂ ਤੋਂ ਪੂਰੀ ਤਰ੍ਹਾਂ ਬਚਾ ਹੋ ਸਕੇ | ਉਹਨਾਂ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ ਦੇ ਵਿੱਚ ਵੀ ਡੇਂਗੂ ਦੇ ਖਿਲਾਫ  ਬਲਾਕ  ਪੰਜਗਰਾਈਆਂ ਪੂਰੀ ਮੁਸਤੈਦੀ ਦੇ ਨਾਲ ਕੰਮ ਕਰਦਾ ਰਹੇਗਾ| ਇਸ ਮੌਕੇ

ਮਲਟੀਪਰਪਜ ਸੁਪਰਵਾਈਜਰ ਗੁਲਜਾਰ ਖਾਨ,ਕਰਮਦੀਨ ਹਰਮਿੰਦਰ ਸਿੰਘ,ਸਾਦਕ ਅਲੀ,ਹਰਭਜਨ ਸਿੰਘ, ਈਜਾਜ ਅਲੀ,ਰਾਜੇਸ਼ ਰਿਖੀ,ਮਨਦੀਪ ਸਿੰਘ ਕੰਗਣ ਵਾਲ,ਜਸਪਿੰਦਰ ਸਿੰਘ,ਲਖਵਿੰਦਰ ਸਿੰਘ, ਗੁਰਮੇਲ ਸਿੰਘ,ਮੋਹਣ ਸਿੰਘ,ਇੰਦਰਜੀਤ ਸਿੰਘ,ਗੁਰਵੀਰ ਸਿੰਘ,ਚਮਕੌਰ ਸਿੰਘ,ਜਸਵੀਰ ਸਿੰਘ,ਦਲਜੀਤ ਸਿੰਘ,ਧਰਮਜੀਤ ਸਿੰਘ,ਮਨਦੀਪ ਸਿੰਘ ਧਲੇਰ,ਕਰਮਜੀਤ ਸਿੰਘ ਮਤੋਈ,ਨਿਰਭੈ ਸਿੰਘ,ਵਿਪਨ ਕੁਮਾਰ,ਪ੍ਰਿੰਸ ਕੁਮਾਰ ਮੁਹੰਮਦ ਇਲਿਆਸ,ਗੁਰਪ੍ਰੀਤ ਸਿੰਘ ਕਰਮਜੀਤ ਸਿੰਘ,ਗਗਨਦੀਪ ਨਾਗਰ ਵੀ ਹਾਜ਼ਰ ਸਨ |