ਲੋਕ ਹਿੱਤ ਮਿਸ਼ਨ ਵੱਲੋਂ ਟੋਲ ਪਲਾਜ਼ਾ ਬੜੌਦੀ ਤੇ ਮੁੱਲਾਂਪੁਰ ਬੈਰੀਅਰ ਵਿਖੇ ਜਾਮ ਲਗਾਇਆ ਗਿਆ ਤੇ ਦੁਕਾਨਦਾਰ ਵੱਲੋਂ ਬਜ਼ਾਰ ਬੰਦ ਰੱਖੇ ਗਏ

ਨਿਊ ਚੰਡੀਗੜ੍ਹ, 21 ਅਗਸਤ (ਬਜੀਦਪੁਰ) – ਕੌਮੀ ਇਨਸਾਫ਼ ਮੋਰਚੇ ਵੱਲੋਂ ਜਥੇਦਾਰ ਹਵਾਰਾ ਦੀ ਪੈਰੋਲ ਰੂ ਲੈ ਕੇ ਦਿੱਤੇ ਪੰਜਾਬ ਬੰਦ ਦੇ ਸੱਦੇ ਤੇ ਲੋਕ ਹਿੱਤ ਮਿਸ਼ਨ ਬੀਕੇਯੂ ਵੱਲੋਂ ਟੋਲ ਪਲਾਜ਼ਾ ਬੜੌਦੀ ਤੇ ਮੁੱਲਾਂਪੁਰ ਬੈਰੀਅਰ ਵਿਖੇ ਜਾਮ ਲਗਾਇਆ ਗਿਆ ਤੇ ਦੁਕਾਨਦਾਰ ਵੱਲੋਂ ਬਜ਼ਾਰ ਬੰਦ ਰੱਖੇ ਗਏ। ਇਸ ਸੰਬੰਧੀ ਇਕੱਠ ਦੌਰਾਨ ਬੋਲਦਿਆਂ ਗੁਰਮੀਤ ਸਿੰਘ ਸ਼ਾਂਟੂ, ਰਵਿੰਦਰ ਸਿੰਘ ਬਜੀਦਪੁਰ, ਭਗਤ ਸਿੰਘ ਭਗਤ ਮਾਜਰਾ, ਹਰਜੀਤ ਸਿੰਘ ਹਰਮਨ, ਜਗਦੇਵ ਸਿੰਘ ਮਲੋਆ,  ਕੁਲਵੰਤ ਸਿੰਘ ਸੰਗਤਪੁਰਾ, ਗੁਰਸ਼ਰਨ ਸਿੰਘ ਨੱਗਲ, ਬਾਬਾ ਸ਼ਿੰਗਾਰਾਂ ਸਿੰਘ, ਬਲਵਿੰਦਰ ਸਿੰਘ ਰੰਗੂਆਣਾ, ਗੁਰਬਚਨ ਸਿੰਘ ਮੁੰਧੋਂ ਤੇ ਰਵਿੰਦਰ ਸਿੰਘ ਹੁਸਿਆਰਪੁਰ ਨੇ ਕਿਹਾ ਕਿ ਭਾਰਤ ‘ਚ ਕੇਂਦਰ ਅਤੇ ਕਾਨੂੰਨ ਪੰਜਾਬ ਨਾਲ ਇਨਸਾਫ ਮਾਮਲੇ ‘ਚ ਪੂਰਾ ਵਿਤਕਰਾ ਕਰ ਰਿਹਾ ਹੈ। ਇਸ ਲਈ ਸਾਨੂੰ ਅੱਜ ਅਣਖ ਲਈ ਲੜਨਾ ਪੈ ਰਿਹਾ ਹੈ ਕਿ ਇੱਕ ਪਾਸੇ ਸੌਦਾ ਸਾਧ ਨੂੰ ਵਾਰ ਵਾਰ ਪੈਰੌਲ ਦਿੱਤੀ ਜਾ ਰਹੀ ਹੈ, ਦੂਜੇ ਪਾਸੇ ਜਥੇਦਾਰ ਜਗਤਾਰ ਸਿੰਘ ਹਵਾਰਾ ਨੂੰ ਆਪਣੀ ਮਾਂ ਨੂੰ ਮਿਲਣ ਲਈ ਵੀ ਪੈਰੋਲ ਨਹੀਂ ਦਿੱਤੀ ਜਾ ਰਹੀ। ਇਸ ਲਈ ਪੰਜਾਬ ਆਪਣੀ ਅਣਖ ਨੂੰ ਲੈ ਕੇ ਸਦਾ ਡੱਟਿਆ ਰਹੇਗਾ। ਇਸ ਦੌਰਾਨ ਜਿੱਥੇ ਐਮਰਜੈਂਸੀ ਵਾਹਨਾਂ ਨੂੰ ਛੱਡਕੇ ਚੱਕਾ ਜਾਮ ਰੱਖਿਆ ਗਿਆ ਉਥੇ ਨਿਊ ਚੰਡੀਗੜ੍ਹ, ਮੁੱਲਾਂਪੁਰ, ਮਾਜਰਾ, ਮਾਜਰੀ ਬਲਾਕ, ਸਿਆਲਬਾ , ਖਿਜਰਾਬਾਦ ਤੇ ਕੁਰਾਲੀ ਦੇ ਬਜ਼ਾਰ ਵੀ ਬੰਦ ਰਹੇ। ਇਸ ਮੌਕੇ ਰਮਨਜੀਤ ਸਿੰਘ ਲਿੱਦੜ, ਬਹਾਦਰ ਸਿੰਘ ਮੁੰਧੋਂ, ਗੁਰਮੀਤ ਸਿੰਘ ਫਤੇਗੜ੍ਹ, ਸਰਪੰਚ ਹਰਜੀਤ ਸਿੰਘ ਢਕੋਰਾਂ, ਜਸਮਿੰਦਰ ਸਿੰਘ ਸੰਗਤਪੁਰਾ, ਗੁਰਦੇਵ ਸਿੰਘ ਕੁਬਾਹੇੜੀ, ਸਰਬਜੀਤ ਸਿੰਘ ਸੰਗਤਪੁਰਾ, ਸਰਬਜੀਤ ਸਿੰਘ ਫਿਰੋਜ਼ਪੁਰ, ਗੁਰਦੀਪ ਸਿੰਘ ਮਹਿਰਮਪੁਰ, ਸੁਰਿੰਦਰਪਾਲ ਛਿੰਦਾ, ਜਸਵੀਰ ਸਿੰਘ ਲਾਲਾ, ਬਹਾਦਰ ਸਿੰਘ ਚਾਹੜਮਾਜਰਾ, ਰਾਜਿੰਦਰ ਸਿੰਘ ਪੜੋਲ, ਦਰਸਨ ਸਿੰਘ ਕੰਸਾਲਾ, ਸਰਪੰਚ ਬਲਦੇਵ ਸਿੰਘ ਕਰਤਾਰਪੁਰ ਤੇ ਤਰਲੋਚਨ ਸਿੰਘ ਤੱਕੀਪੁਰ ਆਦਿ ਹਾਜ਼ਰ ਸਨ।