ਵਣ ਰੇਂਜ ਅਫ਼ਸਰ ਰਘਬੀਰ ਸਿੰਘ ਦੀ ਸੇਵਾਮੁਕਤੀ ਮੌਕੇ ਪਿੰਕ ਰੋਜ਼ ਹੋਟਲ ਗੜ੍ਹਸ਼ੰਕਰ ਵਿਖੇ ਹੋਇਆ ਸ਼ਾਨਦਾਰ ਵਿਦਾਇਗੀ ਸਮਾਗਮ

ਬਲਾਚੌਰ, 31 ਜੁਲਾਈ (ਜਤਿੰਦਰਪਾਲ ਸਿੰਘ ਕਲੇਰ):=ਪਿੰਕ ਰੋਜ਼ ਹੋਟਲ ਗੜ੍ਹਸ਼ੰਕਰ ਵਿਖੇ ਵਣ ਰੇਂਜ ਅਫ਼ਸਰ ਬਲਾਚੌਰ ਰਘਬੀਰ ਸਿੰਘ ਦੀ ਰਿਟਾਇਰਮੈਂਟ ਪਾਰਟੀ ਸਮੇਂ ਸਮੂਹ ਸਟਾਫ ਵਣ ਮੰਡਲ ਨਵਾਂਸ਼ਹਿਰ ਵਲੋਂ ਉਨ੍ਹਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਰਘਬੀਰ ਸਿੰਘ ਨੇ ਆਪਣੀ ਨੌਕਰੀ ਦੌਰਾਨ ਸਖਤ ਮਿਹਨਤ ਤੇ ਪੂਰੀ ਇਮਾਨਦਾਰੀ ਨਾਲ ਆਪਣੀਆਂ ਸੇਵਾਵਾਂ ਨਿਭਾਈਆਂ, ਜਿਸ ਦੀ ਹਾਜ਼ਰੀਨ ਵੱਲੋਂ ਭਰਪੂਰ ਪ੍ਰਸ਼ੰਸਾ ਕੀਤੀ ਗਈ।ਇਸ ਸ਼ਾਨਦਾਰ ਸਮਾਗਮ ਵਿੱਚ ਡੀਐਫਓ ਹਰਭਜਨ ਸਿੰਘ, ਡੀਐਫਓ ਸੁਨੀਲ ਕੁਮਾਰ, ਸੁਭਾਸ਼ ਚੰਦਰ ਰੇਂਜ ਅਫਸਰ ਗੜ੍ਹਸ਼ੰਕਰ, ਸੁਰਿੰਦਰਪਾਲ ਰੇਂਜ ਅਫਸਰ ਬਲਾਚੌਰ, ਭੁਪਿੰਦਰ ਸਿੰਘ ਰੇਂਜ ਅਫਸਰ ਕਾਠਗੜ੍ਹ, ਜਗਦੀਪ ਕੁੰਬੜਾ ਪ੍ਰਧਾਨ ਆਲ ਇੰਡੀਆ ਫਾਰੈਸਟ ਫੈਡਰੇਸ਼ਨ, ਜਸਬੀਰਪਾਲ ਪ੍ਰਧਾਨ, ਸੀਨੀਅਰ ਮੀਤ ਪ੍ਰਧਾਨ ਪੰਜਾਬ ਗੁਰਮੋਹਨ ਸਿੰਘ, ਰਵਿੰਦਰ ਸਿੰਘ ਜਨਰਲ ਸਕੱਤਰ, ਹਰਮਨਦੀਪ ਸਿੰਘ, ਰਜਤ ਕੁਮਾਰ, ਕਿਰਸ਼ਨ ਗੋਪਾਲ, ਵਿਜੈ ਕੁਮਾਰ ਅਤੇ ਵਣ ਮੰਡਲ ਦਾ ਸਮੂਹ ਸਟਾਫ਼ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਰਿਹਾ। ਹਾਜ਼ਰ ਸਟਾਫ਼ ਨੇ ਰਘਬੀਰ ਸਿੰਘ ਨੂੰ ਉਨ੍ਹਾਂ ਦੇ ਉੱਜਵਲ ਭਵਿੱਖ ਅਤੇ ਚੰਗੀ ਸਿਹਤ ਲਈ ਹਾਰਦਿਕ ਸ਼ੁਭਕਾਮਨਾਵਾਂ ਦਿੱਤੀਆਂ।