ਸ਼ਹਿਰ ਦੇ ਕਿਸੇ ਵੀ ਵਪਾਰੀ ਨੂੰ ਮੁਸ਼ਕਿਲ ਨਹੀਂ ਆਉਣ ਦਿੱਤੀ ਜਾਵੇਗੀ- ਐਸ ਐਚ ਓ ਅਮਰੀਕ ਸਿੰਘ ਗਰੇਵਾਲ 

ਤਪਾ ਮੰਡੀ 9 ਜੁਲਾਈ (ਗੋਲਡੀ ਵਿਆਸ)-ਪੁਲਿਸ ਥਾਣਾ ਤਪਾ ਦੇ ਮੁੱਖ ਅਫਸਰ ਅਮਰੀਕ ਸਿੰਘ ਗਰੇਵਾਲ ਅਤੇ ਸਿਟੀ ਇੰਚਾਰਜ ਬਲਜੀਤ ਸਿੰਘ ਵੱਲੋਂ ਪਲੇਠੀ ਮੀਟਿੰਗ ਤਪਾ ਵਪਾਰ ਮੰਡਲ ਨਾਲ ਸੀ੍ ਗੀਤਾ ਭਵਨ ਵਿਖੇ ਕੀਤੀ, ਜਿਸ ਵਿੱਚ ਵੱਡੀ ਗਿਣਤੀ ਵਿੱਚ ਵਪਾਰ ਵਰਗ ਦੇ ਵੱਖ ਵੱਖ ਨੁਮਾਇੰਦੇ ਸ਼ਾਮਿਲ ਹੋਏ। ਇਸ ਦੌਰਾਨ ਥਾਣਾ ਤਪਾ ਦੇ ਐਸਐਚਓ ਅਮਰੀਕ ਸਿੰਘ ਅਤੇ ਸਿਟੀ ਇੰਚਾਰਜ ਬਲਜੀਤ ਸਿੰਘ ਨੇ ਵਿਸ਼ਵਾਸ਼ ਦਿਵਾਇਆ ਕਿ ਸ਼ਹਿਰੀਆਂ ਦੀ ਸੁਰੱਖਿਆ ਨੂੰ ਬਰਕਰਾਰ ਰੱਖਿਆ ਜਾਵੇਗਾ ਅਤੇ ਕਿਸੇ ਵੀ ਸ਼ਹਿਰ ਦੇ ਵਪਾਰੀ ਨੂੰ ਕੋਈ ਵੀ ਮੁਸ਼ਕਿਲ ਨਹੀਂ ਆਉਣ ਦਿੱਤੀ ਜਾਵੇਗ। ਇਸ ਮੌਕੇ ਵਪਾਰ ਮੰਡਲ ਦੇ ਪ੍ਰਧਾਨ ਦੀਪਕ ਬਾਂਸਲ ਅਤੇ ਹੋਰ ਵਪਾਰੀਆਂ ਨੇ ਵੱਖ-ਵੱਖ ਸੁਝਾਅ ਦਿੱਤੇ। ਜਿਸ ਵਿੱਚ ਸ਼ੈਲਰ ਐਸੋਸੀਏਸ਼ਨ ਵੱਲੋਂ ਹੋ ਰਹੀ ਚਾਵਲਾਂ ਦੀ ਚੋਰੀ ਸਬੰਧੀ ਨਿੱਜੀ ਸੁਰੱਖਿਆ ਗਾਰਡਾਂ ਦਾ ਪ੍ਰਬੰਧ ਕਰਨ ਲਈ ਆਪਣੀ ਜਿੰਮੇਵਾਰੀ ਵਿਖਾਈ ਗਈ ਅਤੇ ਸ਼ਹਿਰ ਵਿੱਚ ਲੱਗੇ ਕੈਮਰਿਆਂ ਉੱਤੇ ਨਿਗਰਾਨੀ ਅਤੇ ਉਨਾਂ ਦੀ ਸਾਂਭ ਸੰਭਾਲ ਲਈ ਪੁਲਿਸ ਪ੍ਰਬੰਧਾਂ ਨੂੰ ਪੁਖਤਾ ਰੱਖਣ ਵਾਸਤੇ ਵਪਾਰੀਆਂ ਨੇ ਮੰਗ ਰੱਖਦਿਆਂ ਹੋਇਆਂ ਪੁਲਿਸ ਪ੍ਰਸ਼ਾਸਨ ਦੇ ਨੰਬਰ ਜਨਤਕ ਕਰਨ ਲਈ ਵੀ ਕਿਹਾ ਗਿਆ। ਇਸ ਮੌਕੇ ਐਸਐਚ ਓ ਅਮਰੀਕ ਸਿੰਘ ਨੇ ਦੱਸਿਆ ਕਿ ਸਮਾਜ ਵਿਰੋਧੀ ਅਨਸਰਾਂ ਤੇ ਪੁਲਿਸ ਦੀ ਤਿੱਖੀ ਨਜ਼ਰ ਹੈ ਅਗਰ ਕੋਈ ਵੀ ਵਿਅਕਤੀ ਅਜਿਹੀ ਵਾਰਦਾਤ ਕਰਦਾ ਜਾਂ ਸਲਾਹ ਕਰਦਾ ਨਜ਼ਰ ਆਉਂਦਾ ਹੈ ਤਾਂ ਉਸਦੀ ਸੂਚਨਾ ਪੁਲਿਸ ਪ੍ਰਸ਼ਾਸਨ ਨੂੰ ਦਿੱਤੀ ਜਾਵੇ। ਉਨ੍ਹਾਂ ਕਿਹਾ ਕਿ ਬੋਲਟ ਮੋਟਰਸਾਈਕਲਾਂ ਤੇ ਪਟਾਕੇ ਚਲਾਉਣ ਵਾਲੇ ਚਾਲਕਾਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।ਇਸ ਮੌਕੇ ਸੰਦੀਪ ਵਿੱਕੀ ਚੇਅਰਮੈਨ ਵਪਾਰ ਮੰਡਲ, ਉਪ ਚੇਅਰਮੈਨ ਮੋਹਨ ਲਾਲ ਗੋਗਾ , ਮੀਤ ਪ੍ਰਧਾਨ ਵਪਾਰ ਮੰਡਲ ਭੂਸ਼ਨ ਘੜੈਲਾ, ਰਮੇਸ਼ ਗੋਇਲ ਮੇਸ਼ੀ, ਪਰਵੀਨ ਗਰਗ ਘੁੰਨਸ, ਬਸਾਤੀ ਯੂਨੀਅਨ ਦੇ ਪ੍ਰਧਾਨ ਬੱਬੂ ਤਨੇਜਾ, ਫੋਟੋਗਰਾਫ਼ਰ ਐਸੋਸੀਏਸ਼ਨ ਦੇ ਪ੍ਰਧਾਨ ਵਿਜੇ ਸ਼ਰਮਾ, ਵਰਿੰਦਰ ਗੋਇਲ, ਆੜਤੀਆ ਐਸੋਸੀਏਸ਼ਨ ਦੇ ਸੁਰੇਸ਼ ਕੁਮਾਰ ਕਾਲਾ, ਮਨੀਸ਼ ਮਿੱਤਲ, ਸ਼ੈਲਰ ਐਸੋਸੀਏਸ਼ਨ ਦੇ ਸੰਜੀਵ ਟਾਂਡਾ, ਕਰਮੀ ਮੈਡੀਕਲ, ਰਾਹੁਲ ਮਹਿਤਾ, ਕੱਪੜਾ ਐਸੋਸੀਏਸ਼ਨ ਦੇ ਤੇਲੂ ਰਾਮ, ਪ੍ਰਦੀਪ ਕੁਮਾਰ  ਦੀਪਾ,  ਪੈਸਟੀਸਾਈਡ ਐਸੋਸੀਏਸ਼ਨ ਦੇ ਦੀਪਕ ਕੁਮਾਰ ਦੀਪੂ ਭੈਣੀ, ਸੁਭਾਸ਼ ਗੁਪਤਾ, ਸੁਸ਼ੀਲ ਕੁਮਾਰ ਲਵਲੀ,ਪ੍ਰਵੀਨ ਕੁਮਾਰ ਰੂੜੇਕੇ, ਸਵਰਨਕਾਰ ਐਸੋਸੀਏਸ਼ਨ ਦੇ ਪ੍ਰਵੀਨ ਕੁਮਾਰ, ਕਮਿਸ਼ਟ ਐਸੋਸੀਏਸ਼ਨ ਸ਼ੀਲਾ ਤਾਜੋ, ਬਾਬਰ ਹਲਵਾਈ ਤੇ ਇਲਾਵਾ ਹੋਰ ਵੀ ਵੱਡੀ ਗਿਣਤੀ ਵਿੱਚ ਦੁਕਾਨਦਾਰ ਹਾਜ਼ਰ ਸਨ।