Manpreet Singh
ਬੱਸੀ ਪਠਾਣਾ, 06 ਦਸੰਬਰ (ਉਦੇ ਧੀਮਾਨ): ਸ਼੍ਰੋਮਣੀ ਅਕਾਲੀ ਦਲ ਵਾਰਡ ਨੰਬਰ 13 ਦੇ ਕੌਂਸਲਰ ਤੇ ਸਮਾਜ ਸੇਵੀ ਮਨਪ੍ਰੀਤ ਸਿੰਘ ਹੈਪੀ ਨੇ ਮੀਡਿਆ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਨਗਰ ਕੌਂਸਲ ਦੇ ਸਫ਼ਾਈ ਕਰਮਚਾਰੀਆਂ ਨੂੰ ਸਫ਼ਾਈ ਲਈ ਦਿੱਤੀਆਂ ਗਈਆਂ ਰੇਹੜੀਆਂ ਤੇ ਟਰਾਲੀਆਂ ਟੁੱਟੀਆਂ ਪਈਆਂ ਹਨ। ਉਨ੍ਹਾਂ ਕਿਹਾ ਕਿ ਜਿਸ ਕਾਰਨ ਉਨ੍ਹਾਂ ਨੂੰ ਕੁੜਾ ਚੁੱਕਣ ਲਈ ਕਈ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਤੇ ਕੂੜਾ ਚੁੱਕਕੇ ਲੈਕੇ ਜਾਂਦੇ ਹੋਏ ਅੱਧ ਤੋਂ ਵੱਧ ਕੂੜਾ ਸੜਕਾਂ ਤੇ ਖਿਲਰਦਾ ਜਾਂਦਾ ਹੈ ਤੇ ਰੇਹੜੀਆਂ ਦੀ ਹਾਲਤ ਪੂਰੀ ਤਰ੍ਹਾਂ ਖਸਤਾ ਹੈ ਜ਼ੋ ਰੋੜਨੀਆ ਬਹੁਤ ਔਖੀਆਂ ਨੇ। ਉਨ੍ਹਾਂ ਕਿਹਾ ਕਿ ਗ਼ਿਲਾ ਸੁੱਕਾ ਕੁੜਾ ਚੱਕਣ ਲਈ ਜੋ ਦੋ ਛੋਟੇ ਹਾਥੀਨਗਰ ਕੌਸਲ ਵੱਲੋ ਲਗਾਏ ਗਏ ਨੇ ਉਨ੍ਹਾਂ ਵਿੱਚੋਂ ਇੱਕ ਖ਼ਰਾਬ ਖੜਾ ਤੇ ਦੂਜਾ ਧੱਕਾ ਸ਼ਟਾਟ ਹੈ। ਉਨ੍ਹਾਂ ਕਿਹਾ ਕਿ ਨਗਰ ਕੌਂਸਲ ਵੱਲੋਂ ਲੱਗਪਗ ਤਿੰਨ ਮਹੀਨੇ ਪਹਿਲਾਂ ਬਿਜਲੀ ਨਾਲ ਚੱਲਣ ਵਾਲੇ ਈ ਰਿਕਸ਼ੇ ਖ਼ਰੀਦੇ ਗਏ ਸਨ, ਜ਼ੋ ਹੁਣ ਤੱਕ ਸਫਾਈ ਕਰਮਚਾਰੀਆਂ ਨੂੰ ਨਹੀਂ ਦਿੱਤੇ ਗਏ। ਇਹ ਬਿਜਲੀ ਨਾਲ ਚੱਲਣ ਵਾਲੇ ਈ ਰਿਕਸ਼ਾ ਹਨ।ਜ਼ੋ ਚਾਰਜਿੰਗ ਨਾਂ ਹੋਣ ਕਰਨ ਖ਼ਰਾਬ ਹੋ ਸਕਦੇ ਹਨ। ਜ਼ੋ ਕੀ ਲੋਕਾਂ ਵੱਲੋ ਟੈਕਸ ਦੇ ਰੂਪ ਚ ਵਸੂਲੇ ਗਏ ਪੈਸਿਆਂ ਦੀ ਬਰਬਾਦੀ ਹੈ। ਉਨ੍ਹਾਂ ਕਿਹਾ ਕਿ ਸ਼ਹਿਰ ਬਸੀ ਪਠਾਣਾਂ ਦੀਆਂ ਗਲੀਆਂ ਨਾਲੀਆਂ ਦਾ ਬਹੁਤ ਬੁਰਾ ਹਾਲ ਹੈ ਨਾਲੀਆਂ ਗੰਦਗੀ ਨਾਲ ਭਰੀਆਂ ਪਈਆਂ ਨੇ ਜਿਸ ਵੱਲ ਨਗਰ ਕੌਂਸਲ ਦੇ ਅਧਿਕਾਰੀਆ ਦਾਂ ਕੋਈ ਧਿਆਨ ਨਹੀਂ ਹੈ ਸਫਾਈ ਕਰਮਚਾਰੀਆਂ ਕੋਲ ਸਫਾਈ ਕਰਨ ਲਈ ਪੂਰਾ ਸਮਾਨ ਵੀ ਸਹੀ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਸਫ਼ਾਈ ਕਰਮਚਾਰੀਆਂ ਵੱਲੋ ਰੇਹੜੀਆਂ ਖਿੱਚਦੇ ਹੋਏ ਹਾਲਾਤ ਨਹੀਂ ਦੇਖੇ ਜਾਂਦੇ। ਉਨ੍ਹਾਂ ਕਿਹਾ ਕਿ ਢਾਈ ਸਾਲ ਵਿੱਚ ਸ਼ਹਿਰ ਬਸੀ ਪਠਾਣਾਂ ਦੇ ਵਿਕਾਸ ਨੂੰ ਬਦਲਾਅ ਦਾ ਗ੍ਰਹਿਣ ਲੱਗ
ਚੁੱਕਾ ਹੈ। ਕੌਂਸਲਰ ਮਨਪ੍ਰੀਤ ਸਿੰਘ ਹੈਪੀ ਨੇ ਸ਼ਹਿਰ ਦੇ ਹਰ ਇੱਕ ਪਾਰਟੀ ਦੇ ਲੀਡਰਾਂ ਨੂੰ ਬੇਨਤੀ ਕੀਤੀ ਕਿ ਆਪਣੀਆਂ ਨਿੱਜੀ ਰੰਜਿਸ਼ਾ ਛੱਡ ਕੇ ਸਾਰੀਆਂ ਨੂੰ ਇੱਕਠੇ ਹੋ ਕੇ ਆਪਣੇ ਸ਼ਹਿਰ ਦੇ ਵਿਕਾਸ ਲਈ ਕੰਮ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਸਫਾਈ ਕਰਮਚਾਰੀ ਵੀ ਸ਼ਹਿਰ ਵਿਚ ਸਫਾਈ ਓਦੋਂ ਤੱਕ ਸਹੀ ਕਰ ਸਕਦੇ ਹਨ। ਜੇ ਉਨ੍ਹਾਂ ਕੋਲ ਕੰਮ ਕਰਨ ਲਈ ਸਹੀ ਸਾਧਨ ਠੀਕ ਹੋਣਗੇ|
